ދުނިޔެ

ޙާލުގައި ޖެހިފައިތިބި ޣައްޒާގެ ރައްޔިތުންތަކެއް ބޯހިޔާވަހިކަން ހޯދަމުންދިޔަ ސްކޫލަކަށް ހަމަލާދީފި

ޙާލުގައި ޖެހިފައިތިބި ޣައްޒާގެ ރައްޔިތުންތަކެއް ބޯހިޔާވަހިކަން ހޯދަމުންދިޔަ ސްކޫލަކަށް ހަމަލާދީފި

އިޒްރާއިލްގެ ހަމަލާއެއްގައި އަނިޔާވި ކުޑަކުއްޖަކު ގޮވައިގެން ރެސްޕޮންޑާއެއް.

ޙަސްނާ އަޙްމަދް

ޙަސްނާ އަޙްމަދް

15 ޑިސެމްބަރު 2024، 06:59

15 ޑިސެމްބަރު 2024، 06:59

ޙާލުގައި ޖެހިފައިތިބި ޣައްޒާގެ ރައްޔިތުންތަކެއް ބޯހިޔާވަހިކަން ހޯދަމުންދިޔަ ޣައްޒާގެ ސްކޫލަކަށް އިޒްރާއިލް ސިފައިން ވަރުގަދަ ހަމަލާތަކެއްދީފިއެެވެ. 

މިހަމަލާދީފައިވަނީ ޣައްޒާގެ ބައިތް ޙަނޫންގައި ހުންނަ ޚަލީލް އޮވައިދާ ސްކޫލަަށް ދިން ހަމަލާގެ ސަބަބުން 15 މީހަކު ޝަހީދުވެފައިވާ ކަމަށާއި، އޭގެ ތެރޭގައި ދެ ނޫސްވެެރިންވެސް ހިމެނޭކަމަށެވެ. މީގެ އިތުރުންވެސް ގިނަ ބަޔަކު ޒަޚަމްވެފައިވާ ކަމަށްްވެސް އަލްޖަޒީރާގައި ވަނީ ރިޕޯޓު ކޮށްފައެވެ. 

އަލްޖަޒީރާގެ ހާނީ މަޙްމޫދު، މެދުތެރޭ ޣައްޒާގެ ދެއިރް އަލް ބަލަޙްއިން ރިޕޯޓް ކުރަމުން ބުނެފައިވަނީ އެ ސްކޫލަށް ހަމަލާއަރާ މީހުންނަށް ބޮޑެތި އަނިޔާތަކެއް ލިބިފައިވާ ކަމަށެވެ. 

"އެމީހުން ދާނެ ތަނެއް ނެތް، ސަބަބަކީ އިޒްރާއީލުގެ އަސްކަރީ ބާރުތަކުން ޓެންކްތަކާއި ޢަސްކަރީ ވެހިކަލްތަކުން އެ ސަރަހައްދު ވަށާލައި، ވަރުގަދަ ހަތިޔާރުތަކުން ސްކޫލަށް ވަރުގަދަ ހަމަލާތައް ދެމުންދާތީ" ހާނީ ބުނެފައިވެއެވެ.

 މަރުވި މީހުންގެ ތެރޭގައި ދެ ކުދިން ހިމެނޭ ގޮތަށް ހަތަރު މީހުންގެ އާއިލާއެއް ހިމެނޭއިރު، އެމީހުން ހިޔާވަހިކަން ހޯދަމުން ދިޔަ ކްލާސްރޫމަށް ސީދާ ހަމަލާއެއް އަރައިފައިވާ ކަމަށް ވަނީ ބުނެފައެވެ.

“ޒަޚަމްވި ގިނަ މީހުން ތިބީ ސްކޫލުގެ ގޯތިތެރޭގައި އަދި އެހެން ކްލާސްރޫމްތަކުގެ ތެރޭގައި. އެމީހުންނަށް އެއްވެސް ފަރުވާއެއް ނުލިބޭ، ބައިތް ހަނޫންގެ އެއްވެސް ހޮސްޕިޓަލެއްގައި ފަރުވާދެވޭކަށް ނެތް” ހާނީ ބުނެފައިވެއެވެ.

ސްކޫލަށް ހަމަލާދީފައިވަނީ ކުރިން އިންޒާރު ދިނުމެއް ނެތި ކަމަށް އަލްޖަޒީރާގައި ވަނީ ބުނެފައެވެ. 

ފަލަސްޠީނުގެ ނޫސް އެޖެންސީ ވަފާއިން ވެސް ވަނީ މިއަދު 15 މީހުން ޝަހީދުވީކަން ކަށަވަރުކޮށްދީފައެވެ. ވަފާއިން ރިޕޯޓްކޮށްފައިވާ ގޮތުގައި އިޒްރާއިލް ސިފައިން ވަށާލައިގެން ތިބި ސްކޫލުގައި ތިބި މީހުންގެ ތެރޭގައި ގިނައީ އަންހެނުންނާއި ކުޑަކުދިންކަމަށެވެ.

ޖުމްލަކޮށް ބަލާއިރު، ފާއިތުވި 24 ގަޑިއިރުގެ ތެރޭގައި ޣައްޒާގެ އެކި ހިސާބުތަކުން ފަލަސްތީނުގެ 46 މީހުން ޝަހީދުވެފައިވެއެވެ. 

 

މި ލިޔުން ކިޔާލުމުން

Ads by MSS