މޫސުން ގޯސްވާނެ ކަމަށް ލަފާކޮށް ބ.އަތޮޅުން ގދ.އަތޮޅަށް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް ބ.އަތޮޅުން ގދ.އަތޮޅަށް ހުދު ސަމާލު ނެރެފިއެވެ. 

މޫސުމާއި ބެހޭ ޤައުމީ އިދާރާއިން ނެރެފައިވާ ހުދު ސަމާލުގައި ބުނެފައިވަނީ މިރޭގެ 18:00 އިން ފެށިގެން 00:00އަށް ބ.އަތޮޅުން ގދ.އަތޮޅަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައި ޖެހޭނެ ކަމަށް ލަފާކުރެވޭ ކަމަށެވެ. 

Alert White: Information
Strong winds of 19 - 24 mph with rough seas expected. pic.twitter.com/FWS7WPm1ts

— Maldives Meteorology (@MetMaldives) December 20, 2024

އަދި އެސަރަަހައްދުގެ ކަނޑުތައް އެވަގުތު ގަދަވާނެ ކަަމަށްވެސް މެޓް އޮފީހުން ވަނީ ލަފާކޮށްފައެވެ. 

ބ.އަތޮޅުން ގދ.އަތޮޅަށް ނެރުނު ހުދު ސަމާލުގެ އިތުރުން ހއ.އަތޮޅުން ކ.އަތޮޅަށް މިއަދުގެ 16:15އިން މިރޭގެ 22:00 އަށް ބޯކޮށް ވާރޭ ވެހުމާއިއެކު ގުގުރާނެ ކަމަށް ލަފާކޮށްފައިވެއެވެ. މީގެ އިތުރުން އެސަރަހައްދަށް ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެ. 

މިދުވަސް ވަރު މޫުސުން ގޯސްވާނެކަމަށް ލަފާކޮށް މެޓް އޮފީހުން ވަނީ މޫސުމަށް ސަމާލުވުމަށް އިލްތިމާސްކޮށްފައެވެ. އަދި ކަނޑުދަތުރުފަތުރުކުރާ ފަރާތްތަކުން ފުރުމުގެ ކުރިން މޫސުމަށް ބެލުމަށް އިލްތިމާސްކޮށްފައިވެއެވެ