މިނިކާވަގެއް ބައިވެރިޔާއާ ބައްދަލުކުރަން ޖަންގަލީގައި 2000 ކިލޯމީޓަރު ދަތުރުކޮށްފި

މިއީ ލޯތްބާއި ޖަނަވާރުގެ ނަސްލު ޙިމާޔަތްކުރުމާއި ގުޅޭ ހިތްގައިމު ހާދިސާއެކެވެ.  "ސައިބީރިއަން ޓައިގަރ" ގެ ނަމުން ދެނެގަނެވިފައިވާ 2 މިނިކާވަގުކަމުގައިވާ ބޯރިސް އާއި ސްވެޓްލަޔާ، އެތައްއަހަރެއް ވަކިވެފައި ތިބުމަށްފަހު ރަޝިއާގެ ޖަންގަލީގެ 2000 ކިލޯމީޓަރުން އަލުން ބައްދަލުވެއްޖެއެވެ.

2012 ގައި ސިކޯޓް-އަލިން ފަރުބަދަތަކުން ސަލާމަތްކުރެވުނު ބޯރިސް އާއި ސްވެޓްލަޔާ ވަނީ އިންސާނުންނާ މަދުން މުއާމަލާތް ކުރެވޭފަދަތޮތަށް ޙިމާޔަތްކުރުމުގެ ޕްރޮގްރާމެއްގެ ދަށުން ބޮޑުކުރެވިފައެވެ. މަޤްޞަދަކީ އެސޮރުމެނަށް 18 މަސް ވުމުން އަނބުރާ ޖަންގައްޔަށް ދޫކޮށްލުމެވެ. މިކަން ވަނީ 2014 ގައި ޕްރީ-އަމުރު ސަރަޙައްދުގައި ކާމިޔާބުކަމާއެކު ކުރެވިފައެވެ. އެއީ މިފަދަ މިނިކާވަގުގެ ތާރީޚީ މާޙައުލެކެވެ. މިކަން ނިއު ޔޯކް ޓައިމްސްއިން ރިޕޯޓުކޮށްފައިވެއެވެ.

ޙިމާޔަތްކުރުމުގެ މަޝްރޫޢުގެ ބައެއްގެ ގޮތުން، މިނިކާވަގުތައް ޓްރެކްކޮށް އެސޮރުމެންގެ އާބާދީ ފެތުރުމަށް މަގުފަހިކުރުމަށްޓަކައި ސަތޭކަ ކިލޯމީޓަރާއި ހިސާބުން ދެ މިނިކާވަގު ވަކިކުރެވުނެވެ. ނަމަވެސް ބޯރިސްގެ  ޕްލޭންތަފާތެވެ. ބޯރިސް އާދަޔާ ޚިލާފު ހަރަކާތްތަކެއް ދައްކަމުންދާކަން ޙިމާޔަތްކުރާ ފަރާތްތަކަށް ދެނެގަނެވުނެވެ. އާންމު މިނިކާވަގާއި ޚިލާފަށް، ވަކި ސަރަޙައްދެއްގައި އުޅުމުގެ ބަދަލުގައި، ބޯރިސް ވަނީ ވަރަށް ތަފާތުކޮށް ހަރަކާތްތެރިވެފައެވެ.

ހިތްވަރުގަދަކަމުގެ ހައިރާންކުރުވަނިވި މިސާލެއްގެ ގޮތުގައި، ބޯރިސް ވަނީ ގާތްގަނޑަކަ 3 އަހަރު ވަންދެން 2000 ކިލޯމީޓަރުގެ  ދަތުރެއް ކޮށް ސްވެޓްލަޔާއާ އަލުން ބައްދަލުކޮށްފައެވެ. 6 މަސް ފަހުން، އެދެމިނިކާވަގަށް ވަނީ ދަރިން ލިބިފައެވެ. ޙިމާޔަތްކުރާ ފަރާތްތަކުން އުންމީދުކުރަނީ ބޯރިސް އާއި ސްވެޓްލަޔާގެ މެދުގައި އޮތް ގުޅުމުގެ ވާހަކައިން މިނިކާވަގުގެ އާބާދީ އިތުރުކުރުމުގެ މަސައްކަތުގައި އާ ކާމިޔާބު ބާބެއް ފެށިގެން އަންނާނެ ކަމަށެވެ.

މި ޑޭޓާއިން ދައްކައިދެނީ ބަންދުގައި ބޮޑުކޮށް ދޫކޮށްލެވުނު މިނިކާވަގުތައް، ޝިކާރަކުރުމުގައި ޖަންގަލީގައި އުޅޭ ޓައިގަރުތަކާ އެއްވަރަށް ކުޅަދާނަކަމާއި، އެއްބާވަތެއްގެ ޝިކާރަޔަށް އަމާޒުކުރާކަމާއި، ވަރަށް މަދުން ގެރިބަކަރި މަރާކަން

ވައިލްޑްލައިފް ކޮންޒަވޭޝަން ސޮސައިޓީ (ޑަބްލިއުސީއެސް) ގެ ލީޑް އޯތަރ ޑޭލް މިކުއެލް ވިދާޅުވިއެވެ.

މި ކާމިޔާބީން ދައްކައިދެނީ އިންސާނުންނާ ރަނގަޅަށް އެކަހެރިކޮށް، ޝިކާރަކުރަން ދަސްކޮށްދީފައިވާ މިނިކާވަގު ޖަންގަލީއަށް ދޫކުރެވިދާނެކަމެވެ. އެހެންނަމަވެސް މި މަސައްކަތަށް ވަރަށް ބޮޑަށް ސަމާލުވެ، ކުދި މިނިކާވަގު މި ދަތުރަށް ތައްޔާރުކުރުމުގައި ކަންކަމުގެ ތަފްސީލުތަކަށް ވަރަށް ބޮޑަށް ސަމާލުވާންޖެހޭ

މިކުއެލް އިތުރަށް ވިދާޅުވިއެވެ.

ސައިބީރިއަން ޓައިގަރު ނަމުން މަޝްހޫރު މި ޓައިގަރަކީ ރަޝިއާގެ އިރުމަތީ ސަރަޙައްދުގެ  ޖަނަވާރެކެވެ. މިއީ ވަރަށް ބޮޑު އަދި ބާރުގަދަ މިނިކާވަގުގެ ބާވަތެކެވެ. ނަމަވެސް، އުޅޭ ސަރަޙައްދު ގެއްލުމާއި، ނުބައި ގޮތުގައި ޝިކާރަކުރުމާއި، އިންސާނުންނާއި މިނިކާވަގާއި ދެމެދު އުފެދޭ މައްސަލަތަކުގެ ސަބަބުން ސައިބީރިއަން ޓައިގަރު ވަނީ އިންޓަރނޭޝަނަލް ޔޫނިއަން ފޯ ކޮންޒަވޭޝަން އޮފް ނޭޗަރ (އައިޔޫސީއެން) ގެ ރެޑް ލިސްޓުގައި ނެތިދިއުމުގެ ބިރު އޮތް ޖަނަވާރެއްގެ ގޮތުގައި ލިސްޓުކުރެވިފައެވެ.               

If Humans Can Go Miles for Love, So Can Tigers 😀
In Russia’s Sikhote-Alin mountains, two orphaned unrelated Amur tiger cubs, Boris and Svetlaya, were rescued as fragile infants. Raised together in a semi-wild environment, scientists prepared them for life in the wilderness,… pic.twitter.com/RHlSiL6nLe

— Supriya Sahu IAS (@supriyasahuias) December 15, 2024