ޚަބަރު
ހުޅުމާލޭގައި ވެހިކަލް ދޮންނަން އުޅުނު ބިދޭސީންގެ ތެރެއިން 8 ބިދޭސީއަކު އިމިގްރޭޝަންގެ ބެލުމުގެ ދަށަށް

ހުޅުމާލޭގައި ހިންގި ރެއިޑްގެ ތެރެއިން. ފޮޓޯ: އިމިގްރޭޝަން
ހުޅުމާލޭގައި ވެހިކަލް ދޮވުމުގެ މަސައްކަތުގައި އުޅުނު ބިދޭސީންގެ ތެރެއިން 8 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވާކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން ބުނެފައިވަނީ ހުޅުމާލޭގެ ފޭސް 1 އަދި 2ގެ އެކި ސަރަހައްދުތަކުގައި ޤަވާއިދާ ޚިލާފަށް ވެހިކަލް ދޮވެ ސާފުކުރުމުގެ މަސައްކަތް ކުރަމުންދާ ބިދޭސީންނަށް އަމާޒުކޮށް އިއްޔެ ރެއިޑު އޮޕަރޭޝަނެއް ހިންގާފައިވާކަމަށެވެ.
އެގޮތުން މިރެއިޑް އޮޕަރޭޝަންގެ ދަށުން ސައްޚަ ވިސާއެއް ނެތި އުޅެމުންދިޔަ 8 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި ކަމަށް އެއިދާރާއިން ބުނެފައިވެއެވެ.
<blockquote class="twitter-tweet"><p lang="dv" dir="rtl">ހުޅުމާލޭގެ ފޭސް 1 އަދި 2ގެ އެކި ސަރަހައްދުތަކުގައި ގަވާއިދާ ހިލާފަށް ވެހިކަލް ދޮވެ ސާފުކުރުމުގެ މަސައްކަތް ކުރަމުންދާ ބިދޭސީންނަށް އަމާޒުކޮށް އިއްޔެ ވަނީ ރެއިޑު އޮޕަރޭޝަނެއް ހިންގާފައި. އެގޮތުން ސައްހަ ވިސާއެއް ނެތް 08 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި. <a href="https://t.co/EzVTRixd6M">pic.twitter.com/EzVTRixd6M</a></p>— Maldives Immigration (@ImmigrationMV) <a href="https://twitter.com/ImmigrationMV/status/1871538509691199520?ref_src=twsrc%5Etfw">December 24, 2024</a></blockquote> <script async src="https://platform.twitter.com/widgets.js" charset="utf-8"></script>
ރާއްޖޭގައި ޤަވާއިދާ ޚިލާފަށް މަސައްކަތް ކުރާ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ކުރަމުންދާ މަސައްކަތުގެ ދަށުން މިހަފްތާގެ އާދީއްތަ ދުވަހު ހުޅުމާލޭ ފޭސް 2ގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކަށް ހާއްސަކޮށް ރެއިޑު އޮޕަރޭޝަނެއް ހިންގާފައިވެއެވެ.
އެގޮތުން 08 ފިހާރަ، 04 ކެފޭ/ރެސްޓޯރަންޓު/ބޭކަރީ އަދި 01 ސެލޫން ބަލައި ފާސްކޮށްފައިވޭ. މީގެތެރެއިން ދެ ތަނެއްގައި ޤަވާއިދާ ޚިލާފަށް މަސައްކަތް ކުރަމުންދިއަ 03 މީހަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި ކަމަށް އިމިގްރޭޝަނުން ބުނެފައިވެއެވެެ.
ޤަވާއިދާ ޚިލާފަށް އުޅޭ ބިދޭސީންގެ މައްސަލަ ޙައްލު ކުރުމަށް ކުރަމުންދާ މަސައްކަތުގެ ދަށުން ގިނަ ބިދޭސީންތަކެއް ވަނީ އިމިގްރޭޝްންގެ ބެލުމުގެ ދަށަށް ގެންދެވިފައެވެ. އަދި އޭގެ ތެރެއިން ގިނަ ބަޔަކު އަނބުރާ ރާއްޖެއަށް ނާދެވޭނެ ފަދައިން އެމީހުންގެ ޤައުމަށް ފޮނުވާލައިފައިވެއެވެ.
އަދި މިމަސައްކަތުގެ ތެރެއިން ޤަވާއިދާ ޚިލާފަށް ބިދޭސީން ކުރަމުންދާ ގިނަ ވިޔަފާރިތަކެއް ހުއްޓުވައިފައިވާ ކަންވެސް ފާހަގަ ކޮށްލަންޖެހެއެވެ.