ޚަބަރު / ރިޕޯޓް
ރަައީސް މުޢިއްޒު ގެ ނިންމެވުމަށް ގިނަބައެއްގެ މަރުޙަބާ: އެޗްޑީސީއަށް މުޙައްމަދު މަޢުރޫފް ޖަމީލް އައްޔަންކުރުން ކަމުގޮއްސި
މުޙައްމަދު މަޢުރޫފް ޖަމީލް ފޮޓޯ:ކޯޕަރޭޓް މޯލްޑިވްސް
ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިންގ ޑިރެކްޓަރުގެ މަޤާމަށް ޢައްޔަންކުރެއްވި މުޙައްމަދު މަޢުރޫފް ޖަމީލް އެމަޤާމަން އައްޔަންކުރެއްވުމާއި އެކު ގިނަބައެއް އެކަމާއި ތާޢީދުކޯށް ސޯޝަލް މީޑިއާގައި ހިޔާލުފާޅު ކޮށްފިއެވެ. އާންމުންނާއި ސަރުކާރުގެ ކުރީގެ އިސް މަޤާމްތައް ފުރުއްވާފައިވާ ފަރާތްތަކާއި ސިޔާސީ ބައެއް ބޭފުޅުންވެސް ވަނީ ރައީސުލްޖުމްހޫރިއްޔާ އައްޔަން ކުރެއްވި ފަރާތަކީ ، ރާއްޖޭގެ ތަރައްޤީގައި މުހިންމު މަސައްކަތްތަކެއް ކުރައްވާފައިވާ ޚިދުމަތްތެރި ބޭފުޅެއްކަމާއި އެބޭފުޅާގެ ނަޒާހަތްތެރިކަމާއި މެދު އެއްވެސް ޝައްކެއްނެތްކަމަށް ބުނެ ހިޔާލުފާޅު ކުރައްވާފައެވެ.
މިގޮތުން ކުރީގެ ރައީސް މައުމޫން ޢަބްދުލް ޤައްޔޫމް ވަނީ މަޢުރޫފް ފަދަ ނަޒާޙަަތްތެރި ތަޖުރިބާކާރު ޤާބިލް މިމަޤާމަށް އައްޔަންކުރެއްވުމުން އުފާކުރައްވާކަމަށް ވިދާޅުވެއް މަރުޚަބާ ދަންނަވާފައެވެ.
Delighted by the appointment of a person of such integrity, ability and experience as Mauroof Jameel as head of HDC. Congratulations and good luck! pic.twitter.com/PbhJJvOosz
— Maumoon Abdul Gayoom (@maumoonagayoom) December 22, 2024
މީގެ އިތުރުން އެމްޑީޕީއަށް ނިސްބަތްވާ ހުޅުމާލެ ދެކުނު ދާއިރާގެ މަޖިލިސް މެމްބަރު އަޙްމަދު ޝަމްހީދު ވަނީ ރައީސް މުޢިއްޒުގެ ނިންމުމަށް މަރުހަބާ ދަންނަވާފައެވެ.
މުޙައްމަދު މަޢުރޫފް ޖަމީލުވަނީ ދައުލަތުގެ އިސް މަޤާމުތަކެއް އަދާކުރައްވައި، 19 އަހަރަށްވުރެ ގިނަ ދުވަހު ދައުލަތަށް ޚިދުމަތްކުރައްވާފައެވެ. އެގޮތުން ކުރީގެ ރައީސް މައުމޫން ޢަބްދުލްޤައްޔޫމްގެ ސަރުކާރުގައި ކޮންސްޓްރަކްޝަން މިނިސްޓަރުކަމުގެ އިތުރުން، ރާއްޖޭގެ ޢުމްރާނީ ތަރައްޤީގެ ދާއިރާއާއި ގެދޮރުވެރިކަން ކުރިއެރުވުމަށް ސަރުކާރުން ކުރެއްވި މަސައްކަތްތަކުގައި އިސްކޮށް ބައިވެރިވެވަޑައިގެންފައިވެއެވެ.
މިކަމުގައި ރައީސް @MMuizzu މި ނިންމެވި ނިންމުމަށް މަރުހަބާ ކިޔަން، އަދި މައުރޫފަށް ކާމިޔާބަށް އެދެން. @hdcmaldives https://t.co/YrdoQ19lDL
— Ahmed Shamheed (@Ashamhyd) December 22, 2024
ފާރިސް މަޢުމޫންވެސް ވަނީ މަޢުރޫފް ޖަމީލްއަކީ ފައްނީ ޤާބިލްކަން ހުރި ތަޖުރިބާލިބިފައިވާ އަދި ނަޒާހަތްތެރި ބޭފުޅެއްކަމަށް ވިދާޅުވެ މިނިންމުމަށް ތަޢުރީފްކުރައްވާފައެވެ.
ފުރަތަމަ ޑިޒައިނާއެއްގެ ވަޒީފާއިން ޚިދުމަތަށް ނުކުންނަވައި، ކުރެއްވި ބައެއް މަސައްކަތްތަކުގެ ތެރޭގައި ހުޅުމާލޭ ޑިވެލޮޕްމަންޓް ކޯޕަރޭޝަނާއި، ހައުސިންގ ޑިވެލޮޕަމަންޓް ފައިނޭންސް ކޯޕަރޭޝަން އުފެއްދެވުމުގައި އިސްދައުރެއް އަދާކުރެއްވުން ހިމެނެއެވެ. މަޢުރޫފް ވަނީ ރާއްޖޭގެ އާކިޓެކްޗަރ އެސޯސިއޭޝަންގެ ރައީސްގެ މަޤާމުވެސް ފުރުއްވާފައެވެ. މިވޭތުވެދިޔަ އަހަރުތަކުގައި ޑިޒައިންކުރުމާއި، މެނޭޖްކުރެއްވުމުގައި 100 އަށްވުރެ ގިނަ މަޝްރޫޢުތަކުގައި ޢަމަލީގޮތުންވެސް މަޢުރޫފް ވަނީ މަސައްކަތްކުރައްވާފައެވެ.
