ހެނބަދޫގައި ފެންބޮޑުވުމާ ގުޅިގެން އެމްއެންޑީއެފް އެހީތެރިވަނީ

ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން ނ. ހެނބަދޫގައި ފެން ބޮޑުވެ، މީހުން ދިރިއުޅޭ ގޭގެއަށް ފެންވަންނަމުންދާތީ، އެ ރަށުގެ ރައްޔިތުންނަށް އެހީތެރިކަން ފޯރުކޮށްދިނުމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ނޮދަން އޭރިއާ ކޮމާންޑާއި ނައިފަރު ފަޔަރ ސްޓޭޝަނުން މިއަދު ހަރަކާތްތެރިވާން ފަށައިފިއެވެ.

މޫސުމީ ބަދަލުތަކާ ގުޅިގެން ރާއްޖޭގެ އެކި ސަރަޙައްދުތަކަށް ކުރަމުންދާ ވިއްސާރައިގެ ސަބަބުން ނ. ހެނބަދޫގައި ފެންބޮޑުވެ، ރަށުގެ ގިނަ ސަރަޙައްދުތަކެއްގައި ފެން ހަމަވެފައިވާކަމަށް ރަށު ކައުންސިލުން މަޢުލޫމާތު ދެއެވެ. މިކަމާ ގުޅިގެން ރަށުގެ ރައްޔިތުންނަށް ދިމާވެފައިވާ ދަތިތައް ޙައްލުކުރުމަށްޓަކައި އެމްއެންޑީއެފް އިން އަންނަނީ އެހީތެރިވަމުންނެވެ.

މޫސުމާބެހޭ އިދާރާއިން ބުނާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަޙައްދުތަކަށް ވިއްސާރަވެ، ވައި ގަދަވުމުގެ ފުރުޞަތު އޮތްކަމަށް ލަފާކުރެވެއެވެ. އެހެންކަމުން، ރައްޔިތުން ސަމާލުވުމަށާއި، ކަމާބެހޭ އިދާރާތަކުގެ އިރުޝާދުތަކަށް ޢަމަލުކުރުމަށް އެ އިދާރާއިން އިލްތިމާސްކޮށްފައިވެއެވެ.

ރާއްޖެއަށް މިހާރު ކުރަމުންދާ ވިއްސާރައިގައި ނ.ހެނބަދޫގައި ފެން ބޮޑުވެ، މީހުން ދިރިއުޅޭ ގޭގެއަށް ފެންވަންނާތީ، އެ ރަށުގެ ރައްޔިތުންނަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ނައިފަރު ފަޔަރ ސްޓޭޝަނުން ހަރަކާތްތެރިވާން ފަށައިފި. pic.twitter.com/R5rcDuXDxx

— Maldives National Defence Force (@MNDF_Official) December 17, 2024