އައު އަހަރާ ދިމާކޮށް ބަނގުރާ އަދި މަސްތުވާތަކެތި ހުއްޓުވުމަށް ފުލުހުން ޚާއްޞަ އޮޕަރޭޝަނެއް ފަށައިފި

 އައު އަހަރާ ދިމާކޮށް ބަނގުރާ އަދި މަސްތުވާތަކެތި ބޭނުންކޮށް ވިއްކާ ވިޔަފާރިކުރުން އިތުރުވެދާނެކަމުގެ ބިރު އޮތުމާއެކު، މޯލްޑިވްސް ޕޮލިސް ސަރވިސްގެ އެކި ޑިޕާޓްމަންޓްތައް ގުޅިގެން ޚާއްޞަ އޮޕަރޭޝަނެއް ފަށައިފިއެވެ.

ޑްރަގް އެންފޯސްމަންޓް ޑިޕާޓްމަންޓާއި، ހުޅުމާލެ ޕޮލިސް، މެރިން ޕޮލިސް އަދި ކ. އަތޮޅު ޕޮލިސް ސްޓޭޝަންތައް ގުޅިގެން މިއަދު (24 ޑިސެންބަރު 2024) ފެށި މި އޮޕަރޭޝަންގައި، ހުޅުމާލޭ ފަޅުތެރެ ޕެޓްރޯލްކުރުމާއި، ރަށުތެރެއަށް ބަނގުރާ އަރުވައި ވިއްކާކަމަށް ޝައްކުކުރެވޭ ކެފޭތަކާއި ރެސްޓޯރަންޓްތައް މޮނިޓަރކުރުން ހިމެނެއެވެ.

ފުލުހުން މިއަދު އާންމުކުރި ޕޯސްޓެއްގައި ބުނެފައިވަނީ، މި އޮޕަރޭޝަންގެ ދަށުން ޤާނޫނާއި ޤަވާއިދާ ޚިލާފުވާ ފަރާތްތަކާމެދު ފިޔަވަޅުިޔަވަޅު އަޅަމުން ގެންދާނެ ކަމަށެވެ. އަދި މި އޮޕަރޭޝަނަކީ އައު އަހަރުގެ ފާހަގަކުރުންތަކާ ގުޅިގެން ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް ކުރެވޭ މަސައްކަތެއްކަމަށް ވެސް ފުލުހުން ބުނެފައިވެއެވެ.

އައު އަހަރާ ދިމާކޮށް ކުރިއަށް ގެންދާ އޮޕަރޭޝަނާ ގުޅޭ pic.twitter.com/xPIQhxAEDx

— Maldives Police (@PoliceMv) December 25, 2024