ކުޅިވަރު

ބެލަން ޑިއޯ ނުލިބުނަސް، ފީފާއިން ހޮވާ އަހަރުގެ އެންމެ މޮޅު ކުޅުންތެރިޔާގެ މަގާމު ވިނީސިއަސްއަށް ލިބިއްޖެ

ބެލަން ޑިއޯ ނުލިބުނަސް، ފީފާއިން ހޮވާ އަހަރުގެ އެންމެ މޮޅު ކުޅުންތެރިޔާގެ މަގާމު ވިނީސިއަސްއަށް ލިބިއްޖެ

ވިނީސިއަސް ޖޫނިއަރ ފީފާގެ ބެސްޓް މެންސް ޕްލޭޔަރ އެވޯޑާއިއެކު--- ފޮޓޯ: ފީފާ

މިފްތާޙް މުޙައްމަދު

މިފްތާޙް މުޙައްމަދު

18 ޑިސެމްބަރު 2024، 12:47

18 ޑިސެމްބަރު 2024، 12:47

ހުލާސާ

އެވޯޑާއި ހަވާލުވުމަށްފަހު ޕޯޗުގީޒް ބަހުން ވާހަކަ ދައްކަމުން ވިނީސިއަސް ބުނީ، އޭނާގެ އިހުސާސްތައް ކިޔައިދިނުމަށް ފަށާނެ ހިސާބެއް ނޭންގޭ ކަމަށާއި، މިހާރު އޭނާއަށް ފުޓުބޯޅައިގައި އާދެވިފައި ހުރި ހިސާބަކީ އޭނާ ކުރިން އެއްވެސް ވަރަކަށް އުއްމީދު ކުރި ހިސާބެއް ނޫންކަމަށް.

ފީފާއިން ހޮވާ އަހަރުގެ އެންމެ މޮޅު ފިރިހެން ފުޓުބޯޅަ ކުޅުންތެރިޔާގެ މަގާމު، ރެއާލް މެޑްރިޑުގެ ތަރި ވިނީސިއަސް ޖޫނިއަރއަށް ލިބިއްޖެއެވެ. ގަތަރުގެ ދޯހާގައި ކުރިޔަށް ދިޔަ ފީފާގެ 'ދަ ބެސްޓް އެވޯޑްސް' ގެ ފިރިހެނުންގެ އެންމެ ޝަރަފުވެރި އެވޯޑު ވިނީސިއަސްއަށް ލިބުނުއިރު، ފްރާންސް ފުޓުބޯޅަ ފެޑެރޭޝަނުން ހޮވާ ބެލަން ޑިއޯ ނުލިބުމުން އޭނާ އާއި ރެއާލް މެޑްރިޑުން ވަނީ އެ އެވޯޑު ހަފްލާ ބޮއިކޮޓް ކޮށްފައެވެ.

މި އަހަރުގެ އެންމެ މޮޅު އަންހެން ފުޓުބޯޅަ ކުޅުންތެރިއަކަށް ހޮވިފައިވަނީ ބާސެލޯނާއަށް ކުޅެމުން އަންނަ އައިޓާނާ ބޮންމަތީއެވެ. މި އެވޯޑު މިދިޔަ އަހަރު ވެސް ހާސިލްކޮށްފައިވަނީ އުމުރުން 26 އަހަރުގެ ބޮންމަތީއެވެ. 

މި އަހަރު ބެލަން ޑިއޯ ކާމިޔާބުކުރި ސްޕެއިންގެ ރޮޑްރީއަށް ފީފާ އެވޯޑްގެ އެންމެ މޮޅު ފިރިހެން ކުޅުންތެރިންގެ ލިސްޓުން ލިބުނީ ދެވަނައެވެ. އަދި މި ލިސްޓުގެ ތިން ވަނައަށް ދިޔައީ ރެއާލް މެޑްރިޑްގެ ޖޫޑް ބެލިންގްހަމްއެވެ.