The appointment of @maijameel as @hdcmaldives head is very welcome news. Mauroof is a person of high technical capacity, experience and integrity who through his long years of public service, has demonstrated that he will not compromise his principles.
— faris 🇲🇻 🇵🇸 (@afarismaumoon) December 22, 2024
Wishing him all the best! pic.twitter.com/cDKCZgl474
މަޢުރޫފް ޖަމީލުގެ ޤައުމީ ޚިދުމަތްތަކުން ފެންނަ އެންމެ މުހިންމު އެއް ޚިދުމަތަކީ ހުޅުމާލޭ ފުރަތަމަ ފިޔަވަހީގެ ތަރައްޤީއެވެ. އެގޮތުން ހުޅުމާލޭގައި ފުރަތަމަ މީހުން އާބާދުކުރުމަށްޓަކައި ޢަމަލީގޮތުން ގިނަގުނަ މަސައްކަތްތަކެއް މަޢުރޫފްވަނީ ކުރައްވާފައެވެ. އޭގެތެރޭގައި ހުޅުމާލޭ ފުރަތަމަ ފިޔަވަހީގައި ބިނާކުރި ފުރަތަމަ މިސްކިތް ތަރައްޤީކުރެއްވުމާއި، ސްކޫލްތަކާއި ހުޅުމާލޭ ހޮސްޕިޓަލު ތަރައްޤީކުރުމުގެ މަސައްކަތް ފާހަގަކޮށްލެވެއެވެ.
އާކިޓެކްޗަރގެ ދާއިރާއިން މަތީ ތަޢުލީމު ޙާޞިލުކުރައްވާފައިވާ މަޢުރޫފް ޖަމީލް ވަނީ ދިވެހިރާއްޖޭގެ ތަރައްޤީއަށް ގިނަގުނަ ޚިދުމަތްތަކެއް ކުރައްވާފައެވެ. މިނިވަން ރިސަރޗަރެއްގެ ގޮތުގައި މަސައްކަތް ކުރައްވަމުން ގެންދަވާ މަޢުރޫފް، ރާއްޖޭގެ ތަރިކަ ޙިމާޔަތްކުރުމުގެ ދާއިރާއިން ވަނީ މުހިންމު ގިނަ ދިރާސާތަކެއް ކުރައްވާފައެވެ.
ދިވެހިރާއްޖޭގެ ޤައުމީ ޔުނިވަރސިޓީގައި އާކިޓެކްޗަރގެ ދާއިރާއިން ލެކްޗަރާއެއްގެ ގޮތުގައި މަސައްކަތްކުރައްވާފައިވާ މަޢުރޫފް ވަނީ، މި ދާއިރާއިން ކުރައްވާފައިވާ ގިނަ ދިރާސާތައް އާންމުންނަށް ފައިދާކުރަނިވި ގޮތެއްގައި ޝާއިޢުކުރައްވާފައެވެ. އަދި މީގެ އިތުރުން، ބައިނަލްއަޤްވާމީ ފެންވަރުގައި އެތައް އެވޯޑެއް ހޯއްދަވާފައިވާ މަޢުރޫފް ވަނީ ބޭރުގެ އެކި ޖަމްޢިއްޔާތަކުގެ މެމްބަރުކަންވެސް ކުރައްވާފައެވެ.
މަޢުރޫފް ޖަމީލްގެ ތަޢުލީމީ ފެންވަރަށް ބަލާއިރު، އޭނާ ވަނީ އިނގިރޭސިވިލާތުގެ މެންޗެސްޓަރ މެޓްރޯޕޮލިޓަން ޔުނިވަރސިޓީން ބީއޭ އޮނަރސް އިން އާކިޓެކްޗަރ ހާސިލުކުރައްވާފައެވެ. މީގެ އިތުރުން، ޔުނިވަރސިޓީ އޮފް ޝެފީލްޑްއިން އާކިޓެކްޗަރގެ ދާއިރާއިން ޕޯސްޓްގްރެޖުއޭޓް ޑިޕްލޮމާއެއް އަދި މެލޭޝިޔާގެ ޔުނިވަރސިޓީ އޮފް މަލަޔާއިން މާސްޓަރސް ޑިގްރީއެއް ހާސިލުކުރައްވާފައިވެއެވެ.
މަޢުރޫފް ޖަމީލްގެ މަސައްކަތްތަކުގެ ނަތީޖާ ފެންނަން ހުރީ ޤައުމަށް ކޮށްދެއްވާފައިވާ މުހިންމު ޚިދުމަތްތަކުންނެވެ. ޚާއްޞަކޮށް ޤައުމު ބިނާކުރުމުގައި މަޢުރޫފްގެ އަގުނުކުރެވޭ ފަދަ ގިނަގުނަ މަސައްކަތްތައް ހުޅުމާލެ އަދި ރާއްޖޭގެ އެކި ސަރަޙައްދުތަކުން ފެންނަން ހުރިކަން ފާހަގަކުރެވެއެވެ. މިގޮތުން، އާކިޓެކްޗަރގެ ދާއިރާއިން މަޢުރޫފް ޖަމީލް ވަނީ ދިވެހިރާއްޖޭގެ ތަރައްޤީއަށް އަގުހުރި ޚިދުމަތްތަކެއް ކޮށްދެއްވާފައެވެ.
