ހުޅުމާލެ ދެވަނަ ފިޔަވަހިން 26 ތަނެއް ބަލައި ފާސްކޮށް ހަތަރު ބިދޭސީއަކު އިމިގްރޭޝަންގެ ބެލުމުގެ ދަށަށް

ހުޅުމާލެ ދެވަނަ ފިޔަވަހިން 26 ތަނެއް ބަލައި ފާސްކޮށް ހަތަރު ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށް އިމިގްރޭޝަނުން ބުނެފިއެވެ.

އިމިގްރޭޝަނުން ބުނެފައިވަނީ ހުޅުމާލޭ ފޭސް 2ގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކަށް ޚާއްސަކޮށް އިއްޔެ ވަނީ ރެއިޑު އޮޕަރޭޝަނެއް ހިންގާފައިކަމަށެވެ.

އެގޮތުން 26 ތަނެއް ބަލައި ފާސްކޮށް، 04 މީހަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި ކަމަށްވެސް އިމިގްރޭޝަނުން ވަނީ ބުނެފައެވެ.

އިމިގްރޭޝަނުން އިއްޔެ ބުނެފައިވަނީ އިއްޔެ ހުޅުމާލޭ ފޭސް 2ގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކަށް ރެއިޑު އޮޕަރޭޝަނެއް ހިންގާފައި ވާކަމަށެވެ. އެރެއިޑް އޮޕަރޭޝަންގެ ތެރެއިން 08 ފިހާރަ، 04 ކެފޭ/ރެސްޓޯރަންޓު/ބޭކަރީ އަދި 01 ސެލޫން ބަލައި ފާސްކޮށްފައިވާކަމަށް އިމިގްރޭޝަނުން ބުނެފައިވެއެވެ.

މީގެތެރެއިން ދެ ތަނެއްގައި ޤަވާއިދާ ޚިލާފަށް މަސައްކަތް ކުރަމުންދިއަ 03 މީހަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި ކަމަށްވެސް އިމިގްރޭޝަނުން ބުނެފައިވެއެވެ. 

ރާއްޖޭގައި ޤަވާއިދާ ޚިލަފަށް އުޅޭ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ކުރަމުންދާ މަސައްކަތުގެ ތެރެއިން ރާއްޖޭގައި ޤަވައިދާ ޚިލާފަށް އުޅޭ އަދި ޤަވާއިދާ ޚިލާފަށް ވިޔަފާރިކޮށްހަދާ އެތައް ބިދޭސީންނެއް މިހާތަނަށް ހޯދައި ގިނަ ބަޔަކު ވަނީ އަނބުރާ ޤައުމަށް ފޮނުވައިލައިފައެވެ. 

ޤަވާއިދާ ޚިލާފަށް އުޅޭ ބިދޭސީންގެ މައްސަލައަކީ ވަރަށް ބޮޑަށް ހައްލެއް ބޭނުންވެފައޮތް މައްސަލައެކެވެ. މިމައްސަލައަށް ހައްލެއް ހޯއްދަވައި ދެއްވުމަކީ ރައީސް ޑރ މުޙައްމަދު މުޢިއްޒުގެ ވަޢުދުފުޅެކެވެ.