ޚަބަރު
ޗައިނާ އެމްބަސީން ލ. ފޮނަދޫއަށް މަގު ސާފުކުރާ އުޅަނދެއް ހަދިޔާކޮށްފި
ލ. ފޮނަދޫ ކައުންސިލަށް މަގު ސާފުކުރާ އުޅަނދެއް ހަދިޔާކުރުން ފޮޓޯ:ޗައިނާ އެމްބަސީ
ރާއްޖޭގައި ހުންނަ ޗައިނާ އެމްބަސީން ލ. ފޮނަދޫ ކައުންސިލަށް މަގު ސާފުކުރާ އުޅަނދެއް ހަދިޔާކޮށްފިއެވެ. މި އުޅަނދު ހަދިޔާކުރުމުގެ ރަސްމިއްޔާތު ބޭއްވުނީ މިއަދު ހެނދުނު ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތާބެހޭ ވުޒާރާގައެވެ.
މި އުޅަނދަކީ ޗައިނާ އެމްބަސީން ކުރިއަށްގެންދާ "ޔުނާން ހޭންޑް އިން ހޭންޑް" ޕްރޮގްރާމްގެ ދަށުން ހަދިޔާކުރި އުޅަނދެކެވެ. އުޅަނދާ ރަސްމީކޮށް ހަވާލުވެވަޑައިގަތީ ލ. ފޮނަދޫ ކައުންސިލްގެ ރައީސް އަހްމަދު ރިޔާޒެވެ. ޗައިނާ އެމްބަސީގެ ފަރާތުން މި އުޅަނދު ހަދިޔާ ކުރެއްވީ އެ އެމްބަސީގެ ޗާރޖް ޑި އެފެއާޒް މިސް ހެއިފެންއެވެ.
ވުޒާރާއިން ދެއްވި މަޢުލޫމާތުގައިވާ ގޮތުން، މި އުޅަނދަކީ 250,000 ޗައިނީސް ޔުއާން ނުވަތަ 540,000 ދިވެހި ރުފިޔާގެ އަގުހުރި އުޅަނދެކެވެ.
ރަސްމިއްޔާތުގައި ވާހަކަފުޅު ދައްކަވަމުން، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތާބެހޭ ވުޒާރާގެ ސްޓޭޓް މިނިސްޓަރ މުޙައްމަދު އިބްރާހީމް ވިދާޅުވީ، "މިއަދު އަޅުގަނޑުމެންނަށް މި ފެނިގެންދަނީ މި ގުޅުމުގެ އަލިގަދަ ހެއްކެއް. ފޮނަދޫއަށް މިއަދު ލިބިގެންއެދަނީ އެ ރަށަށް އެހާމެ ބޭނުންތެރި މަގު ސާފުކުރާ އުޅަނދެއް" ކަމަށެވެ.
ލ. ފޮނަދޫ ކައުންސިލްގެ ރައީސް އަހްމަދު ރިޔާޒް ވިދާޅުވި ގޮތުގައި، މި އުޅަނދަކީ ކުރިން ޗައިނާ އެމްބަސީއާއެކު ބޭއްވުނު ބައްދަލުވުމެއްގައި، ލާމު ލިންކްރޯޑް ސާފުކޮށް ބެލެހެއްޓުމަށް ހުށަހެޅި ހުށަހެޅުމަކަށް ލިބުނު އިޖާބައެކެވެ.
ޗައިނާ އެމްބަސީގެ ޗާރޖް ޑި އެފެއާޒް ހެއިފެން ވިދާޅުވި ގޮތުގައި، މި އުޅަނދުގެ ސަބަބުން ލާމު އަތޮޅުގެ ރައްޔިތުންނަށް އެތައް މަންފާއެއް ކުރާނެއެވެ. އަދި ލާމު އަތޮޅަށް ފަތުރުވެރިކަމުގެ ދާއިރާއިން އިތުރު ކުރިއެރުންތަކެއް ލިބިގެންދާނެ ކަމަިގެންދާނެ ކަމަށްވެސް އޭނާ ވިދާޅުވިއެވެ.
MCLP holds the Official Handover Ceremony of the road sweeper donated to Laamu Fonadhoo Council under the Yunnan Hand in Hand Program. A generous contribution that will play a vital role in ensuring a cleaner, healthier environment for the island community.
— Ministry of Cities, Local Government, Public Works (@MoCLPmv) December 24, 2024
Sincere gratitude to… pic.twitter.com/7efk7PRF9I
ފާހަގަކޮށްލެވޭ ކަމަކީ، މީގެ ކުރިންވެސް ޗައިނާއިން ވަނީ ރާއްޖޭގެ ތަރައްޤީއަށް އެކި ގޮތްގޮތުން އެހީތެރިކަން ފޯރުކޮށްދީފައިވާކަމެވެ. މިގޮތުން މިމަހު ޗައިނާ ސަރުކާރުން މާފުށި އަދި ހިންމަފުށީ ކައުންސިލަށް ސޯލާ މަގުބައްތިތަކެއްވެސް ހަދިޔާކޮށްފައިވެއެވެ.
