އައްޑޫ ސިޓީން މާލެއަށް ދަތުރުކުރަމުންދިޔަ ބޯޓަކުން ނޭޕާލް ރައްޔިތެއް ގެއްލިއްޖެ

އައްޑޫ ސިޓީން މާލެއަށް ދަތުރުކުރަމުންދިޔަ ސީމެކްސް ބޯޓުގައި ފަޅުވެރިއެއްގެ ގޮތުގައި މަސައްކަތްކުރާ ނޭޕާލް ރައްޔިތެއް ކަމަށްވާ ރާޖް ކުމާރު ގެއްލިފައިވާ ކަމުގެ މަޢުލޫމާތު ރޭގެ ވަގުތެއްގައި ފުލުހުންނަށް ރިޕޯޓް ކޮށްފައިވެއެވެ.

ރާޖް ކުމާރު ބޯޓުގައި ނެތްކަން އެނގިފައިވަނީ އައްޑޫ ސިޓީއާއި ފުވައްމުލައް ސިޓީއާ ދެމެދު ކަނޑު މަތިން، ފުވައްމުލައް ސިޓީއާ 8 މޭލަށް ކައިރިވެފައިވަނިކޮށް ކަމަށް މަޢުލޫމާތު ލިބިފައިވެއެވެ.

ރޭގެ 11:30 ހުގައި އައްޑޫސިޓީއިން ބޯޓް ފުރިއިރު ރާޖްކުމާރު ބޯޓުގައި ހުރިކަމަށާއި އަދި ރޭގެ 01:15 ހާއިރު ކެޕްޓަންއާއި ވާހަކަ ދެެއްކި ކަމަށް މިހާތަނަށް ލިބިފައިވާ މައުލޫމާތުން އެނގޭކަމަށް ފުލުހުން ވަނީ ބުނެފައެވެ.

ރާޖް ކުމާރު ހޯދުމުގެ މަސައްކަތް އެމްއެންޑީއެފްއިން ދަނީ ކުރަމުންނެވެ. މި މައްސަލައިގައި ފުލުހުން ދަނީ ތަޙުޤީޤު ކުރަމުންނެވެ.