އިންޑިއާގެ ކަނޑުގެ ސިފައިންގެ އުޅަނދެއް ފަސިންޖަރުން އުފުލާ ބޯޓެއްގައި ޖެހި 13 މީހަކު މަރުވެއްޖެ

އިންޑިއާގެ މުމްބާއީގެ ކަނޑުގެ ސިފައިންގެ އުޅަނދެއް ފަސިންޖަރުން އުފުލާ ބޯޓެއްގައި ޖެހި 13 މީހަކު މަރުވެއްޖެއެވެ. 

 އިންޑިއާގެ މަހާރާޝްތުރާ ސްޓޭޓްގެ ޗީފް މިނިސްޓަރު ދޭވެންދްރާ ފަދްނަވިސް ވިދާޅުވެފައިވަނީ އެބޯޓުން ދަތުރުކުރި 13 މީހުން މަރުވިއިރު 100 މީހަކު އެބޯޓުން ސަލާމަތް ކުރެވިފައިވާ ކަމަށެވެ. 

އިންޑިއާގެ ނޭވީން ބުނެފައިވަނީ އިތުިރު މީހުން ހޯދުމަށް އަދިވެސް އޮޕަރޭޝަންތައް ކުރިއަށް ގެންދާ ކަމަށެވެ.

މިހާދިސާ ހިންގި ގޮތާއިމެދު ވާހަކަދައްކަވަމުން އިންޑިއާގެ ނޭވީން ބުނެފައިވަނީ އިންޑިއަން ނޭވީގެ ކްރާފްޓެއް މުމްބާއީ ބަނދަރުގައި އިންޖީނުގެ ޓްރައިލްތައް ހަދަމުން ދަނިކޮށް ކޮންޓްރޯލް ގެއްލި އިންޖީނު މައްސަލަ ޖެހުނުކަމަށެވެ. ނަތީޖާއެއްގެ ގޮތުން ނޭވީ ކްރާފްޓް ފަސިންޖަރުން އުފުލާ ބޯޓަކާއި ޖެހި އެބޯޓު ބަންޑުން ޖަހާލީކަމަށެވެ. 

މި އެކްސިޑެންޓްގައި މަރުވި މީހުންނަށްޓަކައި ހިތުގެ އަޑިން ހިތާމަކުރާކަމަށާއި އެމީހުންގެ އާއިލާތަކުގެ ހިތާމައިގައި ބައިވެރިވާ ކަމަށްވެސް ބުނެފައިވެއެވެ.

 މަރުވި 13 މީހުންގެ ތެރޭގައި ނޭވަލް ސާވިސް މެމްބަރަކާއި ޓެސްޓްތަކުގައި ބައިވެރިވާ އިކުއިޕްމަންޓް އުފައްދާ ކުންފުންޏެއްގެ ދެ މަންދޫބުން ހިމެނޭ ކަމަށްވެސް އިންޑިއަން ނޭވީން ބުނެ އެވެ.

އިންޑިއާގެ ލޯކަލް ޓީވީ ޗެނަލްއަކަށް ހަވާލާދީ އަލްޖަޒީރަގައި ބުނެފައިވަނީ ފަސް މީހުން ގޮވައިގެން ދަތުރުކުރި ދޯންޏެއް ނޭވީ ވެހިކަލްގައި ޖެހުނު ފަސިންޖަރުންގެ ވެހިކަލްގައި ޖެހިފައިވާކަމަށެވެ.

މުމްބާއީގައި ހިނގި މި ހާދިސާއަކީ ހިތާމަހުރި ކަމެއް ކަމެއް ކަމަށާއި ހާދިސާގައި މަރިވި މީހުންގެ އާއިލާތަކުގެ ހިތާމައިގައި ބައިވެރިވާ ކަމަށް އިންޑިއާގެ ބޮޑުވަޒީރު ނަރެންދްރަ މޯދީ ވިދާޅުވެފައިވެއެވެ. އަދި އެކްސިޑެންޓްގައި މަރުވި ކޮންމެ މީހެއްގެ ގާތްތިމާގެ މީހުންނަށް ބޮޑުވަޒީރުގެ ޤައުމީ ރިލީފް ފަންޑުން 200،000 ރުފިޔާ (2،356.63 ޑޮލަރު) ގްރޭޝިއާ ޕޭމަންޓް ދޭނެ ކަމަށް ވެސް މޯދީ އިއުލާން ކުރެއްވި އެވެ.