Ads by Farudhun

ޚަބަރު

އެކުގައި މަސައްކަތް ކުރުމަށް ޕީއެންސީ އާއި އަދާލަތު ޕާޓީން ރަސްމީކޮށް އެއްބަސްވެއްޖެ

އެކުގައި މަސައްކަތް ކުރުމަށް ޕީއެންސީ އާއި އަދާލަތު ޕާޓީން ރަސްމީކޮށް އެއްބަސްވެއްޖެ

ޕީއެންސީ އާއި އަދާލަތު ޕާޓީއާ ދެމެދު ވެވުނު އެއްބަސްވުމުގައި ސޮއިކުރުން / ފޮޓޯ: ޕީއެންސީ

farudhun logo

ފަރުދުން

16 ނޮވެމްބަރު 2026، 06:16

16 ނޮވެމްބަރު 2026، 06:16

ސިޔާސީ ގޮތުން އެކުގައި މަސައްކަތް ކުރުމަށް، ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އާއި އަދާލަތު ޕާޓީން މިއަދު ރަސްމީކޮށް އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި ސޮއިކުރުމަށްޓަކައި މިއަދު ހަވީރު ބާރސެލޯ ނަސަންދުރާގައި ވަނީ ހާއްސަ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް ވަނީ ބައިވެރިވެވަޑައިގެންފައެވެ.

ދެ ޕާޓީގެ ދެމެދުގައި ވެވުނު މި އެއްބަސްވުމުގައި ކޮންގްރެސް ޕާޓީގެ ފަރާތުން ސޮއިކުރެއްވީ އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އެވެ. އަދި އަދާލަތު ޕާޓީގެ ފަރާތުން ސޮއިކުރެއްވީ އެ ޕާޓީގެ ރައީސް އައްޝައިޚް މުޙައްމަދު ޝިފާނެވެ.

މި އެއްބަސްވުމުގެ ދަށުން، މި ހިނގާ ރިޔާސީ ދައުރުގައި ސަރުކާރުން ބާކީ އޮތް ދެ އަހަރު އެކީގައި މަސައްކަތްކުރުމަށާއި، ކުރިއަށް އޮތް 2028 ވަނަ އަހަރުގެ ރިޔާސީ އިންތިޚާބުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ތާއީދުކުރުމަށް އަދާލަތު ޕާޓީން މި ވަނީ އެއްބަސްވެފައެވެ. 



ޕީއެންސީގެ ރިޔާސީ ކެންޑިޑޭޓް ރައީސް ޑރ. މުޢިއްޒަށް ތާއީދުކޮށް މަސައްކަތްކުރުމަށް އަދާލަތު ޕާޓީގެ މަޝްވަރާ މަޖިލީހުގެ ޤަރާރަކުން ވެސް ވަނީ ކަނޑައަޅާފައެވެ. މިދިޔަ ހޮނިހިރު ދުވަހުގެ ރޭ އަދާލަތު ޕާޓީން ފާސްކުރި މި ޤަރާރުގައި ބަޔާންކޮށްފައިވަނީ، އިސްލާމްދީނާއި ދިވެހިންގެ ޤައުމިއްޔަތާއި، ރާއްޖޭގެ މިނިވަންކަމާއި ސިޔާދަތު ރައްކާތެރިކޮށް، އިސްލާމީ ޢަޤީދާއާއި އުޞޫލުތަކަށް ބިނާކޮށް ޤައުމު ކުރިއަރުވައި ތަރައްޤީކުރުމަކީ އެ ޕާޓީ އުފެދިފައިވާ މައިގަނޑު މަޤްޞަދު ކަމަށެވެ. އެހެންކަމުން، ޤައުމުގެ ސިޔާސީ ހަމަޖެހުން ދެމެހެއްޓުމަށާއި، ޤައުމީ އެއްބައިވަންތަކަން ވަރުގަދަކުރުމަށްޓަކައި ސަރުކާރާ ގުޅިގެން މަސައްކަތްކުރުމަކީ މިވަގުތު ޤައުމަށް އެންމެ މަޞްލަޙަތު ހުރި ގޮތް ކަމަށް އެ ޕާޓީން ދެކޭ ކަމަށް ވެސް އެ ޤަރާރުގައި ފާހަގަކޮށްފައިވެއެވެ.

Ads by Ministry of Arts, Culture and Heritage

Ads by Ministry of Arts, Culture and Heritage

މި ލިޔުން ކިޔާލުމުން

ކިޔުންތެރިންގެ ހިޔާލު
450