ފުލުހުންގެ ވާޖިބަށް ހުރަސްއެޅި މީހެއްގެ މައްސަލަ ބަލަނީ

ފުލުހުންގެ ވާޖިބަށް ހުރަސްއެޅި މީހެއްގެ މައްސަލަ ބަލަމުންދާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ. 

މިމައްސަލައާ ގުޅިގެން ފުލުހުން ބުނެފައިވަނީ 21 ޑިސެންބަރު 2024 ވަނަ ދުވަހު 16:00ހާއިރު އައިޖީއެމްއެޗް ޑިޔުޓީ ގައި ތިބި ފުލުހުންގެ އަމުރަށް ނުކިޔަމަންތެރިވެ ފުލުހުންގެ ވާޖިބަށް ހުރަސްއެޅި މައްސަލަ ތަހުޤީޤު ކުރަމުންދާ ކަމަށެވެ.

މިމައްސަލާގައި މާލެ ސިޓީ މ.ސްޓަރ މުޙައްމަދު ރަޒީން ނަމަކަށް ކިޔާ މީހާކު ހައްޔަރުކޮށްފައިވާ ކަމަށެވެ. 

އަދި މިމައްސަލާގައި ހައްޔަރު ކުރި މީހާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން ފަސް ދުވަހުގެ ބަންދުގެ މުއްދަތެއް ޖަހައިފައިވާ ކަމަށްވެސް ފުލުހުން ވަނީ ބުނެފައެވެ. 

ފުލުހުން އިތުރަށް ބުނެފައިވަނީ މިމައްސަލަ އިތުރަށް ތަހުޤީޤު ކުރަމުންދާކަމަށެވެ.