Ads by Exprox

ޚަބަރު

އަލިފާނުގެ ހާދިސާ ތަހުޤީޤު ކުރުމަށް އިންޑިއާގެ ތަޖުރިބާކާރު ޓީމެއް ހަރަކާތްތެރިވަނީ

އަލިފާނުގެ ހާދިސާ ތަހުޤީޤު ކުރުމަށް އިންޑިއާގެ ތަޖުރިބާކާރު ޓީމެއް ހަރަކާތްތެރިވަނީ

އަލިފާނުގެ ހާދިސާ ހިނގި ސަރަހައްދު މަތިން ނަގާފައިވާ ފޮޓޯއެއް. ފޮޓޯ: އެމްއޭސީއެލް

ޙަސްނާ އަޙްމަދް

ޙަސްނާ އަޙްމަދް

20 ޑިސެމްބަރު 2024، 06:00

20 ޑިސެމްބަރު 2024، 06:00

ސަރުކާރުގެ ތިން ވުޒާރާ ކަމަށްވާ ގެދޮރުވެރިކަމާ ބިމާއި ޢުމްރާނީ ތަރައްޤީއާ ބެހޭ ވުޒާރާ، ޢިމާރާތްކުރުމާ ބިނާރާ ބެހޭ ވުޒާރާ އަދި މޫސުމީ ބަދަލުތަކާ ތިމާވެއްޓާ ހަކަތައާއި ބެހޭ ވުޒާރާ ހިންްގަމުންދިޔަ ޢިމާރާތުގައި ހިނގި ބޮޑު އަލިފާނުގެ ހާދިސާ ތަހުޤީޤު ކުރުމަށް އިންޑިއާގެ ތަޖުރިބާކާރު ޓީމެއް ދިވެހި ފުލުހުންގެ ޚިދުމަތާއި އެކު މިހާރު ހަރަކާތްތެރިވަމުންދާ ކަމަށް ކޮމިޝަނަރ އޮފް ޕޮލިސް ޢަލީ ޝުޖާޢު ވިދާޅުވެއްޖެއެވެ. 

ސީޕީ ޝުޖާޢު މީޑިއާތަކަށް ފޮނުއްވެވި މެސެޖެއްގައި ވިދާޅުވެފައިވަނީ މި މަހުގެ 12 ވަނަ ދުވަހު މ. ގްރީން ބިލްޑިންގގައި ހިނގި އަލިފާނުގެ ހާދިސާއާ ގުޅިގެން ކުރެވެމުންދާ ތަހުޤީޤުގައި، އިންޑިއާގެ ތަޖުރިބާކާރުންގެ ހާއްސަ ޓީމެއް މިހާރު ދަނީ ދިވެހި ފުލުހުންނާއެކު ހަރަކާތްތެރިވަމުންކަމަށެވެ. 

މިއަލިފާނުގެ ހާދިސާއާ ގުޅޭ އެއްވެސް މަޢުލޫމާތެއް އާންމުންގެ އެއްވެސް ފަރާތަކަށް އެނގޭނަމަ ފުލުހުންނާއި ޚިއްސާކޮށްދިނުމަށްވެސް މީގެ ކުރިން ފުލުހުން ވަނީ އެދިފައެވެ. 

މިމަހުގެ 12 ވަނަ ދުވަހު ހިނގި މިއަލިފާނުގެ ހާދިސާގައި ސަރުކާރުގެ ތިން ވުޒާރާގައި ހިނގި އަލިފާނުގެ ހާދިސާގައި އެތިން ވުޒާރާ ބޭނުންނުކުރެވޭ ވަރަށް ވަނީ ހަލާކުވެފައެވެ. މި ހާދިސާއާއި ގުޅިގެން އެތިން ވުޒާރާ ވަގުތީ ގޮތުން ހިންގުން މިހާރު ވަނީ ދަރުބާރުގެއަށް ބަދަލުކޮށްފައެވެ. 

މި ލިޔުން ކިޔާލުމުން

Ads by MSS