Ads by Farudhun

ޚަބަރު

ސިއްހަތަށް ނުރައްކާވާ މިންވަރަށް ރާއްޖޭގެ އެކި ހިސާބުތަކުގައި ވައި ނުސާފުވެ ރަތް ސަމާލު ނެރެފި

ސިއްހަތަށް ނުރައްކާވާ މިންވަރަށް ރާއްޖޭގެ އެކި ހިސާބުތަކުގައި ވައި ނުސާފުވެ ރަތް ސަމާލު ނެރެފި

މާލެ ސަރަހައްދުގައި ވައި ނުސާފުވުން - ފޮޓޯ: އެޓޯލް ޓައިމްސް

މުހައްމަދު ނާފިޒް

މުހައްމަދު ނާފިޒް

21 ނޮވެމްބަރު 2026، 05:32

21 ނޮވެމްބަރު 2026، 05:32

ސިއްހަތަށް ގެއްލުންވާ މިންވަރަށް ރާއްޖޭގެ ވައިގެ ފެންވަރު ދަށްވެ، ދުންފުނީގެ އަސަރު ގަދަވުމާ ގުޅިގެން މޫސުމާ ބެހޭ ގައުމީ އިދާރާ (މެޓް) އިން ރާއްޖޭގެ އެކި ސަރަހައްދުތަކަށް ރަތް ސަމާލު ނެރެ، އާންމުން ސަމާލުވުމަށް އިލްތިމާސްކޮށްފިއެވެ.

މެޓް އޮފީހުން ހާމަކޮށްފައިވާ އެއާ ކޮލިޓީ އިންޑެކްސް (އޭކިއުއައި) ގެ އެންމެ ފަހުގެ ރެކޯޑުތަކަށް ބަލާއިރު، މާލެ އަދި ވިލިމާލެ ހިމެނޭ ސަރަހައްދުގެ އިންޑެކްސް ވަނީ 160 އަށް އަރާފައެވެ. އަދި އަތޮޅުތެރެއަށް ބަލާއިރު، ލ. ފޮނަދޫގެ އޭކިއުއައި 151 ގައި ހުރިއިރު، ހދ. ކުޅުދުއްފުށީގެ ހާލަތު ވަނީ މާލެއަށް ވުރެވެސް ބޮޑަށް ގޯސްވެ، އެ ރަށުގެ އިންޑެކްސް 168 އަށް މައްޗަށް ގޮސްފައެވެ. ސާފު އަދި ރައްކާތެރި ވައިގެ މިންގަނޑަކީ އޭކިއުއައި 90 އާއި 130 އާ ދެމެދު ކަމަށް ވިޔަސް، މިއަދަދު 130 އިން މައްޗަށް ދިއުމަކީ އާންމު ސިއްހަތަށް ގެއްލުންހުރި ނުރައްކާތެރި ހާލަތެއްގެ ގޮތުގައި ބަލައި ރަތް އެލާޓް ކަނޑައަޅާ ހާލަތެކެވެ.

މޫސުމީ އިދާރާއިން ލަފާކުރާ ގޮތުގައި ކުރިއަށް އޮތް ފަސް ދުވަހު ވެސް މި ދުންފުނީގެ ނޭދެވޭ އަސަރު މުޅި ރާއްޖެއަށް ފޯރާނެއެވެ. ހާއްސަކޮށް ރާއްޖޭގެ އުތުރާއި މެދުތެރޭގެ އަތޮޅުތަކުގެ ވައިގެ ފެންވަރު ދަށްވެ، ދުރު ފެންނަ މިންވަރު (ވިޒިބިލިޓީ) ވަރަށް ބޮޑަށް ދަށްވާނެ ކަމަށް ވަނީ ލަފާކޮށްފައެވެ. ވުމާއެކު، ބޭރުތެރޭގައި ކުޅިވަރު ކުޅުމާއި އެކި ކަހަލަ ހަރަކާތްތައް ހިންގާ ފަރާތްތަކުން މިކަމަށް ހާއްސަ ސަމާލުކަމެއް ދިނުމަށް މެޓުން ވަނީ އެދިފައެވެ.



ވައިގެ ނުސާފުކަން މި މިންވަރަށް އިތުރުވުމަކީ ނޭވާހިއްލުމާއި، ފުއްޕާމޭގެ ބަލިތައް ފަދަ ނޭވާލާ ނިޒާމުގެ މައްސަލަތައް ހުންނަ ފަރާތްތަކަށް ނުހަނު ނުރައްކާތެރި ކަމެކެވެ. މީގެއިތުރުން، އެއްވެސް ބައްޔެއް ނެތް ދުޅަހެޔޮ މީހުން ވެސް ގިނަވަގުތު ބޭރުގައި އުޅޭނަމަ ކަރުތެރެ ހިރުވުމާއި، ކެއްސުމާއި، ނޭވާލާން އުނދަގޫވުން ފަދަ ސިއްހީ އުނދަގޫތަކާ ކުރިމަތިލާން ޖެހިދާނެ ކަމަށް ކަމާބެހޭ މާހިރުން ވިދާޅުވެއެވެ. އެހެންކަމުން ކޮންމެހެން ނުކުންނަން ޖެހިގެން މެނުވީ ބޭރަށް ނުދިއުމަށާއި، ބޭރަށް ނުކުންނަ ހާލަތްތަކުގައި ވެސް މާސްކު އެޅުން ފަދަ ރައްކާތެރިކަމުގެ ފިޔަވަޅުތައް އެޅުމަށް ވަނީ އަންގާފައެވެ.

މި ދުވަސްވަރަކީ ސަރަހައްދީ ގޮތުން މުޅި މި ސަރަހައްދުގެ ވައި ނުސާފުވެފައިވާ ދުވަސްވަރެއް ކަމުން، ރާއްޖޭގެ އިތުރުން އަވަށްޓެރި އިންޑިއާ އަދި ސްރީލަންކާގެ ވައިގެ ފެންވަރު ވެސް ވަނީ އިންތިހާއަށް ދަށަށް ގޮސްފައެވެ. އެ ގައުމުތަކުގައި ވެސް މި ނުރައްކާތެރި ހާލަތާ ގުޅިގެން ރައްޔިތުން ރައްކާތެރިކަމުގެ ހާއްސަ ފިޔަވަޅުތައް އެޅުމަށް އެ ގައުމުތަކުގެ ކަމާބެހޭ އިދާރާތަކުން ދަނީ އިލްތިމާސްކުރަމުންނެވެ.

Ads by MSS

Ads by MSS

މި ލިޔުން ކިޔާލުމުން

ކިޔުންތެރިންގެ ހިޔާލު
450