2024 ވަނަ އަހަރުގެ އެންމެ މޮޅު ގޭމަކަށް "އެސްޓްރޯ ބޮޓްސް"

ވީޑިއޯ ގޭމް ސިނާއަތުގެ އެންމެ ބޮޑު އެވޯޑް ހަފްލާގައި އެސްޓްރޯ ބޮޓް ވަނީ އެންމެ މަތީ ވަނަ ހޯދައިފައެވެ. މި ގޭމަކީ ޕްލޭސްޓޭޝަން ޕްލެޓްފޯމްގެ ގޭމެކެވެ.

މި އަހަރުގެ ގޭމް އޮފް ދަ އިޔަރ އެވޯޑް ހޯދުމަށް އެސްޓްރޯ ބޮޓާ ވާދަކުރި އެހެން ގޭމުތަކުގެ ތެރޭގައި ފައިނަލް ފެންޓަސީ 7 ރީބަރތް، ބްލެކް މިތް: ވުކޮންގް، މެޓަފޯ: ރީފެންޓަޒިއޯ އެލްޑެން ރިންގް: ޝެޑޯ އޮފް ދަ އަރތްޓްރީ އަދި ބަލަޓްރޯ ހިމެނެއެވެ.

އެވޯޑް އާއި ހަވާލުވުމަށްފަހު، ޑިވެލޮޕަރ ޓީމް އަސޯބީގެ ސްޓޫޑިއޯ ވެރިޔާ ނިކޮލަސް ޑޮސެޓް ވަނީ އެމީހުންގެ ވާދަވެރި ނިންޓެންޑޯއަށް ޝުކުރު އަދާކޮށްފައެވެ. އެސްޓްރޯ ބޮޓް ވަނީ އިތުރު ތިން އެވޯޑެއްވެސް ހޯދާފައެވެ. އެއީ ބެސްޓް ފެމިލީ ގޭމް، ބެސްޓް އެކްޝަން/އެޑްވެންޗަރ އަދި ބެސްޓް ގޭމް ޑައިރެކްޝަން އެވެ.

މި ހަފްލާގައި ހަތް ކެޓަގަރީއަކަށް ނޮމިނޭޓް ކުރެވުނު ފައިނަލް ފެންޓަސީ 7 ރީބާތަށް ލިބުނީ ހަމައެކަނި ބެސްޓް މިއުޒިކް އެވޯޑެވެ. ކޭމްބްރިޖްގެ ނިންޖާ ތިއަރީ ސްޓޫޑިއޯގެ މެލީނާ ޖުއާގެންސް ވަނީ ހެލްބްލޭޑް 2: ސެނުއާސް ސާގާގައި އަދާކުރި ރޯލަށް ބެސްޓް ޕަރފޯމަންސް އެވޯޑް ހޯދާފައެވެ.

މި ހަފްލާ ބޭއްވުނީ ވީޑިއޯ ގޭމް އެކްޓަރުން އޭއައި ރައްކާތެރިކަމާއި މަސައްކަތުގެ ޙާލަތުތަކަށް އިހުތިޖާޖު ކުރަމުންދާ ދަނޑިވަޅެއްގައެވެ. އެކްޓިންގ ޔޫނިއަން އެސްއޭޖީ-އަފްޓްރާ އާއި ގޭމް ވޯކަރސް އޮފް ސަދަން ކެލިފޯނިއާ އިން ވަނީ ހަފްލާ ބޭއްވުނު ޕީކޮކް ތިއޭޓަރު ކައިރީގައި ލީފްލެޓް ބެހުމުގެ ޕްލޭނެއް އިއުލާނުކޮށްފައެވެ.