ޚަބަރު
ރާއްޖޭގެ ޒަކާތު ހައުސްގެ އެހީ ޣައްޒާގެ ރައްޔިތުންނަށް ފޯރައިފި

ޣައްޒާގެ ހޮސްޕިޓަލެއްގައި ފެން ބެހުމުގެ މަސައްކަތް ކުރަނީ. ފޮޓޯ: އިސްލާމީ ވުޒާރާ
ރާއްޖޭގެ ޒަކާތު ހައުސްގެ އެހީ ޣައްޒާގެ ރައްޔިތުންނަށް ފޯރައިފިއެވެ.
މިކަމާއި ގުޅިގެން އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވެފައިވަނީ ދިވެހިރާއްޖޭގެ ޒަކާތު ހައުސްގެ އެހީ ޣައްޒާގެ ލޮބުވެތި އަޚުންނާއި އުޚުތުންނާ ހަމަ އަށް ވާޞިލްވެއްޖެކަމަށެވެ.
ދިވެހިރާއްޖޭގެ ޒަކާތު ހައުސްގެ އެހީ ޣައްޒާގެ ލޮބުވެތި އަޚުންނާއި އުޚުތުންނާ ހަމަ އަށް ވާޞިލްވެއްޖެ. އެހީ އިން ހޭދަކުރަނީ ބޯ ފެން ބޭނުންވެފައިވާ އަޚުންނާއި އުޚުތުންނަށް ބޯ ފެން ފޯރުކޮށްދިނުމަށް. މި އެހީ ތަންފީޒުކުރަމުން މިދަނީ ޤަތަރުގެ ރެޑްކްރެސެންޓް މެދުވެރިކޮށް، 👇 pic.twitter.com/BkHPMjlSiP
— Mohamed Shaheem Ali Saeed (@Mohamedshaheem1) December 24, 2024
އެހީ އިން ހޭދަކުރަނީ ބޯ ފެން ބޭނުންވެފައިވާ އަޚުންނާއި އުޚުތުންނަށް ބޯ ފެން ފޯރުކޮށްދިނުމަށް ކަމަށްެވެސް ވަޒީރު ވިދާޅުވެފައިވެއެވެ.
އަދި މި އެހީ ތަންފީޒުކުރަމުން މިދަނީ ޤަތަރުގެ ރެޑްކްރެސެންޓް މެދުވެރިކޮށް ކަމަށްވެސް ވަޒީރު ޝަހީމް ވިދާޅުވެފައިވެއެވެ.
މިއީ ރާއްޖޭގެ ޒަކާތު ފަންޑުން ރާއްޖެއިން ބޭރުގައި ޙާލުގައި ޖެހިފައިވާ ބަޔަކަށް އެހީވާ ފުރަތަމަ ފަހަރު ކަންވެސް ވަޒީރު ޑރ ޝަހީމް ވަނީ ފާހަގަކުރައްވައިފައެވެ.
ޤަޠަރު ރެޑް ކްރެސެންޓުން ބުނެފައިވަނީ ރާއްޖޭގެ ޒަކާތު ހައުސް އިން ފަންޑު ކޮށްގެން ޣައްޒާއަށް ފެން ފޯރުކޮށްދިނުމުގެ މަސައްކަތް ފެށިފައިވާކަމަށެެވެ.
އެގޮތުން އަލްޝިފާ ހޮސްޕިޓަލާއި އަލްޙަޔާތް ހޮސްޕިޓަލްގައި ޒަޚަމްތަކަށް ފަރުވާހޯދަމުންދާ މީހުންނަށް 6000 ފޮށި މިނަރަލް ވޯޓާ ބަހައިފައިވާ ކަމަށެވެ.
އަދ ިޣައްޒާގައި ފެނުގެ ޚިދުމަތް ނުލިބިގެން ދަތިކަން ތަހައްމަލު ކުރަމުންދާ 60،000 މީހުންގެ ތަކުލީފު ލުއިކޮށްދިނުމަށް މި މަޝްރޫޢުގެ ދަށުން ފެންފޯރުކޮށްދެވޭނެ ކަމަށެވެ.
ޒަކާތު ފަންޑުން ޣައްޒާގެ ރައްޔިތުންނަށް އެހީތެރިވުމަށް ފޮނުވައިފައިވަނީ އެއް ލައްކަ ޔޫއެސް ޑޮލަރެވެ.