ޚަބަރު
ގުރައިދޫގައި ނިޔާވި ތުއްތު ކުއްޖެއްގެ މަރާއި މެދު ޝައްކު އުފެދޭތީ އިތުރަށް ބަލަނީ

ކ.ގުރައިދޫ
ކ.ގުރައިދޫގައި ނިޔާވި ހަތަރު މަހުގެ ތުއްތު ކުއްޖެއްގެ މަރާއި މެދު ޝައްކު އުފެދޭތީ އިތުރަށް ބެލުމަށް އެދި މައްސަލަ އެއް ހުށައެޅިފައިވާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުން ބުނެފައިވަނީ ކ.ގުރައިދޫގައި 4 މަހުގެ ތުއްތު ކުއްޖަކު ނިޔާވި މައްސަލައެއް 14 ޑިސެމްބަރު 2024 ގައި ހުށައެޅިފައިވާ ކަމަށެވެ. މީގެއިތުރުން މި ކުއްޖާގެ ހަށިގަނޑު އޮޓޮޕްސީ ހެދުމަށް ރާއްޖެ އިން ބޭރަށް ފޮނުވުމަށް ހަމަޖެހިފައިވާ ކަމަށްވެސް ފުލުހުން ވަނީ ބުނެފައެވެ.
މީގެ އިތުރުން މި މައްސަލަ ފުލުހުން އިތުރަށް ތަހުޤީޤު ކުރަމުންދާ ކަމަށެވެ.