މިކަހަލަ ކުދިކުދި ބަދަލުންވެސް ބަރުދަން ލުއިކޮށްލެވިދާނެ!

ބަރުދަން ލުއިކުރުމުން ޖުމްލަ ޞިއްޙަތު ރަނގަޅުވެ، ހަކަތަ އިތުރުވެ، ހަރަކާތްތެރިކަން އިތުރުވެ، ނިދި ރަނގަޅުވެ، އަދި ދިގު މުއްދަތުގެ ބަލިތަކަށް ހުށަހެޅުމުގެ ފުރުޞަތު މަދުވެގެންދެއެވެ. ދިރިއުޅުމުގެ ވައްޓަފާޅިއަށް ގެންނަ ކުދިކުދި ބަދަލުތަކުން ޞިއްޙަތު ރަނގަޅުކޮށް ބަރުދަން ލުއިކުރުމަށް އެހީތެރިވެދެއެވެ.

1. ހޫނު ފެން ބުއިން
ހަޖަމުކުރުމަށް އެހީތެރިވެދީ މެޓަބޮލިޒަމް އިތުރުކުރުމަށް ހޫނު ފެން ބޮއިގެން ހަށިގަނޑަށް ބޭނުންވާ ފެން ހަށިގަނޑަށް ފޯރުކޮށްދޭ

2. މޫސުމީ ސޫޕްތަކަށް ބަދަލުކުރުން
ކެރެޓާއި ސްޕިނެޗްފަތް ފަދަ ތަރުކާރީ ލައިގެން ތައްޔާރުކުރާ ކެލެރީ މަދު ސޫޕް ބަނޑުހައިވުމުން ބޭނުންކުރުން

3. މެޓަބޮލިޒަމް އިތުރުކުރުމަށް ކާބޯތަކެތީގައި ކުދި ލުން
ކެއުމުގައި އިނގުރު، އަސޭމިރުސް، ނުވަތަ ފޮނިތޮށި ބޭނުންކުރުމުން ކެލެރީ އަންދާލާ މިންވަރު އިތުރުވެ ކާހިތްވުން މަދުވޭ

4. ކެއުމަށްފަހު ހިނގުން
ކެއުމަށްފަހު 15 މިނެޓު ހިނގުމުން ހަޖަމުކުރުމަށް އެހީތެރިވެދީ ލޭގައި ހުންނަ ހަކުރުގެ މިންވަރު ރަނގަޅަށް ހިފަހައްޓައިދޭ

5. ގޭތެރޭގައި ކުދި ކަސްރަތު ކުރުން
ސްކޮޓް އަދި ޕުޝްއަޕް ފަދަ 10-15 މިނެޓުގެ އަވަސް ކަސްރަތުތަކުން ގޭތެރޭގައި ކެލެރީ ދަށްކުރުން

6. ގޭތެރޭގެ މަސައްކަތްތަކުގައި ހަރަކާތްތެރިވުން
ގޭތެރެ ސާފުކުރުމާއި ވެކިއުމްކުރުން ފަދަ މަސައްކަތްތައް ކެލެރީ އަންދާލާ ޙަރަކާތްތަކަކަށް ބަދަލުކުރުން.

7. ސްނެކްސްގެ ބަދަލުގައި ނަޓް ބޭނުންކުރުން
ޕްރޮސެސްކޮށްފައި ހުންނަ ސްނެކްސްގެ ބަދަލުގައި ބަދަން ، ވޯލްނަޓް، އާމަންޑް ފަދަ ނަޓް ގެ ބާވަތްތައް ބޭނުންކޮށްގެން ރަނގަޅު ފެޓް އަދި ޕްރޮޓީން ހަށިގަނޑަށް ލިބިދިނުން

8. ޕްރޮޓީން އަށް އިސްކަންދިނުން
މެޓަބޮލިޒަމް އިތުރުކޮށް ބަނޑުހައިހޫނުކަން ކޮންޓްރޯލްކުރުމަށް ކެއުމުގައި ބިސް،  މަސް، ނުވަތަ ޔޯގަޓްގެ ބާވަތްތައް ހިމެނުން.

9. ވިޓަމިން ޑީ ހޯދުމަށް އިރުގެ އަލި ލިބިގަތުން
މެޓަބޮލިޒަމް އަދި މޫޑު ރަނގަޅުކުރުމަށް އިރުގެ އަލި ލިބިގަތުން ނުވަތަ ސަޕްލިމެންޓް ބޭނުންކުރުން

10. ސަމާލުކަމާއެކު ކެއުން
ލަސްލަހުން، ބަނޑުހައިވާ މިންވަރަށް ސަމާލުކަންދީގެން ކެއުން 
 

މި ކުދިކުދި ބަދަލުތައް ގެނެސްގެން  ދެމެހެއްޓެނިވި ގޮތެއްގައި ޞިއްޙަތު ރަނގަޅުކޮށް ބަރުދަން ލުއިކުރުމަށް މަސައްކަތްކުރެވިދާނެއެވެ.