ވުޒާރާތަކުގައި ހިނގި އަލިފާނުގެ ހާދިސާއާއި ގުޅޭ އެއްވެސް މަޢުލޫމާތެއް އެނގޭނަމަ ހިއްސާކޮށްދިނުމަށް ފުލުހުން އެދިއްޖެ

ދައުލަތުގެ ތިން ވުޒާރާއެއް ހިންގަމުންދިޔަ 2 ޢިމާރާތެއްގައި މިދިޔަ ހަފްތާގެ ބުރާސްފަތި ދުވަހު ހިނގި ބޮޑު އަލިފާން ގަނޑާއި ގުޅޭ އެއްވެސް މަޢުލޫމާތެއް އެނގޭނަމަ ފުލުހުންނާއި ޙިއްސާ ކޮށްދެއްވުމަށް ދިވެހި ފުލުހުންގެ ޚިދުމަތުން އެދިއްޖެއެވެ.

ފުލުހުން ސޯޝަލް މީޑިއާގައި ޙިއްސާ ކޮށްފައިވާ ޕޯސްޓެެއްގަައި ބުނެފައިވަނީ 12 ޑިސެންބަރު 2024 ވަނަ ދުވަހުގެ ހެނދުނުގެ ވަގުތެއްގައި ގެދޮރުވެރިކަމާ ބިމާއި ޢުމްރާނީ ތަރައްޤީއާ ބެހޭ ވުޒާރާ، ޢިމާރާތްކުރުމާ ބިނާރާ ބެހޭ ވުޒާރާ އަދި މޫސުމީ ބަދަލުތަކާ ތިމާވެއްޓާ ހަކަތައާއި ބެހޭ ވުޒާރާ ހިންްގަމުންދިޔަ ޢިމާރާތުގައި ހިނގާދިޔަ އަލިފާނުގެ ހާދިސާގެ ތަހުޤީޤަށް ބޭނުންކުރެވިދާނެ އެއްވެސް މަޢުލޫމާތެއް އެނގިލައްވާ ފަރާތެއް ވާނަމަަ، އެމަޢުލޫމާތު ފުލުހުންނާއި ޙިއްސާކޮށްދިނުމަށެވެ.

ފުލުހުން އެދިފައިވަނީ ފުލުހުންގެ ޚިދުމަތުގެ މޭޖަރ ކްރައިމް އިންވެސްޓިގޭޝަން ޑިޕާޓްމެންޓްގެ ޑިއުޓީ ނަންބަރު 9911099 ގުޅައި ޙިއްސާކޮށްދިނުމަށެވެ. 

މިޕޯސްޓުގައި މިފަދަ ކަންކަމުގައި ދިވެހި ރައްޔިތިުންގެ ފަރާތުން ލިބޭ އެހީތެރިކަމަށް ފުލުހުންގެ ޚިދުމަތުން ޝުކުުރު އަދާކޮށްފައިވެއެވެ. 

<blockquote class="twitter-tweet"><p lang="dv" dir="rtl">2024 ޑިސެންބަރު 12 ވަނަ ދުވަހުގެ ހެނދުނުގެ ވަގުތެއްގައި ތިން މިނިސްޓްރީއެއް ހިންގަމުންދިޔަ އިމާރާތުގައި ހިނގާދިޔަ އަލިފާނުގެ ހާދިސާގެ ތަހުގީގަށް ބޭނުންކުރެވިދާނެ އެއްވެސް މައުލޫމާތެއް ލިބިފައިވާނަމަ މޭޖަރ ކްރައިމް އިންވެސްޓިގޭޝަންގެ ނަންބަރު 9911099 އަށް ގުޅުއްވައި ހިއްސާރައްވާ! <a href="https://t.co/hhiwLp9qD3">pic.twitter.com/hhiwLp9qD3</a></p>&mdash; Maldives Police (@PoliceMv) <a href="https://twitter.com/PoliceMv/status/1868908627995902360?ref_src=twsrc%5Etfw">December 17, 2024</a></blockquote> <script async src="https://platform.twitter.com/widgets.js" charset="utf-8"></script>

މިދިޔަ ބުރާސްފަތި ދުވަހު ހިނގައިދިޔަ މި އަލިފާނުގެ ހާދިސާގެ ސަބަބުން ތިން ވުޒާރާގެ ތަކެއްޗަށް ބޮޑެތި ގެއްލުންތަކެއް ވަނީ ލިބިފައެެވެ. އަދި ޢިމާރާތް ބޭނުން ނުކުރެވޭވަރަށް ހަލާކުވުމުން އެވުޒާރާތަކުގެ މަސައްކަތްތައް މިހާރު ކުރިއަށް ދަނީ ދަރުބާރުގޭގައެވެ.