ދުނިޔެ

ސީރިޔާގެ ދިމިޝްޤު ކައިރިން ބޮޑު ކައްވަޅެއް ފެނިއްޖެ، އެތައް ހާސް ބަޔަކު ތިބި ކަމަށް ލަފާ ކުރޭ

ސީރިޔާގެ ދިމިޝްޤު ކައިރިން ބޮޑު ކައްވަޅެއް ފެނިއްޖެ، އެތައް ހާސް ބަޔަކު ތިބި ކަމަށް ލަފާ ކުރޭ

ސީރިޔާގެ ސަރަހައްދަކުން ފެނުނު ބޮޑު ކައްވަޅެއްގެ ކައިރީގައި ބަޔަކު ހަރަކާތްތެރިވަނީ

ޙަސްނާ އަޙްމަދް

ޙަސްނާ އަޙްމަދް

17 ޑިސެމްބަރު 2024، 09:00

17 ޑިސެމްބަރު 2024، 09:00

ސީރިޔާގެ ވެރިކަންކުރާ ދިމިޝްޤު ކައިރިން ބޮޑު ކައްވަޅެއް ފެނިއްޖެ ކަމަށާއި، އެތައް ހާސް ބައެއްގެ ހަށިތައް އެތަނުން ފެނުން އެކަށީގެންވާ ކަމަށް ލަފާކުރެވޭ ކަމަށް އަލްޖަޒީރާއިން ބުނެއެވެ.

މި ބޮޑު ކައްވަޅު ފެނިފައިވަނީ ދިމިޝްޤުގެ އުތުރުން 40 ކިލޯމީޓަރު (25 މޭލު) ދުރުގައި އޮންނަ އަލް ޤުތައިފާއިންނެވެ.

 އެތަނަކީ ބައްޝާރުލް އަސަދު އާއިލާގެ ދިގު ޒަމާންތަކެއް ވަންދެން ވެރިކަން ރޫޅިގެން ދިޔަ ފަހުން މުޅި ސީރިޔާއިން ފެނުނު އެންމް ފާހަގަކުރެވުނު ކައްވަޅުތަކުން އެއްތަން ކަމަށް އަލްޖަޒީރާގައި ބުނެފައިވެއެވެ.

އަދި ސީރިއާގެ ދެކުނުން ވެސް ވަނީ މިފަދަ  12 ކައްވަޅު ފެނިފައެވެ. އެއް ތަނަކުން  އަންހެނުންނާއި ކުޑަކުދިން ހިމެނޭ ގޮތަށް 22 ހަށިގަނޑެއް ފެނިފައިވާއިރު އެހަށިތަކުން މަރުގެ އަދަބު ދިނުމާއި އަނިޔާ ކުރުމުގެ އަލާމާތްތައް ފެނިފައިވާ ކަމަށް އަލްޖަޒީރާގައި ބުނެފައިވެއެވެ. 

 ބައްޝާރުލް އަސަދާއި އޭނާގެ ކުރިން ރައީސްކަން ކުރެއްވި އަދި 2000 ވަނަ އަހަރު މަރުވި އޭނާގެ ބައްޕަ ހާފިޒްގެ މައްޗަށް ޖަލުގެ ތެރޭގަޔާއި އެހެނިހެން ގޮތްގޮތުން ޝަރީޢަތުގެ ބޭރުން އަނިޔާވެރިކަމާއެކު ގިނަ ޢަދަދެއްގެ މީހުން މަރުމުގެ ތުހުމަތުތައް ކުރެވެއެވެ. 

ޔުނިވާސިޓީ އޮފް އެމްސްޓަޑަމްގެ ނަސްލު ނައްތާލުމާ ގުޅޭ ދިރާސާތައް ކުރައްވާ ޕްރޮފެސަރު އުގޫރު އުމިތު އުންގޯރު އަށް ހަވާލާދީ އަލްޖަޒީރާގައި ބުނެފައިވަނީ އަލް ޤުތައިފާއިން ފެނުނު "ސެންޓްރަލައިޒްޑް މާސް ގްރޭވް" ފެނުމަކީ "އަސަދުގެ ވެރިކަމުގެ އަނިޔާވެރިކަމުގައި ހައްދުފަހަނައަޅައިފައިވާ ޢަމަލުތައް ހިންގި ކަމުގެ ހެއްކެއް ކަމަށެވެ. 

މިދިޔަ ހަފްތާގައި ހިއުމަން ރައިޓްސް ވޮޗުން ދިމިޝްޤުގެ ދެކުނުގެ ސަރަހައްދެއް ކަމަށްވާ ޓަޑަމޮން އަށް ޒިޔާރަތްކުރިއިރު، އެތަނުން ވަނީ މަރުގެ އަދަބުތައް ދީފައިވާ ކަމުގެ ޢަލާމާތްތައް ހުރި އިންސާނުންގެ ހަށިގަނޑު ފެނިފައެވެ. 

ސީރިޔާގެ އައު ވެރިކަމުގެ ކޮމާންޑަރ އިން ޗީފް އަހުމަދު އަލް ޝަރާއާ އަލްޖަޒީރާއަށް ވިދާޅުވިކަމަށް އަލްޖަޒީރާއިން ބުނެފައިވަނީ ސީރިޔާގެ ރައްޔިތުންނާ ދެކޮޅަށް ޖަރީމާތައް ހިންގި ނުވަތަ އެ ޖަރީމާތައް ހިންގުމަށް ބައްޝާރުލް އަސަދަށް އެހީތެރިވި މީހުން އިންސާފުގެ ކުރިމައްޗަށް ގެންނާނެ ކަމަށެވެ.

 ޝަރާއާ ވިދާޅުވީ އެކަމަށް ބޭނުންވާ ހެކިތައް މިހާރު އެއްކުރަމުންދާ ކަމަށެވެ. އަދި އދ.އާއި ބައިނަލްއަޤްވާމީ އެހެން މުއައްސަސާތަކަށް ވެސް އެ ވެރިކަމުން ހިންގި ޖަރީމާތައް ހޯދުމަށް އެހީތެރިވުމަށް ގޮވާލާ ކަމަށެވެ. 

ބައްޝާރުލް އަސަދު ވެރިކަމުން ދުރުކުރި ފަހުން ދިން ފުރަތަމަ ބަޔާނުގައި ބުނެފައިވަނީ ސީރިޔާ ފުރައިގެން  ރަޝިޔާއަށް ފިލައިގެން ދިޔައީ ވެރިކަން ވެއްޓުނު ފަހުން ކަމަށާއި އެޤައުމުގެ އާ ލީޑަރުންނަކީ "ޓެރަރިސްޓުން" ކަމަށާއި ވެރިކަން ވައްޓާލުން ކުށްވެރި ކުރާ ކަމަށެވެ.

 

މި ލިޔުން ކިޔާލުމުން

Ads by MSS