Ads by Exprox

ޚަބަރު

ރައީސް މުޢިއްޒުގެ ސިޔާސަތަކީ އަސްކަރީ ޤާބިލުކަން އިތުރުކުރެއްވުން: ދިފާޢީ ވަޒީރު

ރައީސް މުޢިއްޒުގެ ސިޔާސަތަކީ އަސްކަރީ ޤާބިލުކަން އިތުރުކުރެއްވުން: ދިފާޢީ ވަޒީރު

ކަނޑުމަތީގެ ސާޗް އެންޑް ރެސްކިޔު އޮޕަރޭޝަންތަކުގައި ބޭނުންކުރާ ޒަމާނީ އާލާތްތަކެއް ޖަޕާނު ސަރުކާރުން ދިވެހި އަސްކަރިއްޔާއަށް ހަދިޔާކުރުމަށް ބޭއްވި ރަސްމިއްޔާތު

އާމިނަތު ޔުމްނާ

އާމިނަތު ޔުމްނާ

17 ޑިސެމްބަރު 2024، 10:01

17 ޑިސެމްބަރު 2024، 10:01

ދިފާޢީ ވަޒީރު މުޙައްމަދު ޣައްސާން މައުމޫން ވިދާޅުވެފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސިޔާސަތަކީ އަސްކަރީ ޤާބިލުކަން އިތުރުކުރުމަށް އިސްކަންދިނުމާއެކު، ސަރަހައްދީ ސަލާމަތާއި ރައްކާތެރިކަން ކަށަވަރުކުރެއްވުން ކަމަށެވެ. މި ވާހަކަ ވަޒީރު ވިދާޅުވެފައިވަނީ ކަނޑުމަތީގެ ސާޗް އެންޑް ރެސްކިޔު އޮޕަރޭޝަންތަކުގައި ބޭނުންކުރާ ޒަމާނީ އާލާތްތަކެއް ޖަޕާނު ސަރުކާރުން ދިވެހި އަސްކަރިއްޔާއަށް ހަދިޔާކުރުމަށް ބޭއްވި ރަސްމިއްޔާތުގައެވެ.

ރައީސް މުޢިއްޒުގެ ސިޔާސަތަކީ އަސްކަރީ ޤާބިލުކަން އިތުރުކުރެއްވުން: ދިފާޢީ ވަޒީރު

ކަނޑުމަތީގެ ސާޗް އެންޑް ރެސްކިޔު އޮޕަރޭޝަންތަކުގައި ބޭނުންކުރާ ޒަމާނީ އާލާތްތަކެއް ޖަޕާނު ސަރުކާރުން ދިވެހި އަސްކަރިއްޔާއަށް ހަދިޔާކުރުމަށް ބޭއްވި ރަސްމިއްޔާތު

ވަޒީރު ޣައްސާން މައުމޫން ވިދާޅުވި ގޮތުގައި ޖަޕާނަކީ އަބަދުވެސް ރާއްޖެއަށް އެކި ދާއިރާތަކުން ބޮޑެތި އެހީތަކެއް ފޯރުކޮށްދެމުން އަންނަ ޤައުމެކެވެ. އަދި މިފަހަރު ޖަޕާނު ސަރުކާރުން ފޯރުކޮށްދިން އެހީތެރިކަމާއެކު ދެ ޤައުމުގެ ގުޅުން އިތުރަށް ބަދަހިވެގެންދާނެ ކަމަށް އޭނާ ވިދާޅުވިއެވެ.

ވަޒީރުގެ ވާހަކަފުޅުގައި ފާހަގަކުރެއްވި ގޮތުގައި ޖަޕާނު ސަރުކާރުން އަސްކަރިއްޔާއަށް ފޯރުކޮށްދިން އެހީއަކީ ރާއްޖޭގެ އަސްކަރިއްޔާގެ ޤާބިލިއްޔަތުކަން އިތުރުކޮށް ސަރަހައްދީ ރައްކާތެރިކަމަށާއި ހަމަޖެހުން ކަށަވަރުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ސިޔާސަތު ތަންފީޒުކުރުމަށް ލިބިގެންދިޔަ މުހިންމު އެހީއެކެވެ.

