ކޮރަޕްޝަނަށް އެއްވެސް ފުރުޞަތެއް ރައީސް ޑރ. މުޙައްމަދު މުޢިއްޒުގެ ސަރުކާރުން ނުދޭނެ: ވަޒީރު އާދަމް ޝަރީފު

 ކޮރަޕްޝަނަށް އެއްވެސް ފުރުޞަތެއް ރައީސް ޑރ. މުޙައްމަދު މުޢިއްޒުގެ ސަރުކާރުން ނުދޭނެކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ.

އެކްސް  ގައި ކުރެއްވި ޕޯސްޓެއްގައި ވަޒީރު އާދަމް ޝަރީފު ވިދާޅުވީ، ރައްޔިތުންގެ ޙައްޤަކަށް އުނިކަމެއް ލިބޭނެ އެއްވެސް ކަމެއް ރައީސް ޑރ. މުޢިއްޒަށް އެނގިވަޑައިގެން ހިންގާނުދެއްވާނެ ކަމަށެވެ. އަދި އެ ޔަޤީންކަން އޮތް ކަމަށްވެސް ވިދާޅުވިއެވެ.

ވަޒީރު އިތުރަށް ވިދާޅުވެފައިވަނީ ރާއްޖެއިން ކޮރަޕްޝަން މަދުކުރެވޭނީ، ކޮރަޕްޝަނަށް މަގުފަހިވާ ކޮންމެ ކަމަކަށް ހުރިހާ މުއައްސަސާތަކުންނާއި އާންމު ރައްޔިތުން ވެސް ނޫނެކޭ ބުނެގެންކަމަށާއި،  އެ ހިތްވަރު އެންމެންގެ ހުންނަންވާނެ ކަމަށެވެ. 

ރައީސް މުޢިއްޒުގެ ސަރުކާރުން ކޮރަޕްޝަނާ ދެކޮޅަށް ހަރުދަނާ ފިޔަވަޅުތަކެއް އަޅާނެ ކަމަށް ވަޒީރުގެ މި ބަސްފުޅުން ދޭހަވެއެވެ. ނަމަވެސް، މި މަސައްކަތުގައި ސަރުކާރަށް އެކަނި ކާމިޔާބު ނުވެވޭނެ ކަމަށާއި، މުޅި މުޖުތަމަޢުގެ އެއްބާރުލުން މުހިންމު ކަމަށް ވަޒީރު އަލިއަޅުވާލައްވާފައިވެއެވެ.

Corruption ah evves furusatheh RJ @MMuizzu ge sarukaarun nudhevvaanekan Raees ge nimmevunthakun saafuvey. Rayyithunge haqqakah unikameh libeyne evves kameh RJ Dr Muizzah engivadaigen hingiyanudhevvaane. E yaqeenkan eba oiy.
Raajje in corruption madhukureveynee, corruption ah…

— Adam Shareef Umar (@Adamshareefz) December 19, 2024