ގުރައިދޫ ޕޮލިސް ސްޓޭޝަންގެ އަންހެން އޮފިސަރެއް ޑިއުޓީގައި ހުއްޓާ ނިޔާވެއްޖެ

ތ. ގުރައިދޫ ޕޮލިސް ސްޓޭޝަންގައި މަސައްކަތްކުރަމުންދިޔަ އަންހެން ފުލުސް އޮފިސަރެއް ޑިއުޓީގައި ހުއްޓާ ނިޔާވެއްޖެއެވެ. މި ހިތާމަވެރި ހާދިސާ ހިނގާފައިވަނީ އިއްޔެ ރޭގެ ވަގުތެއްގައި ކަމަށް ފުލުހުން މަޢުލޫމާތު ދެއްވާފައިވެއެވެ.

ނިޔާވި އޮފިސަރަކީ ސަރޖަންޓް ފާތިމަތު ރިފާ ކަމަށް ވަނީ އެނގިފައެވެ. ސަރޖަންޓް ފާތިމަތު ރިފާ ނިޔާވި ސަބަބާ ގުޅޭގޮތުން އިތުރު މަޢުލޫމާތެއް މިވަގުތު ލިބިފައެއް ނުވެއެވެ.

މި ހާދިސާއާ ގުޅިގެން ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަތީފް ވަނީ މަރުޙޫމާގެ ޢާއިލާއަށް ތަޢުޒިޔާ ވިދާޅުވެފައެވެ. ނައިބު ރައީސް ސޯޝަލް މީޑިއާގައި ޙިއްޞާކުރެއްވި ޕޯސްޓެއްގައި ވިދާޅުވެފައިވަނީ މި ޚަބަރު އެއްސެވީ ކުއްލި ހައިރާންކަމާއި ފުން ހިތާމައާއެކު ކަމަށެވެ.

إِنَّا لِلَّٰهِ وَإِنَّا إِلَيْهِ رَاجِعُونَ

ތ.ގުރައިދޫ ޕޮލިސް ސްޓޭޝަންގައި މަސައްކަތްކުރައްވަމުން ގެންދެވި، ސަރޖަންޓް ފާތިމަތު ރިފާ ސ.ނަމްބަރ 3455، ނިޔާވި ޚަބަރު އަޅުގަނޑުއެހީ ކުއްލި ހައިރާންކަމާއި ފުން ހިތާމައާއިއެކުއެވެ. މަރުޙޫމާ ފާތިމަތު ރިފާގެލޮބުވެތި ޢާއިލާއަށް… pic.twitter.com/5DJTr1nsX0

— Hussain Mohamed Latheef (@HucenSembe) December 14, 2024

ސަރޖަންޓް ފާތިމަތު ރިފާ ނިޔާވުމާއި ގުޅިގެން ތައުޒިޔާ ވިދާޅުވެ ކުރެއްވި ޕޯސްޓެއްގައި ފުލުހުން ވިދާޅުވީ ހިތާމައިގެ މިދަނޑިވަޅުގައި
ކޮމިޝަނަރ އޮފް ޕޮލިސްއާއި ފުލުހުންގެ ޚިދުމަތުގެ ހުރިހާ މުވައްޒަފުންގެ ނަމުގައި އިޚުލާސްތެރި ތަޢުޒިޔާ ދަންނަވާފައެވެ.