Ads by Exprox

ޚަބަރު

ރާއްޖޭގައި ރަޖިސްޓަރ ކޮށްގެން ހިންގާ ސިޔާސީ ޕާޓީއަކުން ދިވެެހި އިޤްތިޞާދަށް ފޫނުބެއްދޭވަރުގެ ގެއްލުމެއް ނުދޭނެ: ޕީއެންސީ

ރާއްޖޭގައި ރަޖިސްޓަރ ކޮށްގެން ހިންގާ ސިޔާސީ ޕާޓީއަކުން ދިވެެހި އިޤްތިޞާދަށް ފޫނުބެއްދޭވަރުގެ ގެއްލުމެއް ނުދޭނެ: ޕީއެންސީ

ޕީއެންސީ އިން ރޭ ބޭއްވި ޖަލްސާގެ ތެރެއިން. ފޮޓޯ: ޕީއެންސީ

ޙަސްނާ އަޙްމަދް

ޙަސްނާ އަޙްމަދް

24 ޑިސެމްބަރު 2024، 03:25

24 ޑިސެމްބަރު 2024، 03:25

ރާއްޖޭގައި ރަޖިސްޓަރ ކޮށްގެން ހިންގާ ސިޔާސީ ޕާޓީއަކުން ދިވެހި އިޤްތިޞާދަށް ފޫނުބެއްދޭވަރުގެ ގެއްލުމެއް ނުދޭނެ ކަމަށް ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ބުނެފިއެވެ.

ޕީއެންސީ އިން މިހެން ބުނެފައިވަނީ ރޭ ބޭއްވުނު އެޕާޓީގެ ޖަލްސާއެއްގައި ފަތުރުވެރިކަމާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު ނިހާދު ދެއްކެވި ވާހަކަފުޅާއި ގުޅިގެން އެޕާޓީއިން ނެރުނު ނޫސްބަޔާނެއްގައެވެ.

ރޭގެ ޖަލްސާގައި ކުރީގެ މަޖިލީހުގެ ފޭދޫ ދާއިރާގެ މެމްބަރު ނިހާދު ދެއްކެވި ވާހަކަފުޅުގައި އިދިކޮޅު އެމްޑީޕީއިން މާލެ އަތޮޅުގެ ރިސޯޓުތަކަކަށް އަރައި، އެރިސޯޓުތަކުގައި އެއްވުމެއް ބާއްވަން ރާވާފައިވާ ކަމަށާއި، މަސައްކަތްތެރީންގެ ހައްޤުޤައި މަސައްކަތްކުރާ ޔޫނިއަންތައް މެދުވެރިކޮށް ހިންގުމަށް ރާވަމުންދާ މިޢަމަލަކީ ފަތުރުވެރިކަމަށް އަމާޒުކޮށްދޭ ޓެރަރިސްޓު ހަމަލާއެއްކަމަށް ނިހާދު ސިފަކުރައްވައިފައިވެއެވެ. 

ޕީއެންސީގެ ބަޔާނުގައި ބުނެފައިވަނީ އެޕާޓީއިން ދެކޭގޮތުގައި ރާއްޖޭގައި ރަޖިސްޓަރީކޮށްގެން ހިންގާ ސިޔާސީ ޕާޓީއަކުން އަދި މަދަނީ ޖަމްޢިއްޔާއަކުން ދިވެހިރާއްޖޭގެ ފަތުރުވެރިކަމަށް އަދި ޖުމްލަކޮށް ދިވެހި އިޤްތިޞާދަށް ފޫނުބެއްދޭވަރުގެ ގެއްލުމެއް ލިބިދާނެ ނުރައްކާތެރި ޢަމަލެއް ނުހިންގާނެ ކަމަށެވެ. އަދި ޕާޓީތަކާ މަދަނީ ޖަމްޢިއްޔާތައް ހަރަކާތްތެރިވާނީ ޤާނޫނު ހުއްދަކުރާ އިމުގެތެރެއިން ކަމަށްވެސް ޕީއެންސީއިން ބުނެފައިވެއެވެ. 

އެއިމުން ބޭރުވާނަމަ އެކަމާމެދު އަޅަންޖެހޭ ފިޔަވަޅުތައް ދައުލަތުގެ ކަމާބެހޭ އިދާރާތަކުން އަޅާނެކަމާމެދު ޝައްކެއްނުކުރަން

ޕީއެންސީ އިން ބުނެފައިވެއެވެ.

ޕީއެންސީއިން ބުނެފައިވަނީ ދިވެހިރާއްޖެއަކީ ޤައުމަށް ޒިޔާރަތްކުރާ ފަތުރުވެރިންނަށް ރައްކާތެރި މަންޒިލެއްގެ ގޮތުގައި ދެމެހެއްޓުމަށް ސަރުކާރުން އަބަދުވެސް މަސައްކަތްކުރާނެ ކަމުގެ ޔަޤީންކަން އަރުވާކަމަށެވެ. 

މީގެއިތުރުން އެޕާޓީއިން ބުނެފައިވަނީ ދައުލަތުގެ މުއައްސަސާތަކާއި ސިޔާސީ ޕާޓީތަކާއި މަދަނީ ޖަމްޢިއްޔާ ޖަމާޢަތްތަކާއި ވަކިވަކި ފަރުދުންވެސް ފަތުރުވެރިކަމަށް އަދި ބައިނަލްއަޤްވާމީ ދުނިޔޭގައި ރާއްޖޭގެ ޝުހުރަތަށް އުނިކަން އަތުވެދާނެ އެއްވެސް ކަމެއް ނުކުރުމަށް އެޕާޓީއިން އިލްތިމާސްކުރާކަމަށެވެ.

ފަތުރުވެރިކަމާބެހޭ ވުޒާރާގެ ސްޓޭޓް މިނިސްޓަރ ނިހާދު ދެއްކެވި މިވާހަކަފުޅާއި ގުޅިގެން މިހާރު އޭނާ ވަނީ މަޤާމުގެ މަސްޢޫލިއްޔަތު ތަކުން ދުރުކޮށްފައެވެ. 

 

މި ލިޔުން ކިޔާލުމުން

Ads by MSS