”އެމްޕަވަރިންގް ވިމެން އެންޓަޕްރެނަރސް ތްރޫ ޑިޖިޓަލް ޓްރާންސްފޮރމޭޝަން" ޕްރޮގްރާމް ނިންމާލައިފި

"އެމްޕަވަރިންގ ވިމެން އެންޓަޕްރެނަރސް ތްރޫ ޑިޖިޓަލް ޓްރާންސްޕޮރމޭޝަން" ޕްރޮގްރާމް ނިންމާލައިފިއެވެ. 

މި ޕްރޮގްރާމަކީ އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ އިސްނެގުމުގެ މަތިން، ޔޫއެން އެސްކޭޕްގެ އޭޝިއަން އެންޑް ޕެސިފިކް ޓްރެއިނިނގް ސެންޓރ ފޮރ އިންފޮމޭޝަން އެނޑް ކޮމިއުނިކޭޝާން ޓެކްނޮލޮޖީ ފޮރ ޑިވަލޮޕްމަންޓް (އޭޕީސީއައިސީޓީ) އާއިބިޒްނަސް ސެންޓަރ ކޯޕަރޭޝަން (ބީސީސީ) ގުޅިގެން، ބޭއްވުނު 3 ދުވަހުގެ ތަމްރީން ޕްރޮގްރާމެކެވެ.

މި ޕްރޮގްރާމްގެ ބައިވެރިން ފާހަގަކުރިގޮތުގައި މި ތަމްރީނު ވެގެންދިޔައީ ވަރަށް ބޭނުންތެރި މަޢުލޫމާތުތަކެއް ލިބިގެންދިޔަ ތަމްރީނު ޕްރޮގްރާމަކަށް ކަމަށެވެ. އެގޮތުން ވިޔަފާރި މެނޭޖްކުރާނެ ގޮތާއި، ފައިދާއާއި ގެއްލުން މިނެކިރާނެގޮތާއި، ވިޔަފާރި ކުރިއަރުވާނެ ގޮތްތައް މި ތަމްރީނުގެ ތެރެއިން އެނގިގެން ދިޔަކަން ބައިވެރިން ފާހަގަކޮށްފައިވެއެވެ. 

ބައިވެރިން އިތުރަށް ފާހަގަކުރީ، ކުދި ވިޔަފާރިތަކުން ވެސް ފަރުވާތެރިކަމާއެކު ހިސާބުތައް ބެލެހެއްޓުމުގެ މުހިންމުކަމާ ބެހޭ މަޢުލޫމާތާއި، ވިޔަފާރި ކުރިއެރުވުމަށް ބޭނުންވާ ގިނަ ޚިޔާލުތައް މި ތަމްރީނުގެ ތެރެއިން ލިބުނުކަމަށެވެ.

 ހަމައެއާއެކު، އެއް ތަނަކުން ގިނަ އަންހެން ވިޔަފާރިވެރިންނާއި ބައްދަލުވެ، ޚިޔާލު ބަދަލުކޮށް، ނެޓްވޯކްކުރުމަށް ވެސް މި ތަމްރީނުގެ ތެރެއިން މަގުފަހިވެގެން ދިޔަކަމަށް ބައިވެރިން ބުނެފައިވެއެވެ.

މި ތަމްރީނު ޕްރޮގްރާމް ނިންމާލުމުގެ ގޮތުން މިއަދު ބޭއްވުނު ރަސްމިއްޔާތުގައި އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ވަނީ ބައިވެރިންނާ ސެޓްފިކެޓް ހަވާލުކުރައްވާފައެވެ. މި ޕްރޮގްރާމް ޖުމްލަ 77 ބައިވެރިން ވަނީ ފުރިހަމަކޮށްފައެވެ.