ހެންވޭރުގައި ހުރި ގަވާއިދާ ޚިލާފު ކާބޯތަކެތި އުފައްދާ ތަނެއް ހޯދައިފި

މާލޭގެ ހެންވޭރު ސަރަޙައްދުގައި ހުރި ގެއެއްގައި ގަވާއިދާ ޚިލާފަށް ކާބޯތަކެތި އުފައްދަމުންދިޔަ ބިދޭސީއެއް އިމިގްރޭޝަނުގެ ބެލުމުގެ ދަށަށް ގެނެވިއްޖެއެވެ. މިކަން ހާމަވެގެން ދިޔައީ އިމިގްރޭޝަނަށް ލިބުނު ރިޕޯޓަކާ ގުޅިގެން ރޭ ޓާސްކު ފޯހުން އެ ތަން ބަލައި ފާސްކުރުމުންނެވެ.

ޓާސްކު ފޯހުން ހޯދި މަޢުލޫމާތުގެ މައްޗަށް ބިނާކޮށް، މި ތަނަކީ އާންމު މިންގަނޑުތަކާ ޚިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދިޔަ ތަނެއްކަން ވަނީ ހާމަވެފައެވެ. އަދި މީގެ އިތުރުން، މި ތަނުން ވަނީ ފިހާރަތަކުން އާންމުކޮށް ލިބެން ހުންނަ ގިނަ ބާވަތްތަކުގެ ކާބޯތަކެތި ފެނިފައެވެ.

މި މައްސަލައާ ގުޅިގެން، ގަވާއިދާ ޚިލާފަށް މި މަސައްކަތް ކުރަމުންދިޔަ ބިދޭސީ މީހާ މިހާރު ވަނީ އިމިގްރޭޝަންގެ ބެލުމުގެ ދަށަށް ގެނެވިފައެވެ. މި މައްސަލައިގައި އިތުރު ތަޙްޤީޤުތައް ކުރިއަށްދާނެ ކަމަށް ބެލެވެއެވެ.

އިމިގްރޭޝަނަށް ލިބުނު ރިޕޯޓަކާއި ގުޅިގެން ރޭ ޓާސްކުފޯހުން ވަނީ މާލޭގެ ހެންވޭރުގައި ހުންނަ ގެއެއް ބަލައި ފާސްކޮށްފައި. މި ތަނަކީ އާންމު މިންގަނޑުތަކާއި ހިލާފަށް ދިވެހި އުފެއްދުންތައް ވިޔަފާރީގެ ބޭނުމަށް ތައްޔާރުކުރަމުންދާ ތަނެއް. އަދި މިތަނުން ވަނީ ފިހާރަތަކުން އާންމުކޮށް… pic.twitter.com/7C4N9yA29C

— Maldives Immigration (@ImmigrationMV) December 17, 2024