ދުނިޔެ
ޕްރިޔަންކާ ގާންދީގެ ފަލަސްތީނު ދަބަހާމެދު ފާޑުކިޔާތީ ރައްދު ދެއްވައިފި
އިންޑިއާގެ ކޮންގްރެސް ޕާޓީގެ އެމްޕީ ޕްރިޔަންކާ ގާންދީ ފޮޓޯ:އިންޓަނެޓް
އިންޑިއާގެ ކޮންގްރެސް ޕާޓީގެ އެމްޕީ ޕްރިޔަންކާ ގާންދީ ވަދްރާ އަށް ބީޖޭޕީ އިން ފާޑުކިޔަމުންދާ "ފަލަސްތީނު" ލިޔެފައިވާ ދަބަސް ގެންގުޅުއްވުމުގެ މައްސަލައަށް ރައްދު ދެއްވައިފިއެވެ. މިއީ "ޓިޕިކަލް ޕޭޓްރިއާކީ" އެއް ކަމަށް ވިދާޅުވެ، އަންހެނުންގެ އަންނައުނާމެދު ނިންމުން ނިންމަން ތިއީ ކޮންބައެއްތޯ ބުނެ ސުވާލު އުފައްދަވާފައިވެއެވެ.
ޕްރިޔަންކާ ޕާލިމަންޓަށް ވަޑައިގަތްއިރު ގެންގުޅުއްވި ދަބަހުގައި "ފަލަސްތީނު" ލިޔެފައި އޮތުމާއެކު، ފަލަސްތީނާ އެއްބައިވަންތަކަމުގެ ނިޝާނެއްގެ ގޮތުގައި ބޭނުންކުރާ ކަރާގެކުރެހުމެއްވެސް ހިމެނިފައިވިއެވެ. މިކަމާ ގުޅިގެން ބީޖޭޕީގެ ބައެއް އެމްޕީން ފާޑުކިޔައި، މުސްލިމުންގެ ވޯޓު ހޯދުމަށް މަސައްކަތްކުރާކަމަށް ތުހުމަތުކޮށްފައިވެއެވެ.
ނަމަވެސް ޕްރިޔަންކާ ގާންދީ މިފާޑުކިޔުންތަކަށް ރައްދު ދެއްވަމުން ވިދާޅުވެފައިވަނީ، ބަންގްލަދޭޝްގައި މައިނޯރިޓީންނަށް ކުރިމަތިވަމުންދާ އަނިޔާތަކާމެދު ސަރުކާރުން ފިޔަވަޅު އަޅަންވާނެ ކަމަށެވެ. އަދި މިފަދަ "ބޭކާރު" ވާހަކަތަކުގެ ބަދަލުގައި މުހިންމު ކަންކަމަށް އަހައްމިއްޔަތުކަން ދޭންވާނެ ކަމަށް ވިދާޅުވެފައިވެއެވެ.
އިންޑިއާ ސަރުކާރުން ފަލަސްތީނު މައްސަލައިގައި ގެންގުޅޭ ސިޔާސަތު ބަދަލުނުވާ ކަމަށާއި، އިސްރާއީލާއެކު ސުލްހަވެރިކަމާއެކު ދެމިއޮންނާނެ، މިނިވަން އަދި ސިޔާދަތީ ފަލަސްތީނު ދަސްތީނު ދައުލަތެއް ޤާއިމުކުރުމަށް ތާއީދުކުރާ ކަމަށް ބަޔާންކޮށްފައިވެއެވެ.
“Who’s going to decide the clothes I wear now, that’s typical patriarchy”‼️
— Priyamwada (@PriaINC) December 16, 2024
A woman who wears her heart and her beliefs to her sleeves. Rockstar PGV 🔥#PalestineGenocide #PriyankaGandhi pic.twitter.com/Ye0ZKC0n0r
