މަޣާޒީ ކޭމްޕްގައި ދިރިއުޅޭ މީހުން އެތަން ހުސްކުރުމަށް އިޒްރާއިލް ސިފައިން އަނެއްކާވެސް އަންގައިފި

ޣައްޒާގެ މަޣާޒީ ކޭމްޕްގައި ދިރިއުޅޭ މީހުން އެތަން ހުސްކުރުމަށް އިޒްރާއިލް ސިފައިން އަނެއްކާވެސް އަންގައިފިއެވެ. 

އިޒްރާއިލް ސިފައިން މަޣާޒީ ކޭމްޕަގައި ތިބި މީހުންނަށް އެތަން ހުސްކުރަން އަންގައިފައިވަނީ ޣައްޒާގެ މެދުތެރޭގައި އޮންނަ އެ ސަރަހައްދުން ރޮކެޓް ހަމަލާއެއް ދިން ކަމަށް ބުނެ އެވެ.

 އިޒްރާއީލުގެ އަސްކަރިއްޔާއިން ވަނީ ބުދަ ދުވަހު މަޣާޒީ ރެފިއުޖީ ކޭމްޕްގެ ފަސް ބްލޮކަކުން  ފަލަސްޠީނުގެ ރައްޔިތުން ނުކުރުމަށް މަޖުބޫރުކޮށްފައެވެ. 

ފަލަސްތީނުގެ 44،805 އަށް ވުރެ ގިނަ މީހުން ޝަހީދުވެފައިވާއިރު ހަމަލާތަކަށް 14 މަހަށް ވުރެ ގިނަ ދުވަސްވަނީ ވެފައެވެ. ހަމަލާތަކަށް މިހާގިނަދުވަސް ވެފައިވާއިރުވެސް އިޒްރާއިލުން ދެމުންދާ ނުރައްކާތެރި ހަމަލާތައް ހުއްޓުމުއް ނެތި ގެންދަނީ ކުރިއަށެވެ. މިހަމަލާތަކުގައި ޝަހީދުވެފައިވާ މީހުންގެ ތެރެއިން ގިނައީ ކުޑަކުދިންނާއި އަންހެނުންކަން ފާހަގަކޮށްލަން ޖެހެއެވެ. 

 ފަލަސްޠީނުގެ ޝަހީދުންގެ ޢަދަދެއް ދުވަހެެއް ދުވަހަކަށް އިތުރުވަމުންދާއިރު ޝަރުތަކާއި ނުލައި އިޒްރާއިލުން ފަލަސްޠީނަށް ދެމުންދާ ހަމަލާތައް ހުއްޓާލުމަށް އދ.ން ވަނީ މިއަދު ގޮވާލައިފައެވެ. 

މިއަދު ބޭއްވި ޖަލްސާގައި  193 މެންބަރުންގެ މަޖިލީހުގެ ތެރެއިން 158 މެމްބަރުންގެ ވޯޓުން އެ ޤަރާރު ވަނީ ތަސްދީޤު ކޮށްފައެެވެ.