ޖަޕާނު ސަރުކާރުން އެމްއެންޑީއެފްއަށް ހަދިޔާކުރެއްވި ކަނޑުމަތީގެ ސަރޗް އެންޑް ރެސްކިޔު އޮޕަރޭޝަންތަކުގައި ބޭނުންކުރާ ޒަމާނީ އާލާތްތަކަކީ 800 މިލިޔަން ޔެން ނުވަތަ ގާތްގަނޑަކަށް 80 މިލިޔަން ރުފިޔާ އަގުހުރި ސާމާނުތަކެއް ކަމަށް ދިފާޢީ ވުޒާރާއިން ހާމަކުރެއްވިއެވެ. މި އާލާތްތައް އެމްއެންޑީއެފްއާ ރަސްމީކޮށް ހަވާލުކޮށްދެއްވީ ޖަޕާނުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ތަކެއުޗީ މިދޯރީއެވެ.



ވަޒީރު ޣައްސާން މައުމޫން ވިދާޅުވި ގޮތުގައި މި އާލާތްތަކުގެ ސަބަބުން، އެމްއެންޑީއެފް ކޯސްޓްގާޑުން ކަނޑުމަތީގެ ކުއްލި ނުރައްކަލުގެ ޙާލަތްތަކުގައި އަވަހަށް އަދި ހަރުދަނާކަމާ އެކު ހަރަކާތްތެރިވުމުގައި އެމްއެންޑީއެފް ކޯސްޓްގާޑުގެ ޤާބިލިއްޔަތުކަން އިތުރުވެގެންދާނެއެވެ. އަދި ކުރިއަށް އޮތް ދުވަސްތަކުގައި އެމްއެންޑީއެފް ކޯސްޓްގާޑުގެ އުޅަނދުފަހަރާއި، އޮޕަރޭޝަނަލް އާލާތްތަކާއި، ފޯރުކޮށްދޭ ޚިދުމަތްތައް ދެގުނަ ކުރުމަށް ސަރުކާރުން މަސައްކަތް ކުރައްވަމުންދާ ކަމަށްވެސް ވަޒީރު ފާހަގަކުރެއްވިއެވެ.

ވަޒީރު ޣައްސާން މައުމޫން އިތުރަށް ވިދާޅުވި ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބޭނުންފުޅުވަނީ ރާއްޖޭގެ އަސްކަރިއްޔާގެ ޤާބިލިއްޔަތުކަން އިތުރުކުރުމުގެ މަސައްކަތް ކުރައްވަންކަމާއި މިއީ މި ސަރަހައްދުގައި ސުލްޙައާއި، ސަލާމަތާއި ރައްކާތެރިކަން ކަށަވަރުކުރުމަށް ކުރައްވަމުން ގެންދަވާ މަސައްކަތެއްކަން ފާހަގަކުރެއްވިއެވެ.އަދި މި މަސައްކަތް ކުރައްވަމުންދަނީ އެތެރޭގެ އަދި ބޭރު ވާޖިބުތައްވެސް އަދާކުރައްވަމުންކަމުގައި ވިދާޅުވިއެވެ.

ވަޒީރު ވަނީ ޖަޕާނު ސަރުކާރަކީ ދިވެހިރާއްޖެއަށް ގިނަ ގޮތްގޮތުން އެހީތެރިކަން ފޯރުކޮށްދެއްވަމުންދާ ޤައުމެއްކަން ފާހަގަކުރައްވައި، އެ ޤައުމުން އެމްއެންޑީއެފްއަށް އެހީ ހަދިޔާކޮށްދެއްވާފައިވާތީ ޖަޕާނު ސަރުކާރަށް ޝުކުރު އަދާކުރެއްވިއެވެ.

މި ރަސްމިއްޔާތުގައި ޖަޕާނު ސަރުކާރުގެ ފަރާތުން އެ އާލާތްތައް އެމްއެންޑީއެފްއާ ރަސްމީކޮށް ހަވާލުކޮށްދެއްވީ ޖަޕާނުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ތަކެއުޗީ މިދޯރީ ކަމަށާއި، އެމްއެންޑީއެފްގެ ފަރާތުން އެ އާލާތްތަކާ ހަވާލުވެވަޑައިގަތީ ދިފާޢީ ވަޒީރު، ޣައްސާން މައުމޫން ކަމަށް ދިފާޢީ ވުޒާރާއިން މަޢުލޫމާތު ދެއްވިއެވެ.


                    


                    

މި ލިޔުން ކިޔާލުމުން

Ads by MSS