އެވޯޑާއި ހަވާލުވުމަށްފަހު ޕޯޗުގީޒް ބަހުން ވާހަކަ ދައްކަމުން ވިނީސިއަސް ބުނީ، އޭނާގެ އިހުސާސްތައް ކިޔައިދިނުމަށް ފަށާނެ ހިސާބެއް ނޭންގޭ ކަމަށާއި، މިހާރު އޭނާއަށް ފުޓުބޯޅައިގައި އާދެވިފައި ހުރި ހިސާބަކީ އޭނާ ކުރިން އެއްވެސް ވަރަކަށް އުއްމީދު ކުރި ހިސާބެއް ނޫންކަމަށެވެ. ސަބަބަކީ، އޭނާއަކީ މީގެ އަހަރުތަކެއް ކުރިން ބްރެޒިލްގެ ފަގީރު އަދި ކުށް ގިނަ ހިސާބެއް ކަމުގައިވާ ސައޯ ގޮންޗާލޯގައި ހުސްފަޔާ ކުޅެން އުޅުނު ކުއްޗަކަށްވެ، ރަގަޅު މުސްތަގުބަލަކަށް ވުރެން ނިކަމެތި ހާލުގައި ބޮޑުވުމުގެ ފުރުސަތު ބޮޑު ހާލަތެއްގައި އޭރު ދިރިއުޅެން ޖެހުމެވެ.

ވިނީސިއަސް ވަނީ އެންމެ ފަހުން ކުޅުނު ސީޒަންގައި 39 މެޗުން 24 ގޯލު ކާމިޔާބުކޮށްފައެވެ. މީގެ ތެރޭގައި ފަނަރަ ވަނަ ފަހަރަށް ޗެމްޕިއަންސް ލީގުގެ ތަށި އުފުލާލީ ފައިނަލް މެޗުގައި އޭނާ ކާމިޔާބުކުރި ގޯލެއް ވެސް ހިމެނެއެވެ. މީގެއިތުރުން، މިދިޔަ ސީޒަނުގައި އޭނާއާއެކު ރެއާލް މެޑްރިޑުން ވަނީ ސްޕެނިޝް ލީގާއި، ސުޕަރ ކޮޕާ ޑި އެސްޕަނާ އާއި ޔުއެފާ ސުޕަރ ކަޕް ހިމެނެއެވެ.

އަދި ކޮންމެބޯލް ކޮޕާ އެމެރިކާގެ ކުއާޓާ ފައިނަލަށް ދަތުރުކުރި ބްރެޒިލްގެ ގައުމީ ޓީމުގައި ވެސް އޭނާ ހިމެނުނެވެ. 

 

ފީފާ ދަ ބެސްޓް އެވޯޑްސްގައި ހޮވި އެހެން އެވޯޑުތައް:

ބެސްޓް ފީފާ ވިމެންސް ގޯލްކީޕަރ: އެލީސާ ނޭހާ

ބެސްޓް ފީފާ މެންސް ގޯލްކީޕަރ: އެމިލިއާނޯ މާޓިނޭޒް

ބެސްޓް ފީފާ ވިމެންސް ކޯޗު: އެމާ ހަޔެސް

ބެސްޓް ފީފާ މެންސް ކޯޗު: ކާލޯ އެންޗެލޮޓީ

ދަ މާރތާ އެވޯޑް: މާރތާ

ދަ ޕުސްކަސް އެވޯޑް: އަލެހާންޑްރޯ ގަނާޗޯ

 

މި އަހަރު ހޮވި ދަ ބެސްޓް ފީފާ މެންސް ޓީމްގައި ހިމެނެނީ އާޖެންޓީނާގެ ގޯލްކީޕަރ މާޓިނޭޒް، ފްރާންސްގެ ސަލީބާ، ޕޯޗުގަލްގެ ރޫބެން ދިއާޒް، ޖަރުމަނުގެ ރުޑީގަރ އަދި ޓޯނީ ކްރޫޒް، ސްޕެއިންގެ ޑެނީ ކާވަހާލް، ރޮޑްރީ އަދި ލެމިން ޔަމާލް، އިންގްލެންޑުގެ ބެލިންގްހަމް، ނޯވޭގެ ހާލަންޑު އަދި ބްރެޒިލްގެ ވިނީސިއަސްއެވެ. 

މި ލިޔުން ކިޔާލުމުން

Ads by MSS