ކުޅިވަރު

ފެބުރުއަރީގައި ފުޓުބޯޅަ ސީޒަން ފެށުމަށް ފައިނަލް ކޮށްފި

ފެބުރުއަރީގައި ފުޓުބޯޅަ ސީޒަން ފެށުމަށް ފައިނަލް ކޮށްފި

މާޒިޔާ އަދި ޓީސީ ސްޕޯޓްސް 2020 ވަނަ އަހަރުގެ ލީގު މެޗެއްގައި--- ފޮޓޯ: އެފްއޭއެމް

މިފްތާޙް މުޙައްމަދު

މިފްތާޙް މުޙައްމަދު

22 ޑިސެމްބަރު 2024، 09:44

22 ޑިސެމްބަރު 2024، 09:44

ހުލާސާ

ސީޒަން ހުޅުވާ މެޗު ފެބުރުއަރީ 14ގައި ކުޅުމަށްފަހު ޕްރެޒިޑެންޓްސް ކަޕް ފެށުމަށް ހަމަޖެހިފައިވަނީ ފެބުރުއަރީ 17 ގައި. އަދި ދިވެހި ޕްރިމިއަރ ލީގު ފަށާނީ ރޯދަ މަހަށްފަހު، އޭޕްރީލް 8 ގައި.

ރާއްޖޭގެ ފުޓުބޯޅަ ސީޒަން ފަށާ ތާރީހަކަށް ފެބުރުއަރީ 14 ހަމަޖައްސައި، އެކަން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކުލަބުތަކަށް އަންގައިފިއެވެ.

މިދިޔަ އޯގަސްޓު މަހު އެފްއޭއެމްއާ ނޯމަލައިޒިން ކޮމިޓީއިން ހަވާލުވުމަށްފަހު ކްލަބުތަކުގެ ހިޔާލު ހޯދުމަށް ފޮނުވި ފުރަތަމަ ޑްރާފްޓް ކަލަންޑަރުގައި އޮތީ، ޖެނުއަރީ 24 ގައި ސީޒަން ފަށާގޮތަށެވެ. އަދި އެއަށްފަހު އެ ކަލަންޑަރު ފައިނަލު ކުރިއިރު ސީޒަން ފެށުމަށް ނިންމާފައިވަނީ އޭގެ 20 ދުވަސް ފަހުންނެވެ.

އެފްއޭއެމްއާ ހަވާލުވެފައިވާ ނޯމަލައިޒިން ކޮމެޓީއިން ދިވެހި ފުޓުބޯޅަ ސީޒަން ފެށުމަށް މިހާރު މަސައްކަތް ކުރަމުންދާއިރު، ހޮނިހިރު ދުވަހުގެ ނިޔަލަށް ދިވެހި ލީގުގެ މެޗެއް ނުކުޅޭތާ އެއް އަހަރުވީއެވެ. މިއީ ސީޒަނެއް ނިމުމަށްފަހު އަނެއް ސީޒަން ފެށުމާ ދޭތެރޭ މިހާތަނަށް ރާއްޖޭގައި ހޭދަވެފައިވާ އެންމެ ދިގު މުއްދަތެވެ.

ފުޓުބޯޅަ ސީޒަން ފެށުމަށް ތައްޔާރުވަމުން އަންނަ އިރު ކްލަބުތަކަށް އޮތް އެންމެ ބޮޑު ދައްޗަކީ މާލީ ހާލަތެވެ. ގިނަ ކްލަބުތަކުގައި ކުޅުންތެރިންނާއި ކޯޗިން ސްޓާފުންނަށް މުސާރަ ނުދެވުމެވެ. އަދި މި މައްސަލައިގެ ސަބަބުން ކްލަބް ލައިސަންސިންގެ ކަންކަން ވެސް ވަނީ ފުރިހަމަ ނުވެފައެވެ. ބައެއް ރިޕޯޓުތައް ބުނާ ގޮތުން، އެފްއޭއެމްއިން އަންނަނީ ދިވެހި ސަރުކާރާއި އަދި ދުނިޔޭގެ ފުޓުބޯޅަ އިދާރާ، ފީފާ އާއި މަޝްވަރާކޮށް، މި ކަމަށް ގެނެވޭނެ ވަގުތީ ހައްލަކާ ގުޅޭ ގޮތުން މަޝްވަރާ ކުރަމުންނެވެ. 

ގިނަ ދުވަސްތަކަކަށްފަހު ސީޒަން ފަށާއިރު، ސީޒަން ހުޅުވާ މެޗު ފެބުރުއަރީ 14ގައި ކުޅުމަށްފަހު ޕްރެޒިޑެންޓްސް ކަޕް ފެށުމަށް ހަމަޖެހިފައިވަނީ ފެބުރުއަރީ 17 ގައެވެ. އަދި ދިވެހި ޕްރިމިއަރ ލީގު ފަށާނީ ރޯދަ މަހަށްފަހު، އޭޕްރީލް 8 ގައެވެ. 

އެފްއޭއެމްގެ ކަލަންޑަރުގައި ހިމެނޭ މުހިންމު ތާރީހުތައް: 

  • ފެބުރުއަރީ 14 – ޗެރިޓީ ޝީލްޑް މެޗު
  • ފެބްރުއަރީ 17 - ޕްރެޒިޑެންޓްސް ކަޕް
  • އޭޕްރީލް 8 - ދިވެހި ޕްރިމިއާ ލީގު
  • މެއި 31 - ތިން ވަނަ ޑިވިޝަން ފުޓްބޯޅަ މުބާރާތް
  • ޖުލައި 12 - އެފްއޭ ކަޕް
  • ޖުލައި 18 - ދެ ވަނަ ޑިވިޝަން ފުޓްބޯޅަ މުބާރާތް

މި ލިޔުން ކިޔާލުމުން

Ads by MSS