Ads by Exprox

ޚަބަރު

މިހާތަނަށް މައްސަލާގައި ޝާމިލްވާ ކަމަށް ބެލެވޭ 6 ފަރާތަކާ ސުވާލު ކުރެވިފައިވާނެ: ފުލުހުން

މިހާތަނަށް މައްސަލާގައި ޝާމިލްވާ ކަމަށް ބެލެވޭ 6 ފަރާތަކާ ސުވާލު ކުރެވިފައިވާނެ: ފުލުހުން

މިރޭ ފުލުހުން ކުރިއަށް ގެންދިޔަ ނޫސްވެރިންގެ ބައްދަލުވުން. ފޮޓޯ: މިހާރު

ޙަސްނާ އަޙްމަދް

ޙަސްނާ އަޙްމަދް

19 ޑިސެމްބަރު 2024، 11:07

19 ޑިސެމްބަރު 2024، 11:07

މިހާރު ތަހުޤީޤު ކުރަމުންދާ މައްސަލާގައި މައްސަލާގައި ޝާމިލްވާކަމަށް ބެލެވޭ 6 ފަރާތަކާއި ސުވާލު ކުރެވިފައިވާނެ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.

މިރޭ ފުލުހުން ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން މިކަމާ ގުޅޭ ގޮތުން އައިސީއައިގެ ސްޕްރިޑެންޓް ރަޖުނީ ޝުޢައިބް ވިދާޅުވީ މައްސަލައާއި ގުޅޭ މައުލޫމާތު ލިބުމުން ތަހުޤީޤަށް އެޗްޑީސީ އަށް ގޮސްފައިވާނެ ކަމަށެވެ. އަދި އެޗްޑީސީ އަށް ގޮސް އެކަމާ ގުޅޭ ފަރާތްތަކާ ބައްދަލުކޮށް މައުލޫމާތު ސާފުކޮށްފައިވާނެ ކަމަށްވެސް އޭނާ ވިދާޅުވިއެވެ.

އަދި މިކަމާ ގުޅޭ ޑިޖިޓަލް ހެކީގެ އިތުރުން ލިޔެކިޔުންތައް ފުލުހުންގެ ބެލުމުގެ ދަށަށް ގެނެވިފައިވާނެ ކަމަށާއި، ލިޔެކިޔުންތައް ތަހުލީލު ކުރުމުގެ މަސައްކަތް މިހާރު ވަނީ ފެށިފައި ކަަމަށްވެސް ރަޖުނީ ވިދާޅުވިއެވެ.

 އޭގެ އިތުރުން މިކަމާ ގުޅުންހުރި ކަމަށް އައިޑެންޓިފައި ވެފައި ހުރި ފަރާތްތައްތަކުގެ ތެރެއިން 6 ފަރާތަކާ މިއަދާ ހަމައަށް ވާނީ ސުވާލު ކުރެވިފައި ކަމަށާއި އެފަރާތްތަކުގައި އޮތް ރަޖިސްޓްރީ ތަކާ ލިޔުންތައް އެގަރިމެންޓްތަކުގެ އަސްލުވެސް ފުލުހުންގެ ބެލުމުގެ ދަށަށް ގެނެސް ލިޔެކިޔުންތައް ތަހުލީލު ކުރުންވެސް މިހާރު ވަނީ ފެށިފަކަމަށް އޭނާ ވިދާޅުވިއެވެ. 

މީގެއިތުރުން ގެދޮރުވެރިކަމާ ބެހޭ ވުޒާރާއަށް ގޮސް އެވުޒާރާގެ ފަރާތްތަކާ ބައްދަލުކޮށް މައުލޫމާތު ސާފުކޮށް އެވުޒާރާގައި ހުރި ޑިޖިޓަލް ހެކި ފުލުހުންގެ ބެލުމުގެ ދަށަށް ގެނެވި އެކަންކަންވެސް ބެލުމުގެ މަސައްކަތް މިހާރު ދަނީ ކުރަމުންކަމަށް ރަޖުނީ ވިދާޅުވިއެވެ.

މިކަމުގައި އިތުުރު ފަރާތެއް ޝާމިލް ވާކަމުގެ މައުލޫމާތު ލިބިއްޖެނަމަ އެކަމެއްވެސް ބަލަމުންގެންދާނެ ކަމުގެ ޔަޤީންކަން އަރުވާ ކަމަށްވެސް ރަޖުނީ ޝުޢައިބް ވިދާޅުވިއެވެ.

ލިޔެކިޔުންތަކެއް ގެދޮރުވެރިކަމާ ބެހޭ ވުޒާރާއާއި އެޗްޑީސީ އާއި ދެމެދު ބަދަލުކުރެވިފައިވާކަން ފާހަގަވޭ. ލިޔުންތައް ވެރިފައިކުރުމުގެ މަސައްކަތް ދަނީ ކުރެވެމުން. ބާތިލް ކުރެވިފައިވާ ލިޔުންތަކެއްވެސް ފެނިފައިވޭ އެތަކެތި ވެސް ވެރިފައި ކުރެވެމުންދަނީ

ރަޖުނީ ޝުޢައިބް ވިދާޅުވިއެވެ.

މީގެއިތުރުން މައްސަލަ ޖެހިފައިހުރި ލޮޓުތައް ފިޒިކަލީ ބަލާ އެތަންތަނުގައި ކުރެވިފައިހުރި މަސައްކަތްތައް ފުލުހުން ވާނީ ބަލާފައި ކަމަށް ރަޖުނީ ވިދާޅުވިއެވެ.

މިރޭގެ ނޫސްވެރިންގެ ބައްދަލުވުމުގައި ތަކުރާރުކޮށް ފުލުހުން ފާހަގަކުރައްވައިފައިވަނީ މިމައްސަލާގައި ގުޅުން އޮތީ ސީދާ ކޮންފަރާތަކާކަން އަދި ހާމަނުކުރެވޭނެ ކަމަށެވެ. 

މި ލިޔުން ކިޔާލުމުން

Ads by MSS