އެޗްޑީސީގެ މެނޭޖިން ޑިރެކްޓަރުގެ މަޤާމަށް މައުރޫފް ޖަމީލް އައްޔަނުކުރައްވައިފި

ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިން ޑިރެކްޓަރުގެ މަޤާމަށް ކުރީގެ ކޮންސްޓްރަކްޝަން މިނިސްޓަރ މައުރޫފް ޖަމީލް ޢައްޔަންކުރައްވައިފިއެވެ.މައުރޫފް ޖަމީލަކީ އިމާރާތް ކުރުމުގެ ދާއިރާގައި ރާއްޖޭގައި އެންމެ މަޤްބޫލްބޭފުޅުންގެ ތެރެއިން އެއް ފަރާތެވެ.

މީގެއިތުރުން މަމައުރޫފް ޖަމީލަކީ ހުޅުމާލެ ފުރަތަމަ ބިނާކޮށް ތަރައްޤީކުރުމުގައި މުހިންމު ދައުރެއް އަދާކުރައްވާފައިވާ  ބޭފުޅެކެވެ. އަދި "ކޮރަލް ސްޓޯން މޮސްކްސް އޮފް މޯލްޑިވްސް" ގެ ނަމުގައި ރާއްޖޭގައި ހިރިގަލުން ބިނާކޮށްފައިވާ މިސްކިއްތަކާއި ގުލޭ ފޮތެއް ވެސް ވަނީ ތައްޔާރުކުރައްވާފައެވެ.

އެޗްޑީސީގެ މެނޭޖިންގ ޑިރެކްޓަރުގެ މަޤާމަށް މަޢުރޫފް އައްޔަންކުރައްވާފައިވަނީ ކުރިން އެމަޤާމުގައި ހުންނެވި އިބްރާހީމް ފަޒުލް ރަޝީދު އިސްތިއުފާދެއްވުމާއި ގުޅިގެންނެވެ.

ފަޒުލް ރަޝީދު އެ މަޤާމުން އިސްތިއުފާދެއްވީ ބިންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް ގޯތިތަކެއް ދީފައިވާކަމަށް ތުހުމަތުކުރެވޭ މައްސަލަ ފުލުހުންނާއި ކަމާގުޅުންހުރި ފަރާތްތަކުން ތަހުގީގްކުރަމުންދާތީ، އެ ތަހުގީގަށް ފުރުޞަތު ދިނުމަށެވެ.