ޚަބަރު
މިހާހިސާބަށް ފާހަގަވެފައޮތީ ދެވިފައިވާ ޑޮކިޔުމެންޓް ތަކަކީ ކުރީ ސަރުކާރުން ދީފައިވާ ޑޮކިޔުމެންޓް ތަކެއް ކަން: އޭސީޕީ

އޭސީޕީ ޢަބްދުﷲ ޝަރީފް. ފޮޓޯ: ޕީއެސްއެމް
ހުލާސާ
ތަހުޤީޤުގެ މިހާހިސާބަށް ފާހަގަވެފައިއޮތީ ދެވިފައިވާ ޑޮކިޔުމެންޓްތައް ކަމަށްބުނާ ޑޮކިޔުމެންޓު ތަކަކީ ކުރީ ސަރުކާރުން ދީފައިވާ ޑޮކިޔުމެންޓްތަކެއް ކަން ކަމަށް އެސިސްޓެންޓް ކޮމިޝަނަރ އޮފް ޕޮލިސް ޢަބްދުﷲ ޝަރީފް ވިދާޅުވެއްޖެއެވެ.
ޝަރީފް މިހެން ވިދާޅުވީ މިހާރު ތަހުޤީޤު ކުރެވެމުންދާ އެޗްޑީސީއާ ގުޅުން އޮތް މައްސަލައާ ގުޅޭ މައުލޫމާތުތައް ޚިއްސާ ކުރުމަށް ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.
ފާހަގަވި މައުލޫމާތު ތެރޭގައި، މިކުރެވުނު މަސައްކަތުންވެސް މިހާހިސާބަށް ފާހަގަ ވެފަ ހުރީ އަދި ސުވާލު ކުރެވުނު މީހުންގެ ފަރާތުންވެސް އަޅުގަނޑުމެންނަށް ފާހަގަވެފަހުރީ މިފާރަތްތަކަށް ލިބިފަހުރި ޑޮކިޔުމެންޓްތަކަކީ ކުރީ ދައުރުގަ އެބޭފުޅުންނަށް ލިބިފަހުރި ޑޮކިޔުމެންޓް ތަކެއްކަމަށް
އެސިސްޓެންޓް ކޮމިޝަނަރ އޮފް ޕޮލިސް ވިދާޅުވިއެވެ.
މިކަމާގުޅޭގޮތުން ސުވާލުކުރި ނޫސްވެރިއެއްގެ ސުވާލަކަށް ޖަވާބުދެއްވަމުން އައިސީއައިގެ ސްޕްރިޑެންޓް ރަޖުނީ ޝުޢައިބް ވިދާޅުވީ މިތަހުޤީޤުތެރެއިން މިލިޔުންތަކަކީ ކޮންއިރަކު ދޫކޮށްފައިވާ އަދި ކޮންބަޔަކު ދޫކޮށްފައިވާ ލިޔުންތަކެއް ކަން އަދި "ރޫލްއައުޓް" ނުކުރައްވާ ކަމަށެވެ. ނުވަތަ ލިޔުންތަކަކީ ފޯޖު ކޮށްފައިވާ ލިޔުންތަކެއްކަންވެސް އަދި ނުނިންމަވާ ކަމަށާއި މިހާރު ކުރަމުންދަނީ އެކަންކަން ދެނެގަތުމުގެ މަސައްކަތް ކަމަށް ރަޖުނީ ވިދާޅުވިއެވެ.
މިމައްސަލަ ފުލުހުންނަށް ފާހަގަކުރެވުނީ ކޮންއިރަކުތޯ ނުވަތަ ކޮންގޮތަކަށްތޯ ކުރެވުނު ސުވާލުގެ ޖަވާބުގައި ފުލުހުންގެ ފަރާތުން ވިދާޅުވެފައިވަނީ މިމައްސަލަ ފުލުހުންނަށް ފާހަގަކުރެވިފައިވަނީ ސޯޝަލް މީޑިއާ މެދުވެރިކޮށްކަމަށެވެ.