މާލޭ މަގެއްގެ މަތިން އަންހެނެއްގެ އަތުން ފޭރުނު ފިރިހެނަކު ހައްޔަރުކޮށްފި

މާލޭގެ މަގެއްގެ މަތިން ސައިކަލެއްގައި ދިޔަ އަންހެނެއްގެ އަތުން ފޭރުނު ދިވެހި ފިރިހެނަކު ހައްޔަރުކޮށްފިއެވެެ.

ދިވެހި ފުލުހުންގެ ޚިދުމަތުން މިކަމާ ގުޅިގެން ބުނެފައިވަނީ 19 ޑިސެންބަރު 2024 ވީ ބުރާސްފަތިދުވަހު މާލޭގެ އަލިކިލެގެފާނު މަގުން ސައިކަލެއްގައި ދިޔަ އަންހެނެއް ހުއްޓުވައި އޭނާގެ އަތުން ފޭރެން މަސައްކަތް ކުރި ފިރިހެނަކު ހައްޔަރުކޮށްފައިވާ ކަމަށެވެ. 

މިމައްސަލާގައި ހައްޔަރުކޮށްފައިވަނީ އެމަގުން ސައިކަލެއްގައި ދުއްވައިފައި ދިޔަ ދިވެހި ފިރިހެނެއް ކަމަށްވާ ވިލިމާލެ ފިޔަބަރި ޙަސަން އިސާމް 30 އަހަރެވެ. އޭނާ ފުލުހުންގެ ބެލުމުގެ ދަށަށް ގެންގޮސްފައިވަނީ އިއްޔެގެ 17:20 އެހާއިރު ކަަމަށް ފުލުހުން ވަނީ ބުނެފައެވެ. 

އިތުރަށް ފުލުހުން ބުނެފައިވަނީ އިސާމް އެވަގުތު ދުއްވަމުންގެންދިޔަ ސައިކަލު ފުލުހުން ޓޯ ކޮށްފައިވާ ކަމަށާއި އެމައްސަލަ އިތުރަށް ތަހުޤީޤު ކުރަމުންދާ ކަމަށެވެ. 

މީގެއިތުރުން އިސާމްގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން އޭނާގެ ބަންދަށް ހަތް ދުވަސް ޖަހައިފައިވާ ކަމަށްވެސް ފުލުހުން ވަނީ ބުނެފައެވެ. 

މިކަން ހިނގައިދިޔަ ވަގުތުގެ މަންޒަރު ސޯޝަލް މީޑިއާގައި މިހާރު ދައުރުވަމުން އަންނައިރު ގިނަ ބަަޔަކު ދަނީ މިކަމާ ގުޅިގެން ކަންބޮޑުވުން ފާޅުކުރަމުންނެވެ.