Ads by Exprox

ޚަބަރު

ރައީސް މުޢިއްޒު އޮމަދޫއަށް، ރައްޔިތުން ނުކުމެ ހޫނު މަރުޙަބާ އެއް ދަންނަވައިފި

ރައީސް މުޢިއްޒު އޮމަދޫއަށް، ރައްޔިތުން ނުކުމެ ހޫނު މަރުޙަބާ އެއް ދަންނަވައިފި

ރައީސް މުޢިއްޒަށް އޮމަދޫއިން މަރުޙަބާ ދެންނެވުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

15 ޑިސެމްބަރު 2024، 06:33

15 ޑިސެމްބަރު 2024، 06:33

ހުލާސާ


ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އދ.އޮމަދޫއަށް ވަޑައިގަތުމުން އެރަށުގެ ރައްޔިތުން އެމަނިކުފާނަށް ހޫނު މަރުޙަބާއެއް ދަންްނަވައިފިއެވެ. 

އދ.އަތޮޅަށް ރައީސް ޑރ މުޢިއްޒު ކުރައްވަމުން ގެންދަވާ ދެދުވަހުގެ ރަސްމީ ދަތުރުފުޅުގައި މިއަދު އެއަތޮޅު އޮމަދޫއަށް ވަޑައިގަތުމުން އެމަނިކުފާނަށް މަރުޙަބާ ދެންނެވުމަށް އެރަށުގެ ގިނަ ރައްޔިތުން ތަކެއް ވަނީ ނުކުމެފައެވެ. 

ރައީސް މުޢިއްޒު އޮމަދޫއަށް، ރައްޔިތުން ނުކުމެ ހޫނު މަރުޙަބާ އެއް ދަންނަވައިފި

އޮމަދޫއިން ރައީސް މުޢިއްޒަށް މަރުޙަބާ ދެންނެވުން.. ފޮޓޯ:ރައީސް އޮފީސް

އދ.އަތޮޅަށް ކުރައްވަމުން ގެންދަވާ މި ދަތުރުފުޅުގައި އިއްޔެ ވަނީ އދ.ދަނގެއްޗަށް ވަޑައިގެންފައެވެ. އިއްޔެ ދަނގެއްޗަށް ވަޑައިގެން ރައީސް މުޢިއްޒު ވަނީ އެއަތޮޅު ގިނަ ރަށްތަކެއްގެ ރަށު ކައުންސިލްތަކާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކާއި ބައްދަލުކުރައްވައިފައެވެ. 

އެގޮތުން މަންދޫ، ފެންފުށި، މާމިގިލި، ފެންފުށި، ދިއްދޫ އަދި ދަނގެތީ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި ވަނީ ބައްދަލު ކުރައްވައިފައެވެ. 

މީގެއިތުރުން ރޭ އެމަނިކުފާނު ވަނީ ދަނގެތީގެ ރައްޔިތުންނާއި ވެސް ބައްދަލުކުރައްވައިފައެވެ.

މިއަދު ހެނދުނު ރައީސް ޑރ މުއިއްޒާއި އެމަނިކުފާނުގެ އަރިހުގައި ދަތުރުކުރައްވަމުންގެންދަވާ ސަރުކާރުގެ އިސް ބޭފުޅުން ވަނީ އދ.މަހިބަދޫ އަށްވެސް ވަޑައިގެންފައެވެ. މަހިބަދޫއަށް އެމަނިކުފާނު ވަޑައިގަތުމުންވެސް ހޫނު މަރުޙަބާއެއް ކިޔައިފައިވެއެވެ. 

މަހިބަދޫއަށް ވަޑައިގެން އެރަށު ކައުންސިލާއި އަންހެންނުންގެ ތަރައްޤީއަށް މަސައްކަތް ކުރާ ކޮމިޓީއާއި ބައްދަލު ކުރެއްވުމުގެ އިތުރުން އެރަށުގެ ރައްޔިތުންނާއި ވެސް ވަނީ ބައްދަލުކުރައްވައިފައެވެ. 

މީގެއިތުރުން އެއަތޮޅު ކައުންސިލާއި އދ.ހަންޏާމީދޫ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި، އދ.ކުނބުރުދޫ ކައުންސިލާއި އެރަށުގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި ވެސް ރައީސް މުޢިއްޒު ވަނީ ބައްދަލުކުރައްވައިފައެވެ.

ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާ، އަތޮޅުތަކާ ރަށްތަކާ ސިޓީތަކުގެ ލޯކަލް ކައުންސިލުތަކާ ބައްދަލުކުރެއްވުމަށް ރައީސުލްޖުމްހޫރިއްޔާ ފަށްޓަވައިގެން ކުރިއަށްގެންދަވާ ސިލްސިލާ ދަތުރުފުޅުތަކުގައި، އެރަށްރަށުގެ ރައްޔިތުންގެ ހާލުއަހުވާލު ބައްލަވައި، ރައްޔިތުން އެންމެ އެދޭ ކަންކަން އޮޅުންފިލުއްވައި، ތަރައްޤީގެ މަޝްރޫޢުތައް ތަރުތީބުކުރާނޭގޮތާއިމެދު މަޝްވަރާކުރައްވައެވެ. 

 

މި ލިޔުން ކިޔާލުމުން

Ads by MSS