Ads by Exprox

ޚަބަރު

ހޮޅުދޫގައި ހިނގި މާރާމާރީއެއްގައި ޒުވާނަކު ހައްޔަރުކޮށްފި

ހޮޅުދޫގައި ހިނގި މާރާމާރީއެއްގައި ޒުވާނަކު ހައްޔަރުކޮށްފި

ނ. ހޮޅުދޫ / ނިއު ލައިފް، މޫސާ ރިމްޒީ (30 އަހަރު) ފޮޓޯ: ފުލުހުން

އާމިނަތު ޔުމްނާ

އާމިނަތު ޔުމްނާ

23 ޑިސެމްބަރު 2024، 09:27

23 ޑިސެމްބަރު 2024، 09:27

ނ. ހޮޅުދޫގައި މިދިޔަ ހަފްތާގައި ހިނގި މާރާމާރީއެއްގެ މައްސަލައިގައި އެރަށު ޒުވާނަކު ހައްޔަރުކޮށްފިއެވެ. މި މައްސަލައިގައި ހައްޔަރުކޮށްފައިވަނީ ނ. ހޮޅުދޫ / ނިއު ލައިފް، މޫސާ ރިމްޒީ (30 އަހަރު) އެވެ.

ފުލުހުން މަޢުލޫމާތު ދޭގޮތުގައި، މި މާރާމާރީ ހިނގާފައިވަނީ 2024 ވަނަ އަހަރުގެ ޑިސެމްބަރު މަހުގެ 19 ވަނަ ދުވަހުގެ ވަގުތެއްގައި ނ. ހޮޅުދޫގައެވެ. މި ހާދިސާ ހިނގި ކަމަށް ބުނެ ފުލުހުންނަށް ރިޕޯޓުކޮށްފައިވަނީ އޭގެ އަނެއް ދުވަހު، ޑިސެމްބަރު 20 ވަނަ ދުވަހުއެވެ.

މި މައްސަލައާ ގުޅިގެން ކޯޓު އަމުރެއްގެ ދަށުން މޫސާ ރިމްޒީ ހައްޔަރުކޮށްފައިވަނީ 2024 ވަނަ އަހަރުގެ ޑިސެމްބަރު މަހުގެ 23 ވަނަ ދުވަހުއެވެ. މި މައްސަލައިގެ ތަޙުޤީޤު ފުލުހުން ދަނީ ކުރިއަށް ގެންދަމުންނެވެ. ރަމްޒީ އަކީ ހޮޅުދޫއިން ޒަޚަމްތަކަކާއި އެކު ނިޔާވެފައި އޮއްވާ ފެނުނު ޒަކިއްޔާގެ ދޮށީ ދަރިފުޅެވެ.                   

މި ލިޔުން ކިޔާލުމުން

Ads by MSS