ދުނިޔެ
އިޒްރާއީލުން އަދިވެސް ޣައްޒާގެ އުތުރަށް އެހީ ފޯރުކޮށްދިނުމަށް ދަނީ ދެކޮޅު ހަދަމުން: އދ

ޙާލުގައި ޖެހިފައިވާ ފަލަސްޠީނުގެ ކުޑަކުއްޖެއް
އިޒްރާއިލުން އަދިވެސް ޣައްޒާގެ އުތުރަށް އެހީ ފޯރުކޮށްދިނުމަށް ދެކޮޅު ހަދަމުން ދާ ކަމަށް އދ.އިން ބުނެފިއެވެ.
އދ.ގެ ޗީފް އެންޓީނޯ ގުޓްރެސްގެ ސްޕޯކްސްޕާސަން ސްޓެފަން ޑޫޖަރިކް ވިދާޅުވެފައިވަނީ ޣައްޒާގެ އުތުރަށް އެހީ ފޯރުކޮށްދިނުމަށް ކުރާ މަސައްކަތައް އިޒްރާއިލުން ހުރަސް އަޅަމުންދާކަމަށެވެ.
ސްޓެފަން ބޭއްވެވި ނޫސްވެރިންގެ ބައްދަލުވުމެއްގައި ވިދާޅުވެފައިވަނީ އދ.އިން އިސްވެއޮވެގެން ޣައްޒާގެ އުތުރަށް އެހީތެރިކަން ފޯރުކޮށްދިނުމަށް އެހިސާބަށް ދަތުރުކުރަމުންދިޔަ އެހީގެ ގާފިލާތަކަށް އިޒްރާއިލުން ހުރަސްއަޅައިފައިވާ ކަމަށެވެ.
އިޒްރާއިލުން ބަންދުކޮށްފައިވާ ސަރަހައްދުތައް ކަމަށްވާ ބައިތް ލާހިޔާ، ބައިތް ހަނޫން އަދި ޖަބަލިއްޔާގެ ބައެއް ހިސާބުތަކަށް އެހީގެ ގާފިލާތައް ވަނުމަށް 40 ފަހަރު މަސައްކަތް ކޮށްފައިވާ ކަމަށެވެ. ނަމަވެސް އެކަން ކާމިޔާބު ވެފައިނުވާކަމަށް އޭނާ ވަނީ ބުނެފައެވެ.
ސްޓެފަންގެ ނޫސްވެރިންގެ ބައްދަލުވުމުގައި ޣައްޒާގެ އެސަރަހައްދުގައި ތިބި މީހުންނަށް ކޮންމެހެން ބޭނުންވާ އިންސާނީ އެހީ ފޯރުކޮށްދިނުމަށް ހުރަސް ނޭޅުމަށް އިޒްރާއިލަށް އިލްތިމާސްކޮށްފައިވެއެވެ.
މިދިޔަ މަހު އިންޓަނޭޝަނަލް ކްރިމިނަލް ކޯޓުން ވަނީ އިޒްރާއީލުގެ ބޮޑުވަޒީރު ބެންޖަމިން ނަތަންޔާހޫ އާއި އޭނާގެ ކުރީގެ ޑިފެންސް މިނިސްޓަރު ޔޯއަވް ގަލަންޓް ހައްޔަރު ކުރުމުގެ އަމުރު ނެރެފަ އެވެ.