Ads by Exprox

ޚަބަރު

އަލީ ސީޒަން ލަންކާގެ ހައިކޮމިޝަނުގެ މަޤާމުން އިސްތިއުފާދެއްވައިފި

އަލީ ސީޒަން ލަންކާގެ ހައިކޮމިޝަނުގެ މަޤާމުން އިސްތިއުފާދެއްވައިފި

އަލީ ސީޒަން ފޮޓޯ:އެޑިޝަން

އާމިނަތު ޔުމްނާ

އާމިނަތު ޔުމްނާ

23 ޑިސެމްބަރު 2024، 11:34

23 ޑިސެމްބަރު 2024، 11:34

ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަނުގެ ފަސްޓް ސެކްރެޓަރީގެ މަޤާމުގައި ހުންނެވި މަޝްހޫރު ފިލްމީ ތަރި އަލީ ސީޒަން، އެ މަޤާމުން އިސްތިއުފާ ދެއްވައިފިއެވެ. މި ޚަބަރު "ފަރުދުން" އަށް ކަށަވަރުކޮށްދެއްވާފައިވަނީ އަލީ ސީޒަން އަމިއްލަފުޅަށެވެ. އިސްތިއުފާ ދެއްވި ސަބަބެއް އެހުމުން " ނޯ ކޮމެންޓްސް" ކަމުގައި ވިދާޅުވިއެވެ.

އަލީ ސީޒަން ލަންކާގައި ހުންނަ ދިވެހިރާއްޖޭގެ ހައިކޮމިޝަނުގެ ފަސްޓް ސެކްރެޓަރީގެ މަޤާމަށް އައްޔަންކުރެވުނީ މިއަހަރުގެ ޖަނަވަރީ މަހުގެ ތެރޭގައެވެ. މީގެ އިތުރުން، އޭނާ ވަނީ ލަންކާ އެމްބަސީގެ ކަލްޗަރަލް ސެންޓަރުގެ ހެޑްގެ މަޤާމު ވެސް އަދާކުރައްވާފައެވެ.

ފާއިތުވި އަހަރުގެ ރިޔާސީ އިންތިޚާބު ނިމުމާ ގުޅިގެން، އަލީ ސީޒަން ވަނީ ދިވެހި ފިލްމީ އިންޑަސްޓްރީން ބްރޭކެއް ނަގަން ނިންމާފައިވާކަން ހާމަކުރައްވާފައެވެ. އޭގެ ފަހުން، އޭނާ ރައްޔިތުންގެ މަޖިލީހުގެ ތުލުސްދޫ ދާއިރާގެ މެންބަރުކަމަށް ކުރިމަތިލާން އުޅޭކަން ވެސް އިޢުލާންކުރެއްވިއެވެ. ނަމަވެސް، މަޖިލިސް އިންތިޚާބަށް ކެމްޕޭން ވެސް ފެށުމަށްފަހު، މިދިޔަ ޑިސެންބަރު މަހުގެ ތެރޭގައި ސީޒަން ވަނީ މަޖިލީހަށް ކުރިމަތި ނުލާން ނިންމިކަން އިޢުލާންކުރައްވާފައެވެ.

އަލީ ސީޒަނަކީ ދިވެހިރާއްޖޭގައި ފާހަގަކޮށްލެވޭ، ގިނަ ބައެއްގެ ލޯބި ލިބިފައިވާ ފިލްމީ ތަރިއެކެވެ. އޭނާ ވަނީ ފިލްމީ ދާއިރާގައި ގިނަ ދުވަސްތަކެއް ވަންދެން މަސައްކަތްކުރައްވާފައެވެ. 

މި ލިޔުން ކިޔާލުމުން

Ads by MSS