ޚަބަރު
2025ވަނަ އަހަރު ދައުލަތުން ދޭ ފައިސާ ލިބެނީ ފަސް ސިޔާސީ ޕާޓީއަކަށް

އިލެކްޝަންސް ކޮމިޝަންގެ އޮފީސް
2025ވަނަ އަހަރު ދައުލަތުން ސިޔާސީ ޕާޓީތަކަށް ދޫކުރާ ފައިސާ ލިބޭނީ ފަސް ސިޔާސީ ޕާޓީއަކަށް ކަމަށް އިލެކްޝަން ކޮމިޝަނުން ބުނެފިއެވެ.
އީސީ އިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ 2025 ވަަނަ އަހަރަށް ފާސްކުރި ބަޖެޓް ފާސްކުރިއިރު ދުވަހުގެ ނިޔަލަށް 10،000 މެމްބަރުން ހަމަވެފައިވަނީ ފަސް ސިޔާސީ ޕާޓީއެއްގެ ކަމަށެވެ.
އެޕާޓީ ތަކަކީ:-
- ދިވެހި ރައްޔިތުންގެ ޑިމޮކްރެޓިކް ޕާޓީ(އެމްޑީޕީ)
- ޢަދާލަތު ޕާޓީ
- ޖުމްހޫރީ ޕާޓީ(ޖޭޕީ)
- މޯލްޑިވްސް ޑިވަލޮޕްމެންޓް އެލަޔަންސް(އެމްޑީއޭ)
- ޕީޕަލްސް ނޭޝަނަލް ކޮންގްރެސް(ޕީއެންސީ)
2025 ވަނަ އަހަރަށް ފާސްކުރި ބަޖެޓް ފާސްކޮށްފައިވަނީ 26 ނޮވެންބަރު 2024 ވަނަ ދުވަހުއެވެ. އީސީ އިން ބުނެފައިވަނީ މިހާރު އުވާލުމުގެ މަރުޙަލާގައި އޮތް ޕީޕީއެމްގެ ވެސް އެދުވަަހަށް 10،000 މެމްބަރުން ހަމަވާކަމަށެވެ.
— Elections Commission (@ElectionsMv) December 18, 2024
އެހެންކަމުން 2025ވަނަ އަހަރު ސިޔާސީ ޕާޓީތަކަށް ދޫކުރާ ފައިސާ ލިބޭނީ ފަސް ސިޔާސީ ޕާޓީއަކަށެވެ.