"ޕިއްޒާ.ކޮމް" ވިއްކާލައިގެން މިލިއަނަރަކަށްވި އެމެރިކާގެ ވިޔަފާރިވެރިޔާ

އިންޓަރނެޓް ދުނިޔޭގައި އެންމެ އަގުބޮޑު ޑޮމެއިން ނަންތަކުގެ ތެރެއިން އެއް ނަމެއް ކަމަށްވާ "ޕިއްޒާ.ކޮމް" ވިއްކާލައިގެން އެމެރިކާގެ ވިޔަފާރިވެރިއެއް ކަމަށްވާ ކްރިސް ކްލާކް ވަނީ މިލިއަނަރަކަށް ވެފައެވެ.

1994 ވަނަ އަހަރު އޭނާ މި ޑޮމެއިން ނަން ރަޖިސްޓްރީ ކުރީ އޭރު އޭނާގެ ކޮންސަލްޓިންގ ކުންފުންޏަށް ޕިއްޒާ ކުންފުންޏަކާއެކު ކޮންޓްރެކްޓެއް ހޯދުމުގެ އުންމީދުގައެވެ. އޭގެ ފަހުން 14 އަހަރު ވަންދެން އަހަރަކު 20 ޑޮލަރު ދައްކައިގެން މި ޑޮމެއިން ނަން ދެމެހެއްޓި ނަމަވެސް، މައިގަނޑު ގޮތެއްގައި ބޭނުން ކުރެވުނީ އިޝްތިހާރު ކުރުމަށެވެ.

2008 ވަނަ އަހަރުގެ ޖަނަވަރީ މަހު، އޭރު 43 އަހަރުގެ ކްލާކް ނިންމީ މީހަކު ޑޮމެއިންއެއް 3 މިލިއަން ޑޮލަރަށް ވިއްކާލެވުނު ޚަބަރު އިވުމާ ގުޅިގެން "ޕިއްޒާ.ކޮމް" ވިއްކާލުމަށެވެ. އޭނާ މި ޑޮމެއިން ނަން އޮންލައިން ނީލަމުގައި ލިސްޓު ކުރުމާއެކު، ފުރަތަމަ ބިޑު 100 ޑޮލަރުގައި ފެށުނު ނަމަވެސް، އެންމެ ހަފުތާއެއްގެ ތެރޭގައި 2.6 މިލިއަން ޑޮލަރަށް އަރާފައިވެއެވެ.

2008 ގެ މާލީ ހީނަރުކަމުގެ ދުވަސްވަރު މިފަދަ ބޮޑު އަގެއްގައި ވެބްސައިޓެއް ވިއްކާލެވުނު ކަމީ ވަރަށް ފާހަގަކޮށްލެވޭ ކަމެކެވެ. ކްލާކް ބޯލްޓިމޯ  ބުނެފައިވަނީ އިންޓަރނެޓް ފެށުނު ދުވަސްވަރު އިތުރު ޑޮމެއިން ނަންތައް ރަޖިސްޓްރީ ނުކުރެވުނު ކަމާމެދު ހިތާމަ ކުރާ ކަމަށެވެ.

މިހާރު 70 އަހަރުގެ އުމުރުފުރައިގައި ހުންނާނެ ކަމަށް ލަފާކުރެވޭ ކްލާކްއަށް އަކީ މިހާރު މިލިއަނަރެކެވެ. ނަމަވެސް، މިއަދު "ޕިއްޒާ.ކޮމް" އަށް ޒިޔާރަތްކޮށްލުމުން ފެންނަނީ ވޭތުވެދިޔަ 10 އަހަރަށްވުރެ ގިނަ ދުވަހު އަޕްޑޭޓް ނުކުރެވި އޮތް ވެބްސައިޓެކެވެ. މި ވެބްސައިޓުގައި މިހާރު ހުރީ ޑެލިވަރޫ ފަދަ ކުންފުނިތަކުގެ އިޝްތިހާރުތަކެވެ. އަދި ވެބްސައިޓުގެ ތިރީގައި މި ޑޮމެއިން ނަމާ ބެހޭ ގޮތުން އިތުރު މަޢުލޫމާތު ހޯދުމަށް ގުޅޭނެ ފޯނު ނަންބަރަކާއި އީމެއިލް އެޑްރެހެއް ވެސް ހިމަނާފައިވެއެވެ.