Ads by Exprox

ޚަބަރު

ގޭންގުކުށްތަކާ ބެހޭ ބިލު މަޖިލީހަށް ހުށަހަޅައިފި

ގޭންގުކުށްތަކާ ބެހޭ ބިލު މަޖިލީހަށް ހުށަހަޅައިފި

ރައްޔޮތުންގެ މަޖިލީހުގެ ރައީސް ޢަބްދުއްރަޙިމް ޢަބްދުﷲ

ޙަސްނާ އަޙްމަދް

ޙަސްނާ އަޙްމަދް

12 ޑިސެމްބަރު 2024، 08:34

12 ޑިސެމްބަރު 2024، 08:34

ގޭންގު ކުށްތަކާއި ބެހޭ ބިލް ރައްޔިތުންގެ މަޖިލީހަށް ހުށައަޅައިފިއެވެ. 

މިބިލަކީ ސަރުކާރުގެ ފަރާތުން މަޖިލީހަށް ހުށަައަޅައިފައިވާ ބިލެކެވެ. މި ބިލް ސަރުކާރުގެ ފަރާތުން މަޖިލީހަށް ހުށައަޅުއްވައިފައިވަނީ މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިނެވެ.

މި ބިލަކީ ރާއްޖޭގައި ހިންގާ ގޭންގުތަކުން ކުށްތަކާއި އެނޫންވެސް ނުރައްކާތެރި ކުށްތައް ހުއްޓުވުމުގެ ގޮތުން ސަރުކާރުން ހުށައަޅައިފައިވާ ބިލެކެވެ. މި ބިލުގެ ފުރަތަމަ ކިޔުން މިއަދުގެ މަޖިލީހުގައި ވަނީ އިއްވައިފައެވެ. 

 މިބިލުގެ މަޤްސަދަކީ ރާއްޖޭގައި ގޭންގުތަކުން ހިންގާ ކުށްތަކާއި އެނޫންވެސް އާންމު ރައްޔިތުންގެ ހިތްތަކުގައި ބިރުވެރިކަން އުފެދޭ ގޮތަށް ހިންގާ ނުރައްކާތެރި އަދި ބޮޑެތި ކުށްތަކުން ރައްޔިތުންނާއި މުޖުތަމައު ރައްކާތެރިކުރުމަށްޓަކައި ކަމާއިގުޅޭ ތަފްސީލީ ޤާނޫނީ އޮނިގަނޑެއް ހަރުދަނާގޮތެއްގައި ތަންފީޒުކުރުމަށް މަގުފަހި ކުރުވުމެވެ. 

ސަރުކާރުގެ ފަރާތުން ހުށައަޅައިފައިވާ މި ބިލު ފާސްކުރުމުން ގޭންގުތަކުން ހިންގާ ކުށްތައް ހިމެނޭގޮތަށް އިންތިޒާމުކޮށްގެން ހިންގާ ބޮޑެތި ކުށްތަކާއި އެނޫންވެސް ނުރައްކާތެރި ކުށްތައް އަދި ނުހައްޤުން މުއްސަނދިކަން ހޯދައި ލިބިގަތުމުގެ ކުށް ހިމެނޭ ގޮތުން ކުށުގެ ގޮތުގައި ކަނޑައެޅޭ އަމަލުތައް ބަޔާންކުރުމާއި އެކުށްތަކަށް އަދަބު ކަނޑައެޅިގެންދާނެއެވެ. 

މީގެއިތުރުން މިފަދަ ކުށްތަށް ކުރާ ފަރާތްތަކާއި މެދު ފިޔަވަޅު އެޅުމަށްޓަކައި ޤާނޫނު ތަންފީޒުކުރާ އިދާރާތަކަށް ހާއްސަ ބާރުތަކެއް ދެވި ކުޑަކުދިންނާއި ޒުވާނުން އެފަދަ ކުށްތައް ކުރާ ވެށިން ދުރުކޮށް އެފަރާތްތަކަށް ރައްކާތެރިކަން މި ބިލުގެ ސަބަބުން ދެވޭނެއެވެ. 

އަދި ހަމަ ކުށްކުރާ ފަރާތްތައް ހެޔޮގޮތުގައި މުޖުތަމައުއަށް ރުޖޫއަވުމަށް މަގުފަހިކޮށްދިނުމަށްޓަކައި ހާއްސަ ފިޔަވަޅުތަކެއް އެޅުމުގެ އުސޫލުތައް މި ބިލް ފާސްވުމާއެކީ ކަނޑައެޅިގެންދާނެއެވެ.

މިއަދުގެ މަޖިލީހުގައި މި ބިލަށް އެއްވެސް މެމްބަރަކު ބަހުސްކުރައްވައިފައި ނުވާކަން ފާހަގަކޮށްލަން ޖެހެއެވެ. މިއަދުގެ ޖަލްސާއަށް ފަހު މަޖިލިސް ވަނީ ދައުރު ނިންމައި ޗުއްޓީއަށް ގޮސްފައެވެ. 

 

މި ލިޔުން ކިޔާލުމުން

Ads by MSS