Ads by Farudhun

ޚަބަރު

ޝާހިދުގެ ބަންދު އަމުރަށް ހައިކޯޓުން ތާއީދުކޮށް، ދޫނުކޮށްލަން ނިންމައިފި

ޝާހިދުގެ ބަންދު އަމުރަށް ހައިކޯޓުން ތާއީދުކޮށް، ދޫނުކޮށްލަން ނިންމައިފި

އަބދުﷲ ޝާހިދު - ފޮޓޯ: އޯފް އޮންލައިން

މުހައްމަދު ނާފިޒް

މުހައްމަދު ނާފިޒް

22 ނޮވެމްބަރު 2026، 07:02

22 ނޮވެމްބަރު 2026، 07:02

ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކޮށްފައިވާ ކުރީގެ ފޮރިން މިނިސްޓަރު އަދި ރައްޔިތުންގެ މަޖިލީހުގެ ކުރީގެ ރައީސް ޢަބްދުﷲ ޝާހިދު 30 ދުވަހުގެ މުއްދަތަށް ބަންދުގައި ބެހެއްޓުމަށް ކްރިމިނަލް ކޯޓުން ނެރުނު އަމުރު ބަދަލުކުރަންޖެހޭ ސަބަބެއް ނެތް ކަމަށް ދިވެހިރާއްޖޭގެ ހައިކޯޓުން މިއަދު ކަނޑައަޅައިފިއެވެ.

މި މައްސަލައަކީ އދ. ގެ އާންމު މަޖިލީހުގެ 76 ވަނަ ދައުރުގެ ރައީސްކަން ވެސް ކުރައްވާފައިވާ ޝާހިދުގެ ފަރާތްޕުޅުން، ކްރިމިނަލް ކޯޓުގެ ބަންދު އަމުރު އިސްތިއުނާފު ކުރުމަށް ހައިކޯޓަށް ހުށަހެޅި މައްސަލައެކެވެ. ސިއްރުކޮށްގެން ކުރިއަށްގެންދިޔަ ޝަރީއަތުގެ އަޑުއެހުންތަކަށް ފަހު ހައިކޯޓުން މިއަދު އިއްވި ހުކުމުގައި ބަޔާންކޮށްފައިވަނީ، ދަށު ކޯޓުން ނިންމާފައިވާ ނިންމުމަށް ބަދަލެއް ގެންނަންޖެހޭ ފަދަ އެއްވެސް ޤާނޫނީ އަސާސެއް ނެތް ކަމަށެވެ. އަދި ކްރިމިނަލް ކޯޓުގެ އެ އަމުރު ދަމަހައްޓަން ހައިކޯޓުން ވަނީ ނިންމާފައެވެ.

ހައިކޯޓުގެ ނިންމުމުގައި އިތުރަށް ފާހަގަކޮށްފައިވަނީ، ފުލުހުންގެ ތަހުގީގަށް މިހާތަނަށް ހޯދިފައިވާ ހެކިތަކަށާއި މައްސަލައިގެ ކުޑަބޮޑުމިނަށް ރިއާޔަތްކުރާއިރު، ތަހުގީގުގެ މަސްލަހަތު ހިމާޔަތްކުރުމަށާއި މުޖުތަމައުގެ ރައްކާތެރިކަން ދެމެހެއްޓުމުގެ ގޮތުން އޭނާ ބަންދުގައި ބަހައްޓަން ނިންމާފައިވަނީ ޤާނޫނާ އެއްގޮތްވާ ގޮތުގެ މަތިން ކަމަށެވެ.

ކޯޓު އަމުރެއްގެ ދަށުން ފުލުހުން ޝާހިދު ހައްޔަރުކޮށްފައިވަނީ މި ހިނގާ ނޮވެންބަރު މަހުގެ ދެ ވަނަ ދުވަހު، ހުޅުމާލޭގައި އޭނާ ދިރިއުޅުއްވަމުން ގެންދެވި އެޕާޓްމަންޓުންނެވެ. އޭގެ އަނެއް ދުވަހު އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އެ ކޯޓުން ވަނީ 30 ދުވަހުގެ މުއްދަތެއް ދީފައެވެ. އެހެންކަމުން، މި އަމުރުގެ ދަށުން އޭނާގެ ބަންދުގެ މުއްދަތު ހަމަވާނީ އަންނަ ޑިސެންބަރު މަހުގެ ތިން ވަނަ ދުވަހަށެވެ.

ޝާހިދުގެ މައްޗަށް ކުރެވިފައިވާ މި ތުހުމަތުތަކާ ގުޅިގެން އޭނާ ވަނީ އެ ހުރިހާ ވާހަކަތަކަށް އެއްކޮށް އިންކާރު ކުރައްވާފައެވެ. އަދި މިއީ އޭނާގެ އަބުރު ކަތިލުމުގެ ބޭނުމުގައި، ސިޔާސީ މަގުސަދެއް ހާސިލުކުރުމަށްޓަކައި ބަޔަކު އަޑީގައި ތިބެގެން ކުރަމުންދާ ކަމެއް ކަމަށް ވެސް އޭނާ ވަނީ ތުހުމަތު ކުރައްވާފައެވެ.

މި ތުހުމަތުތަކާ ގުޅިގެން ސަރުކާރުގެ ފަރާތުން ހާމަކޮށްފައިވަނީ، މި މައްސަލައަށް ސިޔާސީ ގޮތުން އެއްވެސް ނުފޫޒެއް ނުފޯރުވާނެ ކަމަށާއި، ފުލުހުންގެ ތަހުގީގު ކުރިއަށްދާނީ ޤާނޫނީ އިމުގެ ތެރެއިން ފުރިހަމަ މިނިވަންކަމާއެކު ކަމުގެ ޔަގީންކަމެވެ. މީގެއިތުރުން، ރާއްޖެއާމެދު ބައިނަލްއަޤްވާމީ ދުނިޔޭގެ އިތުބާރު ގެއްލިފައިވާ ކަމަށް ވިދާޅުވެ، ޝާހިދު ނިސްބަތްވެވަޑައިގަންނަވާ އިދިކޮޅު އެމްޑީޕީން ވެސް ވަނީ ކަންބޮޑުވުން ފާޅުކޮށްފައެވެ.

Ads by MSS

Ads by MSS

މި ލިޔުން ކިޔާލުމުން

ކިޔުންތެރިންގެ ހިޔާލު
450
ޙ

ޙުސޭނުބެ

22/11/2026 19:13

ޢެމްޑީޕީގެ އިސް ސަފުގައި ތިބި ގިނަ މީހުންގެ ފަސްބައި ބަލައިފިއްޔާ ތިބީ މިފަދަ ފާހިސް އަމަލުތަކުގައި ތިބި ބަޔެކެވެ. ދެން ތިބެ އެހެންމީހުނަށް ލައުނަތް ލާނެއެވެ.