ޚަބަރު
ވެމްކޯއިން ޢިމާރާތް ތަޅައިދިނުމުގެ ޚިދުމަތް ފަށަނީ
ވެމްކޯގެ މުވައްޒަފުން މަސައްކަތުގައި.
ވޭސްޓް މެެނޭޖްމަންޓް ކޯޕަރޭޝަން(ވެމްކޯ) އިން ޢިމާރާތް ތަޅައިދިނުމުގެ ޚިދުމަތް ފެށުމަށް ތައްޔާރުވެއްޖެއެވެ.
އެކުންފުނީގެ ވިޔަފާރި ސިންދަފާތު ކުރުމުގެ މަސައްކަތުގެ ދަށުން ފެށޭ މިމަސައްކަތް ފެށުމަށް ހަމަޖެހިފައިވާ ކަން އެކުންފުނިން ވަނީ މީޑިއާއަށް ކަށަވަރުކޮށްދީފައެވެ.
ވެމްކޯއިން މިހާރު ދަނީ އެ މަސައްކަތް ފެށުމަށްޓަކައި ކުރަންޖެހޭ މަސައްކަތްތައް ކުރަމުންނެވެ. މިގޮތުން އެކަން ކުރާނޭ އަގުތައް ކަނދައެޅުމާއި މަސައްކަތް ކުރިއަށްގެންދާނޭ ގޮތުގެ ޕްލޭންތައް ރޭވުން މިހާރު ގެންދަނީ ކުރިއަށެވެ.
ގޭބިސީތަކުގައި އުފެދޭ ކުނި އުކާލުމުގެ އިތުރުން، މިހާރުވެސް ތަޅާލާފައި ހުންނަ އިމާރާތްތަކުގެ ގައުކުނޑިތައް އުކާލުމުގެ ޚިދުމަތް ވެމްކޯއިން ދެއެވެ.
ވެމްކޯ އަކީ 2009 ވަނަ އަހަރު އުފެއްދި ކުންފުންޏެކެވެ. އެކުންފުނިން އެންމެ ފުރަތަމަ މާލެ ސަރަހައްދުގައި ކުނި އުކުމުގެ ޚިދުމަތް ދޭން ފަށާފައިވަނީ 2016 ވަނަ އަހަރެވެ. ވެމްކޯއިން މިހާރު ދަނީ މާލެ ސަރަހައްދުގެ އިތުރުން، މާލެ އަތޮޅާއި އެނޫންވެސް ބައެއް ރަށްތަކުގައިވެސް ކުނި އުކާލުމުގެ ޚިދުމަތް ދެމުންނެވެ.
މާލެ އާއި ރަށްރަށުގެ ކުނި އުކާލުމުގެ ޚިދުމަތް ދިނުމުގެ އިތުރުން ވެމްކޯއިން ރާއްޖޭގެ ރިސޯޓު ތަކުގެ ކުނި މެނޭޖްކުރުމުގެ ޚިދުމަތްވެސް ދަނީ ދެމުންނެވެ.
