ޚަބަރު
އެފްއެސްއެމްގެ އެމްޑީއަކަށް ފާތިމަތު އާޝާން އައްޔަނުކޮށްފި
އެފްއެސްއެމްގެ އެމްޑީއަކަށް އާޝާން އައްޔަނުކުރުން. ފޮޓޯ: އެފްއެސްއެމް
ފިޔުލް ސަޕްލައި މޯލްޑީވްސްގެ މެނޭޖިންގ ޑިރެކްޓަރުގެ މަޤާމަށް ފާތިމަތު އާޝާން އައްޔަނުކޮށްފިއެވެ. އެފްއެސްއެމްގެ އެމްޑީގެ މަޤާމަށް ފާތިމަތު އާޝާން އައްޔަންކޮށްފައިވަނީ މިއަދެވެ. އާޝާން އަކީ އެސްޓީއޯގައި ގިނަ ދުވަސްތަކެއް މަސައްކަތްކުރައްވާފައިވާ ބޭފުޅެކެވެ.
We are delighted to welcome our Managing Director Ms. Fathimath Ashan. pic.twitter.com/PWFfSoD4bQ
— FSM (@FuelSuppliesMv) December 15, 2024
އެގޮތުން 1994 ވަނަ އަހަރުން ފެށިގެން 2019 ވަނަ އަހަރާއި ހަމައަށް އޭނާ ވަނީ އެސްޓީއޯގެ ހެޑް އޮފް ބިޒްނަސް ޑިވެލޮޕްމަންޓް، ހިއުމަން ރިސޯސަސް އެންޑް އެޑްމިނިސްޓްރޭޓިވްގެ މަޤާމު އަދާކުރައްވާފައެވެ.
މީގެއިތުރުން 2019 ވަނަ އަހަރުން ފެށިގެން 2020 ވަނަ އަހަރާއި ހަމައަށް އޭނާ ވަނީ މިފްކޯގެ ޑެޕިއުޓީ ސީއީއޯގެ މަޤާމުވެސް ފުރުއްވާފައެވެ.ފާތިމަތު އާޝާން އެފްއެސްއެމްގެ އެމްޑީގެ މަޤާމަށް އައްޔަންކުރައްވާފައިވަނީ އެ މަޤާމުގައި ކުރިން ހުންނެވި އިސްމާއިލް ސުހައިލް އެ މަޤާމުން އިސްތިއުފާ ދެއްވުމާއި ގުޅިގެންނެވެ. އޭނާ އިސްތިއުފާ ދެއްވާފައިވަނީ މިދިޔަ މަހުގެ 26 ވަނަ ދުވަހުއެވެ.
ފާތިމަތު އާޝާން މި މަޤާމަށް އައްޔަންކުރެއްވުމާއިއެކު އޭނާ ވެފައިވަނީ އެސްޓީއޯ ގްރޫޕްގެ ފުރަތަމަ އަންހެން މެނޭޖިންގ ޑިރެކްޓަރަށެވެ.
