ޚަބަރު
ގުރައިދޫގައި ނިޔާވި ހަތަރު މަހުގެ ތުއްތު ކުއްޖާ ޕޯސްޓްމޯޓަމަށް ފަހު ރާއްޖެ ގެނެސް ވަޅުލައިފި

ކ.ގުރައިދޫ
ކ.ގުރައިދޫގައި ނިޔާވި ހަތަރު މަހުގެ ތުއްތު ކުއްޖާގެ ޕޯސްޓްމޯޓަމަށް ފަހު ރާއްޖެ ގެނެސް ވަޅުލައިފިއެވެ.
ދިވެހި ފުލުހުންގެ ޚިދުމަތުން ބުނެފައިވަނީ އެތުއްތު ކުއްޖާގެ ހަށިގަނޑު ޕޯސްޓްމޯޓަމަށްފަހު ރާއްޖެގެނެސް އާއިލާއާ ހަވާލުކޮށްފައިވާ ކަމަށެވެ.
ތުއްތު ކުއްޖާގެ ޖަނާޒާގެ މިއަދުގެ ޢަސްރު ނަމާދަށްފަހު ހުޅުމާލޭ ސަހަރާގައި ވަނީ ބާއްވައިފައެވެ.
މިތުއްތު ކުއްޖާގެ މަރުގެ މައްސަލަ ފުލުހުންނަށް ރިޕޯޓުކޮށްފައިވަނީ 14 ޑިސެންބަރު 2024 ގައެވެ. އެކުއްޖާގެ ހަށިގަނޑު ޕޯސްޓްމޯޓަމް ހެދުމަށް ފޮނުވުމަށް ފުލުހުން ނިންމާފައިވަނީ އެކުއްޖާގެ މަރުގައި ޝައްކުކުރެވޭ ކަންތައްތަކެއް ހުރުމުންނެވެ. އެކުއްޖާގެ ހަށިގަނޑު ޕޯސްޓްމޯޓަމަށް ފޮނުވައިފައިވަނީ 18 ޑިސެންބަރު 2024ގައެވެ.
ފުލުހުން ބުނެފައިވަނީ މިމައްސަލަ ފުލުހުން ތަހުޤީޤު ކުރަމުންދާކަމަށެވެ.