ވިލިމާލޭގައި "އަވައްޓެރި ބީޗް ފެސްޓް 2024" ކާމިޔާބުކަމާއެކު ބާއްވައިފި

ވިލިމާލޭގައި ދިރިއުޅޭ ތުއްތު ކުދިންނަށް އަމާޒުކޮށްގެން "އަވައްޓެރި ބީޗް ފެސްޓް 2024" ގެ ނަމުގައި ހާއްސަ ހަރަކާތެއް މިއަދު ބޭއްވިއެވެ. މި ހަރަކާތުގައި 800 އަށްވުރެ ގިނަ ތުއްތު ކުދިން ބައިވެރިވިއެވެ.

ބީޗް ފެސްޓުގެ ތެރެއިން

މި ހަރަކާތަކީ ދިވެހި ފުލުހުންގެ ޚިދުމަތުގެ ވިލިމާލެ ޕޮލިހާއި ލިކުއިޑް ވޯޓަރ ސްޕޯޓްސްއިން އިސްނަގައިގެން، ވިލިމާލޭގެ ސަރުކާރުގެ އިދާރާތަކާއި ޖަމިއްޔާ ޖަމާއަތްތަކާއި އަވައްޓެރި ފުލުހުންގެ ދަށުން ހިންގާ ވިލިމާލެ ޖޮއިންޓް އޭޖެންސީ ގްރޫޕް ގުޅިގެން ހިންގި ހަރަކާތެކެވެ. މިއަދު ހެނދުނު 7:00 އިން 11:00 އަށް ކުރިއަށް ގެންދެވުނު މި ހަރަކާތުގެ މަޤްޞަދަކީ ރައްޔިތުންނާއި ފުލުހުންގެ ގުޅުން ބަދަހިކޮށް، ވިލިމާލޭގެ ރައްޔިތުންގެ މެދުގައި އެކުވެރިކަން އިތުރުކުރުމެވެ.

ބީޗް ފެސްޓުގެ ތެރެއިން

ހަރަކާތް ޝަރަފުވެރިކޮށްދެއްވި ކޮމިޝަނަރ އޮފް ޕޮލިސް އަލީ ޝުޖާއު ވިދާޅުވީ މިފަދަ އިވެންޓުތަކިވެންޓުތަކުން ފުލުހުންނާއި އާންމުންނާ ދެމެދު އޮންނަ ގުޅުން ބަދަހިވެ، މުޖުތަމައު އިތުރަށް ރައްކާތެރި އަދި ދުޅަހެޔޮ މުޖުތަމައަކަށް ހެދުމަށް މަގުފަހިވެގެންދާ ކަމަށެވެ. އަދި މި ހަރަކާތަށް ވިލިމާލެ ރައްޔިތުންގެ ފަރާތުން ލިބުނު އެއްބާރުލުމާއި ތަރުހީބަށް ޝުކުރު އަދާކުރެއްވިއެވެ.

ބީޗް ފެސްޓުގެ ތެރެއިން

ހަރަކާތުގެ ތެރޭގައި ކަޔަކިންގ، ވޮލީބޯޅަ މެޗުތައް، ކުޑަކުދިންގެ ވާދަމާ މުބާރާތް، އަލިފާނުގެ ރައްކާތެރިކަމާ ގުޅޭ މައުލޫމާތު ފޯރުކޮށްދިނުން، އަދި ކުޑަކުދިންގެ އާޓް މުބާރާތްތަކާއި އެހެނިހެން މޫދު ކުޅިވަރުތައް ހިމެނުނެވެ. މީގެ އިތުރުން މަގުމަތީގެ ރައްކާތެރިކަމާއި، ސައިބަރ ކްރައިމް އާއި ކުޑަކުދިންނާ ގުޅުންހުރި މައުލޫމާތު، އަދި ފުލުހުން ފޯރުކޮށްދޭ އެހެނިހެން މުހިންމު ޚިދުމަތްތަކާ ބެހޭ މައުލޫމާތުވެސް ފޯރުކޮށްދެވުނެވެ.

މި ހަރަކާތަކީ ވިލިމާލޭގެ ރައްޔިތުންނާއި ފުލުހުންނާ ދެމެދު ގުޅުން ބަދަހިކޮށް، ކުޑަކުދިންނަށް މުނިފޫހިފިލުވުމުގެ ފުރުސަތު ހޯދައިދިނުމުގެ އިތުރުން މުހިންމު މައުލޫމާތު ފޯރުކޮށްދިނުމަށް ބޭއްވުނު ކާމިޔާބު ހަރަކާތެއް ކަމުގައި ބައިވެރިން ފާހަގަކޮށްފައިވެއެވެ.