Ads by Exprox

ޚަބަރު

ހިޔާ ފްލެޓްގަ ރެއިޑް އޮޕަރޭޝަނެއް ހިންގާ 3 ބިދޭސީން އިމިގްރޭޝަންގެ ބެލުމުގެ ދަށަށް

ހިޔާ ފްލެޓްގަ ރެއިޑް އޮޕަރޭޝަނެއް ހިންގާ 3 ބިދޭސީން އިމިގްރޭޝަންގެ ބެލުމުގެ ދަށަށް

އިމިގްރޭޝަނުން ހިޔާ ފްލެޓް ސަރަހައްދުގައި ހިންގް އޮޕަރޭޝަނެއްގެ ތެރެއިން ފޮޓޯ: އިމިގްރޭޝަން

އާމިނަތު ޔުމްނާ

އާމިނަތު ޔުމްނާ

22 ޑިސެމްބަރު 2024، 02:11

22 ޑިސެމްބަރު 2024، 02:11

ހިޔާ ފްލެޓުތަކުގައި  އޮޕަރޭޝަނެއް ހިންގައި 3 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ. މޯލްޑިވްސް އިމިގްރޭޝަނުގެ ފަރާތުން ހިޔާ ފްލެޓުތަކުގެ 13ތަނެއް ބަލާ ފާސްކޮށްފައެވެ. އެ 13 ތަނަކީ ވިޔަފާރިކުރާ ތަންތަނެވެ.

ގަވާއިދާ ޚިލާފަށް ރާއްޖޭގައި އުޅޭ ބިދޭސީން ދެނެގަތުމަށް ޚާއްޞަ އޮޕަރޭޝަންތަކެއް މޯލްޑިވްސް އިމިގްރޭޝަނުން އަންނަނީ  ހިންގަމުންނެވެ.  މިހާތަނަށް 5000 އަށްވުރެ ގިނަ ބިދޭސީން ވަނީ މި އޮޕަރޭޝަންތަކުގެ ދަށުން އަނބުރާ ޤައުމަށް ފޮނުވާލާފައެވެ.


މޯލްޑިވްސް އިމިގްރޭޝަނުން މައުލޫމާތުދެއްވާފައިވާ ގޮތުގައި ހުޅުމާލޭގެ ދެވަނަ ފިޔަވަހީގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކަށް ޚާއްޞަކޮށްގެން ހޮނިހިރު ދުވަހު ރެއިޑު އޮޕަރޭޝަނެއް ވަނީ ހިންގާފައެވެ.

 މި އޮޕަރޭޝަނުގައި ޖުމްލަ 8 ފިހާރަ ، 8 ކެފޭ އަދި ރެސްޓޯރެންޓް ގެ އިތުރުން 4 ބޭކަރީ އަދި ސެލޫނެއް ބަލައި ފާސްކޮށްފައިވާކަމަށް އިމިގްރޭޝަނުން ހާމަކުރިއެވެ.

މޯލްޑިވްސް އިމިގްރޭޝަނުން ހާމަކުރެއްވި ގޮތުގައި މި އޮޕަރޭޝަނުގައި ބަލައި ފާސްކުރި ވިޔަފާރިތަކުގެ ތެރެއިން ދެ ތަނެއްގައި ގަވާއިދާ ހިލާފަށް މަސައްކަތް ކުރަމުންދިޔަ 3 ބިދޭސީއަކު އިމިގްރޭޝަންގެ ބެލުމުގެ ދަށަށް ވަނީ ގެންގޮސްފައެވެ.

ސަރުކާރުން ޚާއްސަ އިސްކަމެއް ދެއްވައިގެން ޤަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ޙައްލުކުރުމަށް އަންނަނީ ގިނަ މަސައްކަތްތަކެއް ކުރަމުންނެވެ.މިމަސައްކަތުގެ ދަށުން މާލޭގައި ހިންގާ އޮޕަރޭޝަންގެ އިތުރުން މީހުން ދިރިއުޅޭ ރަށްރަށާއި ސިނާއީ ރަށްތަކާއި ދަނޑުވެރިކަމަށް ދޫކޮށްފައިވާ ރަށްތަކުގައި ދިރިއުޅޭ ބިދޭސީންގެ މައުލޫމާތު ގެ އިތުރުން ރިސޯޓުތަކުގައި މަސައްކަތްކުރާ ބިދޭސީންގެ މަޢުލޫމާތު އެއްކުރުމުގެ މަސައްކަތްވެސް ދަނީ ކުރައްވަމުންނެވެ.

މީގެއިތުރުން އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަށް ކާބޯތަކެތި ތައްޔާރުކުރާ ތަންތަން ބަލައި ފާސްކުރުމަށް ޚާއްސަ އޮޕަރޭޝަނެއްވެސް ވަނީ ފަށްޓަވާފައެވެ.

 ރާއްޖޭގައިތިބި ހުރިހާ ބިދޭސީންގެ މަޢުލޫމާތު އެއް ޑޭޓާބޭސްއަކަށް ގެނެސް ބިދޭސީންގެ މައްސަލައަށް 3 އަހަރުގެތެރޭ ޖުމްލަ ޙައްލެއް ގެނައުމަކީވެސް ސަރުކާރުގެ އަމާޒެވެ.

މި ލިޔުން ކިޔާލުމުން

Ads by MSS