ކުޅިވަރު
ގައުމީ ފެތުމުގެ މުބާރާތް: އޯޕަން ކެޓަގަރީގެ އެއްވަނަ ހަމްނާ އާއި ރީހާނަށް

ގައުމީ މުބާރާތުން އެއްވަނަ ހޯދި ހަމްނާ އާއި ރީހާން--- ފޮޓޯ: އިމޭޖަސްއެމްވީ

ފަރުދުން
23 ޑިސެމްބަރު 2024، 09:24
23 ޑިސެމްބަރު 2024، 09:24
ހުލާސާ
މުބާރާތުގައި ދެން އެންމެ ފޯރިގަދަކޮށް ފެނުނީ ފިރިހެން ޓީމް އިވެންޓުން. އެ އިވެންޓުން އެއްވަނަ ހޯދާފައިވަނީ ފީނާ ސްވިމިން އެކަޑަމީ. އެ ޓީމުން ވަނީ 330 ޕޮއިންޓު ހޯދާފައި.
ބީއެމްއެލް 48 ވަނަ ގައުމީ ފެތުމުގެ މުބާރާތުގެ އޯޕަން ކެޓަގަރީގެ އަންހެން ޗެމްޕިއަންކަން ހަމްނާ އަހްމަދު ހޯދިއިރު، ފިރިހެން ޗެމްޕިއަންކަން މުހައްމަދު ރިހާން ޝިހާމް ހޯދައިފިއެވެ.
މި މުބާރާތުގެ އެންމެ މޮޅު ފިރިހެން އެތުލީޓަކަށް ރިހާން ހޮވުނީ ޖުމްލަ 105 ޕޮއިންޓު ހޯދައިގެންނެވެ. ދެވަނަ މަގާމު ހޯދި އަލީ އިމްރާންއަށް 95 ޕޮއިންޓު ލިބުނުއިރު، ތިންވަނަ ހޯދި ދާއިން އަހުމަދު ޝަފީގަށް ވަނީ 85 ޕޮއިންޓު ލިބިފައެވެ.
އެންމެ މޮޅު އަންހެން އެތުލީޓުގެ މަގާމު ހޯދި ހަމްނާއަށް ލިބުނީ ޖުމްލަ 100 ޕޮއިންޓެވެ. އޭނާއާ އެންމެ ކައިރިން ވާދަކުރި ޒައިނަބް އަބްދުﷲ ޝަފީގަށް 90 ޕޮއިންޓް ލިބުނުއިރު، 80 ޕޮއިންޓާއެކު ތިން ވަނަ ހޯދާފައިވަނީ މެރާލް އައިން ލަތީފެވެ.
މި މުބާރާތުގައި ދެން އެންމެ ފޯރިގަދަކޮށް ފެނުނީ ފިރިހެން ޓީމް އިވެންޓެވެ. އެ އިވެންޓުން އެއްވަނަ ހޯދާފައިވަނީ ފީނާ ސްވިމިން އެކަޑަމީއެވެ. އެ ޓީމުން ވަނީ 330 ޕޮއިންޓު ހޯދާފައެވެ. މީގެ އިތުރުން ދެވަނަ ލިބުނު ނިއު ލެގޫން ސްވިމިން ކުލަބަށް 200 ޕޮއިންޓު ހޯދުނުއިރު، މޯލްޑިވްސް ލައިފްގާޑް އެސޯސިއޭޝަނުން ތިން ވަނަ ހޯދީ 100 ޕޮއިންޓާއެކުއެވެ.
އިތުރު ކެޓަގަރީއަކަށް ބަލާލާއިރު، މުބާރާތުގެ އަންހެން ބައިން އެއްވަނަ ހޯދާފައިވަނީ ޑީއެޗްއައި ސްޕޯޓްސް ކްލަބެވެ. އެ ކުލަބަށް ވަނީ 305 ޕޮއިންޓް ލިބިފައެވެ. އަދި މޯލްޑިވްސް ލައިފްގާޑް އެސޯސިއޭޝަނުން 210 ޕޮއިންޓާއެކު ދެވަނަ ހޯދިއިރު، ތިންވަނަ ލިބުނީ 115 ޕޮއިންޓާއެކު ނިއުލެގޫން ސްވިމިން ކުލަބަށެވެ.