ބުދަދުވަހުގެރޭ މާލޭގައި ހިނގި އެކްސިޑެންޓުގައި އަނިޔާވި ޒުވާނާ ނިޔާވެއްޖެ!

ބުދަދުވަހުގެރޭ މާލޭގަ ހިނގި އެކްސިޑެންޓުގައި އަނިޔާވި ޒުވާނާ ނިޔާވެއްޖެއެވެ. 

މިދިޔަ ބުދަ ދުވަހުގެ ރޭ 12:53 ހާއިރު، ބޮޑުތަކުރުފާނު މަގާއި ކޮއިމަލާ ހިނގުން ގުޅޭ ކަންމަތީގައި ކާރަކާއި ސައިލެއް ޖެހިގެން ހިނގި އެކްސިޑެންޓްގައި ސައިކަލުގައި އިން 20 އަހަރުގެ ޒުވާނާއަށް ބޮޑެތި އަނިޔާ ތަކެއްވެ އޭނާއަށް ވެންޓިލޭޓަރގައި ފަރުވާ ދީފައިވެއެވެ.

ވެންޓިލޭޓަރުގައި ފަރުވާ ދެމުންދަނިކޮށް އެޒުވާނާ ރޭ ދަންވަރުގެ ވަގުތެއްގައި ނިޔާވެފައިވާ ކަމަށް އޭނާގެ އާއިލާ އާއި ހަވާލާދީ ފުލުހުން މިއަދު ބުނެފައިވެއެވެ.

ބުދަދުވަހުގެރޭ  ހިނގި އެކްސިޑެންޓުގައި އަނިޔާވި މި ޒުވާނާ ނިޔާވެފައިވާއިރު، މިދިޔަ ހުކުރު ދުވަހު ހުޅުމާލޭގައި ކާރަކާއި ސައިކަލެއް ޖެހި ހިނގި އެކްސިޑެންޓެއްގައި ވެސް ޒުވާނަކު ވަނީ ނިޔާވެފައެވެ. އެ އެކްސިޑެންޓުގައި ނިޔާވީ 23 އަހަރުގެ ޒުވާނެކެވެ.

ބުދަދުވަހުގެރޭގެ އެކްސިޑެންޓުގައި އަނިޔާވެ ފަރުވާދެމުންދަނިކޮށް ނިޔާވެފައިވަނީ 20 އަހަރުގެ ޒުވާނެކެވެ.